ប្រមុខរាជរដ្ឋាភិបាលកម្ពុជា អនុញ្ញាតឱ្យឯកអគ្គរដ្ឋទូតសាធារណរដ្ឋកូរ៉េបញ្ចប់អាណត្តិការទូត នៅកម្ពុជា ជួបសម្ដែងការគួរសម និងជម្រាបលា

31

ភ្នំពេញ ថ្ងៃទី២១ ខែសីហា ឆ្នាំ២០១៩ — ឯកឧត្ដម Oh Nak Young ឯកអគ្គរដ្ឋទូតសាធារណរដ្ឋកូរ៉េដែលបញ្ចប់អាណត្តិការទូត ប្រចាំ នៅ​ព្រះរាជាណាចក្រកម្ពុជានោះ ត្រូវបានប្រមុខរាជរដ្ឋាភិបាលកម្ពុជា សម្ដេចអគ្គមហា​សេ​នាបតីតេជោ ហ៊ុន សែន អនុញ្ញាតឱ្យចូលជួបសម្ដែងការគួរសម និងជម្រាបលា នាព្រឹក​ថ្ងៃ​ទី​ ២១ ខែសីហា ឆ្នាំ២០១៩ នៅវិមានសន្តិភាព។

ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រីបានឱ្យដឹង​ក្រោយជំនួ​ប​នោះ​ថា​   ឯកឧត្តម Oh Nak Young បានលើកឡើងនូវចំណុចពីរសំខាន់ៗ ទី១. គឺទំ​នា​ក់​ទំ​ន​​​ង កិច្ច សហប្រតិបត្តិការប្រទេសទាំងពីរ និងទី២. ការងារក្នុងក្របខ័ណ្ឌអនុតំបន់ និងកា​​រងារ​តំ​ប​ន់ ។

ឯកឧត្តមឯកអគ្គរដ្ឋទូតកូរ៉េបានបញ្ជាក់ថា ក្នុងទំនាក់ទំនងទ្វេភាគី  រវាងប្រ​ទេ​ស​ទាំងពីរ មា​នការរីកចម្រើនយ៉ាងខ្លាំង និងមានការធ្វើទស្សនកិច្ចផ្លូវរដ្ឋរបស់ឯកឧត្តមប្រ​ធានាធិ​បតីសា​ធា​រ​ណរដ្ឋកូរ៉េមកកម្ពុជា នៅក្នុងពេលឯកឧត្តមធ្វើជាអគ្គរដ្ឋទូតនៅកម្ពុជា ដោយបានជំ​រុញ​ការ​ងា​រទ្វេភាគី  ពិសេសលើពាណិជ្ជកម្ម សេដ្ឋកិច្ច ទេសចរណ៍ជាដើម។ ឯកឧត្តមបានបន្ដថា នៅ ខែវិច្ឆិកា នាពេលខាងមុខ អាស៊ាន និងសាធារណរដ្ឋកូរ៉េ នឹងប្រារព្ធខួបនៃ​ទំនាក់​ទំ​ន​ង​​នឹងគ្នា នៅសាធារណរដ្ឋកូរ៉េ ដែលបច្ចុប្បន្ននេះ កម្ពុជាជាប្រទេស​សម្របសម្រួលកិច្ច​សន្ទ​នា​ អាស៊ាន-កូរ៉េ។ ដូច្នេះហើយ កម្ពុជាមានតួនាទីសំខាន់ នៅក្នុងកិច្ចការងារ រវាងអាស៊ាន ​និង​កូ​រ៉េ​។ ពាក់ព័ន្ធជាមួយនឹង ក្របខ័ណ្ឌអនុតំបន់ គឺមេគង្គ-កូរ៉េ កន្លងមកនេះ គឺមានយន្ត​ការថ្នា​ក់​រដ្ឋ​មន្ត្រីការបរទេសមេគង្គ-កូរ៉េ ដែលជាការផ្ដួចផ្ដើមរបស់សម្ដេចតេជោនាយករដ្ឋមន្ត្រី បាន​ស្នើ​​ឱ្យយន្តការនេះ កើនឡើងមួយកម្រិតទៀត ពោលគឺឱ្យដល់ថ្នាក់កំពូល។ ជាមួយគ្នានេះ សាធារណរដ្ឋកូរ៉េ ក៏ទ​ទួ​ល​យកនូវសំណើ របស់សម្ដេចតេជោផងដែរ។

