សម្តេចតេជោ ហ៊ុន សែន អញ្ជើញដល់អាកាសយានដ្ឋានអន្តរជាតិ ចាងងី សាធារណរដ្ឋសិង្ហបុរី ដើម្បីចូលរួមកិច្ចប្រជុំកំពូលអាស៊ានលើកទី៣៣ និងកិច្ចប្រជុំកំពូលពាក់ព័ន្ធនានា

សម្តេច​អគ្គ​មហា​សេនា​បតីតេជោ ហ៊ុន សែន នាយករដ្ឋមន្រ្តី នៃព្រះរាជា​ណាចក្រកម្ពុជា ក៏​ដូចជា​បណ្តាមេដឹកនាំ នៃប្រទេសអាស៊ានដទៃទៀត បានអញ្ជើញ​ទៅដល់​សាធារណរដ្ឋ​សិង្ហបុរី ជា ទី​ដែលបណ្តា​មេដឹកនាំ នៃប្រទេសអាស៊ាន និងប្រទេសជា​ដៃគូអាស៊ាន អញ្ជើញចូលរួមកិច្ចប្រជុំកំ ពូលអាស៊ានលើកទី៣៣ និងកិច្ចប្រជុំ​កំពូលពាក់​ព័ន្ធនានា ពីថ្ងៃទ១៣ដល់ថ្ងៃទី១៥ វិច្ឆិកា។ យន្តហោះពិសេស​របស់ព្រះ​រាជាណាចក្រកម្ពុជា ជើងហោះហើរលេខ ០០១ បានធ្វើការចុះចតនៅ អាកាស​យានដ្ឋាន​អន្តរជាតិ ចាងងី សាធារណរដ្ឋសឹង្ហបុរី កាលពី​វេលាម៉ោង១០និង៥៧នាទី ម៉ោង​នៅ​សាធារណ​រដ្ឋសិង្ហបុរី ត្រូវនិងម៉ោ​ង៩និង​៥៧នាទី ម៉ោងនៅព្រះ​រាជា​ណាចក្រកម្ពុជា។

វត្តមាន​​នៃការអញ្ជើញដ​ល់របស់​​សម្តេចតេជោ ហ៊ុន សែន នាយករដ្ឋមន្រ្តី និងគណៈ​ប្រតិភូជាន់ខ្ពស់​រាជ​រដ្ឋា​ភិបាល​​កម្ពុជា ត្រូវបាន​ការ​ធ្វើគារ​វកិច្ច​ស្វាគមន៍​យ៉ាងស្និទ្ធស្នាលរ៉ា​ក់ទាក់បំ​ផុត ពី ឯកឧត្តម ម៉ូហាម៉េត ម៉ាលីគី ប៊ីន​អូស្មាន (Mohammed Maliki Bin Osman) ទេសរដ្ឋ​មន្រ្តី​ទទួលបន្ទុក​កិច្ច​ការពារ និង​កិច្ចការ​​បរទេស​​របស់​សឹង្ហ​បុរី ឯកឧត្តម ងួន សុខវេង ឯកអគ្គ​រាជ​​​ទូត​វិសាមញ និង​ពេញ​សមត្ថភាព របស់ព្រះ​​រាជាណា​ចក្រកម្ពុជា ប្រចាំ​ប្រទេស​​សឹង្ហបុរី ព្រមទាំង​វត្តមាន​ឯកឧត្តម លោក​​ជំទាវ ជាឥស្សរជន​ជាន់​​ខ្ពស់​រដ្ឋាភិបាល​សឹង្ហបុរី និងឥស្សរជន​ការ​ទូត​របស់​ព្រះ​រាជាណាចក្រ​កម្ពុជា ប្រចាំប្រទេស​​សឹង្ហបុរីជា​ច្រើន​រូប។ កិច្ច​ប្រ​ជុំ​កំពូល​អាស៊ាន​លើក​ទី៣៣ និងកិច្ចប្រ​ជុំ​កំពូល​ពាក់ព័ន្ធនានា ប្រព្រឹត្តទៅ​ក្រោមមូលបទ «ភា​ពរឹង​មាំ និងនវា​នុវត្តន៍​របស់អាស៊ាន»​។

