សម្តេចធិបតី ហ៊ុន ម៉ាណែត បានថ្លែងថា យើងត្រូវគិតអោយធំគ្រប់ជ្រុងជ្រោយពេលដែលយើងដាក់ចេញគោលនយោបាយ ប៉ុន្តែពេលដាក់ចេញគោលនយោបាយ ការអនុវត្តត្រូវគិតពីគន្លឹះមួយៗហើយត្រូវដោះឱ្យចំគោលដៅ ពោលគឺបើយើងដាក់តែគោលនយោបាយ ហើយមិនដឹងថាអ្វីជាអាទិភាព និងអាទិភាពមួយណាជាគន្លឹះ ព្រមទាំងមិនដាក់គោលដៅទៅជួបផ្ទាល់ដោះស្រាយផ្ទាល់យើងនឹងជួបផលវិបាកហើយ។
សម្តេចធិបតី ហ៊ុន ម៉ាណែត បានគូសបញ្ជាក់ថា បើយើងដោះស្រាយមិនចំគោលដៅ យើងនឹងខាតពេលវេលា ដូច្នេះហើយការដោះស្រាយចំគោលដៅទាមទារឱ្យយើងមើលចាប់ពីរឿងតូចៗដែលសំខាន់។
សម្តេចធិបតី ហ៊ុន ម៉ាណែត បានថ្លែងបែបនេះនៅក្នុងឱកាសអញ្ជើញជាអធិបតី «សម្ពោធពិពណ៌កម្ពុជាលើកទី១៧ នៅបុរីប៉េងហួតបឹងស្នោរ» នៅព្រឹកថ្ងៃទី១៣ ខែធ្នូ ឆ្នាំ២០២៤៕
