នៅរសៀលថ្ងៃទី ៥ ធ្នូ នេះ ឯកឧត្តម ទេព ងន អនុប្រធានព្រឹទ្ធសភា នៃព្រះរាជាណាចក្រកម្ពុជា ជាតំណាងដ៏ខ្ពង់ខ្ពស់ អញ្ជើញជួបសួរសុខទុក្ខសំណេះសំណាលជាមួយកូនក្មួយជំនួសសម្តេចតេជោ។
ឯកឧត្តម ទេព ងន តំណាងដ៏ខ្ពង់ខ្ពស់ សម្តេចតេជោនាយករដ្ឋមន្រ្តី បានវាយតម្លៃខ្ពស់ចំពោះការខិតខំប្រឹងប្រែង របស់កូនក្មួយសិស្សនិស្សិតទាំងអស់នៅប្រទេសឡាវ។
សូមកូនក្មួយខិតខំប្រឹងប្រែងសិក្សារៀនសូត្រ ហើយគោរពច្បាប់ប្រទេសគេអោយបានល្អ។ សម្តេចតេជោហ៊ុន សែន នាយករដ្ឋមន្រ្តីក៏បានពិភាក្សាផងដែរជាមួយរដ្ឋាភិបាលឡាវ ដើម្បីបន្ថែមថវិកាអាហារូបករណ៍សម្រួលដល់កូនក្មួយនិស្សិតកម្ពុជា និងឡាវ ដែលកំពុងសិក្សានៅប្រទេសរៀងៗខ្លួន។ តាមរយៈ ឯកឧត្តម អនុ ប្រធានព្រឹទ្ធសភា សម្តេចតេជោ ហ៊ុន សែន បានឧបត្ថម្ភនូវថវិកាមួយចំនួនដល់កូនក្មួយសិស្សនិស្សិតដើម្បីសម្រួលដល់ការសិក្សានៅក្នុងប្រទេសឡាវសព្វថ្ងៃនេះ៕
