សម្ដេចតេជោ ហ៊ុន សែន ស្វាគមន៍ការផលិតថាមពលស្អាតនៅកម្ពុជា

26

ភ្នំពេញ​ ថ្ងៃទី២១ ខែមករា ឆ្នាំ២០១៩ — ក្នុងខណៈដែលអនុញ្ញាតឱ្យក្រុមហ៊ុនវិនិយោគវារីអគ្គិសនីសេសាន្តក្រោម២ ហួ​រណេង​គ្រុ​​ប ដឹកនាំដោយ​ឯកឧត្តម​បណ្ឌិត ស៊ូ យីនពាវ (Shu Yinbiao)  ប្រធានក្រុមប្រឹក្សាភិបាលថ្មី ចូ​ល​​​ជួបសម្ដែងការគួរសម និងពិភាក្សាការងារ នា​ឱ​កា​សបំពេញទស្សនកិច្ចផ្លូវការនៅសាធារ​ណ​​​រដ្ឋ​ប្រជាមានិតចិន នាព្រឹកថ្ងៃទី២១ ខែមករា ឆ្នាំ​២០​១៩ នៅទីក្រុងប៉េកាំងនោះ សម្តេច​អគ្គ​ម​ហា​សេនាបតីតេជោ ហ៊ុន សែន នាយករដ្ឋមន្រ្តី នៃព្រះរា​ជា​ណាចក្រ​កម្ពុ​ជា បានស្វាគមន៍​ចំ​ពោះ​​គម្រោងវិនិយោគ ពិសេសការផលិតថាមពលស្អាតនៅកម្ពុជា។

ប្រភពពីទូរទស្សន៍ជាតិកម្ពុជាបានឱ្យដឹងថា ឯកឧត្ដម  ស៊ូ យីនពាវ (Shu Yinbiao) ប្រធាន​ក្រុម​​ប្រឹក្សាភិបាលនៃក្រុមហ៊ុន ហួរណេងគ្រុប ដែលជាក្រុមហ៊ុនសាងសង់វារី​អគ្គិ​ស​នី​សេ​សាន្ត​ក្រោ​ម២ នៅខេត្តស្ទឹងត្រែង បានបញ្ជាក់ជូន សម្តេចតេជោ ថា ក្រុមហ៊ុនរបស់ ឯកឧត្ដម​មាន​គ​ម្រោ​ងសិក្សានិងវិនិ យោគផលិតថាមពលអគ្គិសនីដើរ ដោយពន្លឺព្រះអាទិត្យ ផងដែរ។

សម្តេចតេជោ ហ៊ុន សែន បានកោតសរសើរនិងលើកទឹកចិត្តដល់ក្រុមហ៊ុន ដែល​កំ​ពុ​ង​បណ្តា​ក់ទុនវិនិយោគនៅក្នុងកម្ពុជា។ សម្តេចតេជោនាយករដ្ឋមន្ត្រី បានអនុញ្ញាត​ឱ្យក្រុមហ៊ុន​ធ្វើ​ការសិក្សាស្រាវជ្រាវ ដើម្បីបណ្តាក់ទុនវិនិយោគ ពិសេសការផលិតថាមពល​ស្អាតនៅ​កម្ពុ​ជា​។​ ក្រុមហ៊ុនក៏មានគម្រោងសាងសង់បំពង់បង្ហូរប្រេង ឬឧស្ម័ន ពីខេត្តព្រះសីហនុ មក​កាន់​រាជ​ធា​នីភ្នំពេញ ជាមួយនិងគម្រោងនៃការសាងសង់ផ្លូវល្បឿនលឿនផងដែរ៕

ដោយ ជឹម ណារី