តាម​កម្មវិធី​ដែលបា​នគ្រោ​ងទុ​ក សម្តេចតេជោនា​យក​រដ្ឋមន្រ្តី ក៏ដូចជា​បណ្តា​មេដឹកនាំ​នៃប្រទេស​​អាស៊ាន​​ដទៃទៀត នឹងអញ្ជើញ​ចូលរួមក្នុ​ងកិច្ចប្រ​ជុំកំពូល ដូច​ខាង​ក្រោមៈ

– កិច្ចប្រជុំកំពូល​អាស៊ាន​លើកទី៣៣ / ការពិសាអាហារ​ការងារពេលល្ងាច សម្រាប់​ថ្នាក់ដឹកនាំអាស៊ាន
– កិច្ច​ប្រជុំកំពូល​ក្រៅផ្លូវការអាស៊ាន-អូស្រ្តាលី អមដោយអាហារ​ពេលព្រឹក
– កិច្ចប្រជុំកំពូលអាស៊ាន-ចិន លើកទី២១- កិច្ចប្រជុំកំពូលអាស៊ាន
– សាធារណរដ្ឋកូរ៉េ លើកទី​២០
​- កិច្ចប្រជុំកំពូល​អាស៊ាន​-រុស្ស៊ីលើកទី៣
– កិច្ចប្រជុំកំពូលអាស៊ាន-ជប៉ុនលើកទី២១
– កិច្ចប្រជុំ​កំពូលក្រៅផ្លូវការ​អាស៊ាន​-ឥណ្ឌា អមដោយអាហារពេលព្រឹក
– កិច្ចប្រជុំកំពូលអាស៊ាន-សហរដ្ឋ​អាមេរិក លើកទី៦
– កិច្ច​ប្រជុំកំពូលអាស៊ានបូកបី លើកទី២១
– កិច្ចប្រជុំកំពូលអាស៊ីបូព៌ា លើក​ទី១៣ (ពេញអង្គ)
– កិច្ច​ប្រជុំកំពូលអាស៊ីបូព៌ា (ចង្អៀត) អមដោយអាហារថ្ងៃត្រង់ និង​កិច្ច​ប្រ​ជុំថ្នាក់ដឹកនាំនៃភាពជាដៃគូ​សេដ្ឋកិច្ចទូលំទូលាយក្នុងតំបន់លើកទី២។ ​ស្របពេល​កិច្ចប្រជុំ​​កំពូល​​នេះ សម្តេចតេជោ ហ៊ុន សែន នាយក​រដ្ឋមន្រ្តី  នឹងអញ្ជើញ​ចូលរួម​ក្នុងប្រជុំ និងកម្មវិធី​មួយចំ​នួន ដូច​ខាង​ក្រោម៖
​- កិច្ចប្រជុំ​ជាមួយ​ក្រុមប្រឹក្សាពិគ្រោះយោបល់ធុរកិច្ចអាស៊ាន​
– កម្មវិធីអាហារការងារ​ថ្ងៃ​ត្រង់​ រៀបចំដោយ​ឯកឧត្តម លី សៀនឡុង សម្រាប់ថ្នាក់ដឹកនាំអាស៊ាន និង​​ពិធីលៀងសាយ​ភោជន៍ (Gala Dinner) រៀបចំដោយប្រធានកិ​ច្ចប្រជុំ​សម្រាប់ថ្នាក់ដឹកនាំអាស៊ាន។ ​ក្នុងអំឡុង​ពេលស្នាក់​នៅ​ប្រទេសសិង្ហបុរី សម្តេចតេជោនាយករដ្ឋមន្រ្តី នឹងមានជំនួបទ្វេភាគី ជាមួយប្រមុខ​គណៈ​ប្រតិភូ ​នៃប្រទេសមួយចំនួនផងដែរ។

សូមបញ្ជាក់​ដែរថា នៅសណ្ឋាគារស្នាក់​របស់សម្តេច​តេជោ វត្ត​មាននៃការ​អញ្ជើញដល់រ​បស់សម្តេច​និងគណៈ​ប្រតិភូ ត្រូវបានការធ្វើគារ​វកិច្ច​​ស្វាគមន៍យ៉ាង​​កក់​ក្តៅ ពីសំណាក់​និស្សិត​កម្ពុជា និងតំណាង​សភាពាណិ​ជ្ជកម្មកម្ពុជា​ជាច្រើនរូប។

ពត៌មានទាក់ទង

ពត៌មានផ្សេងៗ