ពិធីបដិសណ្ឋារកិច្ច ដោយឯកឧត្ដម វីទ័រ អូបេន (Viktor Orban) នាយករដ្ឋមន្រ្តីនៃសាធារណរដ្ឋហុងគ្រី នៅល្ងាចថ្ងៃទី១៣ មិថុនា ដដែលនេះ ប្រមុខរដ្ឋាភិបាលនៃប្រទេសទាំងពីរ សម្តេចតេជោនាយករដ្ឋមន្រ្តី និងសមភាគីនាយករដ្ឋមន្រ្តីហុងគ្រី ក៏បានអញ្ជើញធ្វើជំនួបពិភាក្សាចង្អៀត និងបើកកិច្ចប្រជុំកំពូលពេញអង្គទ្វេភាគី ដើម្បីបង្កើនទំនាក់ទំនង កិច្ចសហប្រតិបត្តិការទ្វេភាគី នៃប្រទេសទាំងពីរកម្ពុជា ហុងគ្រី ឲ្យកាន់តែរឹងមាំស្អិតរមួតនិងទ្វេឡើងថែមទៀត។
បន្ទាប់ពីជំនួបទ្វេភាគី របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្ដម វីទ័រ អូបេន (Viktor Orban) នាយករដ្ឋមន្រ្តីនៃសាធារណរដ្ឋហុងគ្រី កាលពីល្ងាច ថ្ងៃព្រហស្បតិ៍ ១១កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែមិថុនា ឆ្នាំ២០១៩ នៅវិមានរដ្ឋាភិបាល កាម៉េលីតា ក្នុងទីក្រុងប៊ុយដាប៉េស រួចមកប្រមុខរដ្ឋាភិបាល នៃប្រទេសទាំងពីរ បានអញ្ជើញក្នុងពិធីចុះហត្ថលេខាលើឯកសារចំនួនបី សំដៅពង្រឹងកិច្ចសហប្រតិបត្តិការទ្វេភាគី រវាងប្រទេសទាំងពីរកម្ពុជា-ហុងគ្រីឱ្យកាន់តែរឹងមាំទ្វេឡើងថែមទៀត។