សម្ដេចតេជោនាយករដ្ឋមន្ត្រីបានកត់សម្គាល់ដែរថា ការវិនិយោគ ពាណិជ្ជកម្ម និង​កិច្ច​សហប្រតិបត្តិការសេដ្ឋកិច្ចរវាងប្រទេសទាំងពីរ(កម្ពុជា និងសាធារណរដ្ឋកូរ៉េ) ក្នុងក្រប​ខ័ណ្ឌ​ទ្វេ​ភា​គីមានការរីកចម្រើនមែន ក៏ប៉ុន្តែសម្តេចតេជោនាយករដ្ឋមន្ត្រី ចង់ឃើញនូវទំហំពាណិជ្ជកម្ម រវា​ងប្រទេសទាំងពីរមានការកើនឡើងថែមទៀត។ សម្ដេចតេជោ បានជំរុញឱ្យភាគីទាំងពីរ ធ្វើ​យ៉ា​ងណាពង្រីកនឹងបង្កើនទំហំពាណិជ្ជកម្មទ្វេភាគី ឱ្យកាន់តែកើនឡើងថែមទៀត។ ​សម្ដេ​​ច តេជោ ក៏បានស្នើឱ្យភាគីកូរ៉េបន្តការនាំចូលផលិតផលកសិផលរបស់កម្ពុជា ចូលទៅកាន់​ទីផ្សារ​កូ​រ៉េ​ ខណៈដែលកម្ពុជា មានសក្តានុពលជាច្រើន ទៅលើផលិតផលកសិកម្ម ដូចជាផ្លែ​ស្វាយជាដើម។ សម្ដេចតេជោនាយករដ្ឋមន្ត្រី ក៏ចង់ឃើញផងដែរ​សាធារណរដ្ឋកូរ៉េ បង្កើនការ​វិនិ​យោ​គ​​មក​កា​ន់ព្រះរាជាណាចក្រកម្ពុជាថែមទៀត។

ឯកឧត្តម កៅ គឹមហួនបានឱ្យដឹងទៀតថា   នៅ​ក្នុ​ង​កិ​ច្ចពិភាក្សានេះ សម្ដេចតេជោ​បាន​លើកនូវកម្រិតចំនួន៣ ដែលភាគីកម្ពុជានិងកូរ៉េ ត្រូវតែ​ខិ​តខំពង្រឹងពង្រីកទំនាក់ទំនង និងកិច្ច​សហប្រតិបត្តិការថែមទៀត  គឺកម្រិតទ្វេភាគីនៃ​ប្រ​ទេ​ស​​ទាំងពីរ ដោយធ្វើយ៉ាងណាឱ្យមានការ​បន្តពង្រីក និងពង្រឹងទ្វេភាគីឱ្យកាន់តែ​ខ្លាំងក្លា​រឹងមាំថែ​ម​​ទៀត។ ដោយបច្ចុប្បន្ននេះ​មានប្រជា​ពលរដ្ឋខ្មែរជាង៨.០០០នាក់ ដែលបានរៀប​ការជា​មួយ​ជន​ជា​តិកូរ៉េ ហើយមានបុរសកម្ពុជា​ប្រមាណ៤០០នាក់ មានភរិយាជាជនជាតិកូរ៉េ។ ដូច្នេះមានន័យ​ថា​ ទំនាក់ទំនងរវាងប្រជាជន និងប្រជាជនមានការកើនឡើង។ សម្ដេចតេជោក៏ចង់ឃើញទំនាក់ទំនង​ទ្វេ​ភាគីនេះ មិនមែន​ត្រឹម​តែការវិនិយោគ សេដ្ឋកិច្ច ពាណិជ្ជកម្ម និងទេសចរណ៍ប៉ុណ្ណោះទេ ប៉ុ​ន្តែ​ចង់ឃើញទំនាក់ ទំនងល្អ រវាងប្រជាជននិងប្រជាជន មានការកើនឡើងថែមទៀត។ សម្ដេ​ច​តេ​​ជោ បានលើក អំពីកិច្ចសហប្រតិបត្តិការ ផ្នែកអនុតំបន់មេគង្គ-កូរ៉េ ដែលសម្ដេចបានរីករាយ នៅ​​ពេលដែល​សាធារណរដ្ឋកូរ៉េ សម្រេចទទួលយកអនុសាសន៍ របស់សម្ដេចតេជោ ក្នុងការ​ដំ​ឡើ​ងកម្រិតនៃ​កិច្ចសហប្រតិបត្តិការនិងយន្តការនេះ។ សម្តេចតេជោកត់សម្គាល់ឃើញថា កម្ពុជា​បាន​ទា​ញ ផលប្រយោជន៍ជាច្រើន ទាំងកម្រិតទ្វេភាគីផង និងកម្រិតអនុតំបន់ផងដែរ ដោយ​សារ​តែ​កម្រិ​តអនុតំបន់ មានគម្រោងជាច្រើន ក្នុងកិច្ចដំណើរការជំរុញការអភិវឌ្ឍ នៅក្នុងចំណោម​ប្រ​ទេ​ស មេគង្គ រួមទាំងកម្ពុជាផងដែរ។ លើសពីនេះទៀត ទាក់ទងនឹងកិច្ចសហប្រតិបត្តិការ ក្នុងកម្រិត​តំបន់រវាងអាស៊ាន-កូ​រ៉េ ​វិ​ញជាយន្តការដ៏សំខាន់គ្រាដែលកម្ពុជាជាប្រទេសសម្រប​សម្រួល​នោះ។ សម្ដេចតេជោកក៏ចង់ឃើញ ការ​រឹ​ត​​ចំណងមិត្តភាពបន្ថែមទៀត ពិសេសលើការវិនិ​យោគ ពាណិជ្ជកម្ម ដើម្បីឱ្យឆ្លើយតបទៅ​នឹ​ង​កំ​​ណើន​សេដ្ឋកិច្ច និងសង្គមសេដ្ឋកិច្ចអាស៊ាន-កូរ៉េ​ ផងដែរ៕

ដោយ ជឹម ណារី