សម្តេចតេជោ ហ៊ុន សែន ថ្វាយសារលិខិតអបអរសាទរ ប្រគេនសម្តេចព្រះពោធិវ័ង្ស អំ លឹមហេង ក្នុងឱកាសត្រូវបានព្រះមហាក្សត្រ ត្រាស់បង្គាប់ថ្វាយព្រះឋានៈ សម្តេចព្រះមហាសុមេធាធិបតី សម្តេចព្រះសង្ឃនាយក គណៈមហានិកាយកម្ពុជា

(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្វាយសារលិខិត សម្តែងនូវអំណរសាទរ ប្រកបដោយមនោសញ្ចេតនាជ្រាលជ្រៅបំផុត ប្រគេនចំពោះសម្តេចព្រះពោធិវ័ង្ស អំ លឹមហេង ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសដែលសម្តេច ត្រូវបានព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ប្រោសព្រះរាជទានត្រាស់បង្គាប់ដំឡើង និងតែងតាំងព្រះឋានៈជា សម្តេចព្រះមហាសុមេធាធិបតី សម្តេចព្រះសង្ឃនាយក គណៈមហានិកាយកម្ពុជា៕