ភ្នំពេញ ថ្ងៃទី៣១ ខែឧសភា ឆ្នាំ២០១៩ ប្រភពពីទូរទស្សន៍ជាតិកម្ពុជាបានឱ្យដឹងថា បន្ទាប់ពីជំនួបទ្វេភាគី នាព្រឹកថ្ងៃទី ៣១ ឆ្នាំ២០១៩ ដែលជាថ្ងៃចុងក្រោយ នៃការស្នាក់អាស្រ័យបំពេញទស្សនកិច្ចការងារ និង អញ្ជើញចូលរួមសន្និសីទអន្តរជាតិលើកទី២៥ ស្តីពីអនាគតរបស់អាស៊ី នៅទីក្រុងតូក្យូ ប្រទេសជប៉ុន សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឯក ឧត្តមនាយករដ្ឋ មន្រ្តីជប៉ុន អាបេ ហ្សិនសូ បានអញ្ជើញធ្វើជាសាក្សីនៃពិធីចុះហត្ថលេខាលើលិខិត ផ្លាស់ប្តូរសារ នៃកិច្ចព្រមព្រៀងចំនួនពីរស្តីពីការផ្តល់ជំនួយឥតសំណងរបស់ជប៉ុន សម្រាប់គម្រោងអភិវឌ្ឍន៍ ប្រទេសកម្ពុជា។
លើលិខិតផ្លាស់ប្តូរសារ នៃកិច្ចព្រមព្រៀងទាំងនោះរួមមាន ទី១-ការអនុវត្តកម្មវិធីអភិ វឌ្ឍន៍សេដ្ឋកិច្ច និងសង្គម (សាងសង់ស្ថានីយ កុងតឺន័រដែលមានទឹកប្រាក់ ២០០លានយ៉េនជប៉ុន ប្រមាណ ១.៨លានដុល្លារអាម៉េរិក) និងទី២- ការអនុវត្តគម្រោងអាហារូបករណ៍អភិវឌ្ឍន៍ធនធានមនុស្ស ដែលមានទឹកប្រាក់ ៣៣៩ លាន យ៉េនជប៉ុនប្រមាណជាង ៣លានដុល្លារអាម៉េរិក។ ឯកសារនេះត្រូវបានចុះហត្ថលេខារវាង ឯកឧត្តម ហ៊ីដេហ៊ីសា ហូរីណូឈិ (Hidehisa Hori no u chi ) ឯកអគ្គរាជទូតវិសាមញ និង ពេញសមត្ថភាពជប៉ុន ប្រចាំព្រះរាជាណាចក្រកម្ពុជា ជាមួយ ឯក ឧត្តម អ៊ឹង រចនា ឯកអគ្គរាជទូត វិសាមញ និងពេញសមត្ថភាពព្រះរាជាណាចក្រកម្ពុជាប្រចាំប្រទេសជប៉ុន។ បន្ទាប់មកប្រមុខរដ្ឋាភិបាលនៃប្រទេសទាំងពីរកម្ពុជា-ជប៉ុន អញ្ជើ ធ្វើជំនួបពិភាក្សាទ្វេភាគីក្នុងកម្មវិធីអាហារថ្ងៃត្រង់ក្នុងបរិយាកាសស្និទ្ធស្នាលរាក់ទាក់ផងដែរ៕
ដោយ ជឹម ណារី
