ប្រភពៈ ក្រសួងការបរទេស Norway ចុះថ្ងៃទី ០៧ ខែ មេសា ឆ្នាំ ២០១១
មានការរាយការណ៏មកថាអាជ្ញាធរថៃបានប្រើគ្រាប់បែកចង្កោមនៅក្នុងប្រទេសកម្ពុជា។ រដ្ឋមន្រ្តីក្រសួងការបរទេសន័រវែស លោក Jonas Gahr Store បាននិយាយថាៈ “ប្រសិនបើ សេចក្កីរាយការណ៏ទាំងនេះពិតមែននោះ នេះគឺជាបញ្ហាដ៏ធ្ងន់ធ្ងរមួយ។
យោងតាមរបាយការណ៏ជាច្រើន ប្រទេសថៃបានប្រើប្រាស់គ្រាប់បែកចង្កោមកាលពីខែ កុម្ភៈ នាឆ្នាំនេះនៅក្នុងជម្លោះព្រំដែនជាមួយប្រទេសកម្ពុជា។ អង្គការជំនួយប្រជាជនន័រវែស (Norwegian People’s Aid) ដែលធើ្វការនៅក្នុងប្រទេសកម្ពុជា និងថៃ ថ្មីៗនេះបានទៅពិនិត្យ មើលតំបន់ ជុំវិញប្រាសាទព្រះវិហារដែលមានជម្លោះនោះ។ ឥឡូវនេះ អង្គការក្រៅ រដ្ឋាភិបាលនោះបានរាយ ការណ៍មកថា បានរកឃើញគ្រាប់បែកចង្កោមប្រភេទ M42 M46 និង M85។ គេជឿថា មាន ប្រជាជនជាច្រើនបានស្លាប់ ឬរងរបួសនៅក្នុងជម្លោះនោះ ហើយ ប្រជាជនជាច្រើនទៀតបានគេច ចេញពីតំបន់នោះ។ ដោយសារឥឡូវនេះប្រជាជនកំពុងវិល ត្រឡប់ទៅភូមិដ្ឋានរបស់គេវិញ គ្រាប់ រំសេវដែលមិនទាន់ផ្ទុះទាំងអស់នោះបានធើ្វឲ្យពួកគេ ស្ថិតក្នុងស្ថានភាពគ្រោះថ្នាក់យ៉ាងធ្ងន់ធ្ងរ។
លោក Store បាននិយាយថា ប្រទេសន័រវែសថ្កោលទោសរាល់ការប្រើប្រាស់ គ្រាប់បែក ចង្កោមទាំងអស់។ អាវុធទាំងនេះសម្លាប់ និងធើ្វឲ្យជនស៊ីវិលពិការ ហើយនឹងផល វិបាកខាងមនុស្សធម៌ដែលមិនអាចទទួលយកបាន និងស្ថិតក្នុងរយៈពេលយូរអង្វែងបន្ទាប់ ពីការប្រើអាវុធ នោះ។ អាស៊ីអាគេ្នយ៍គឺជាតំបន់ដែលបានទទួលរងគ្រោះយ៉ាងខ្លាំងរួចហើយ ហើយឧបទ្ទវហេតុនៅព្រំដែនកម្ពុជា-ថៃ បង្ហាញយ៉ាងច្បាស់នូវមូលហេតុដែលអាវុធនេះត្រូវ ហាមមិនឲ្យប្រើប្រាស់នា ពេលឥឡូវនេះ។
គ្រាប់បែកចង្កោមជាអាវុធបាចសាចលើផ្ទៃដីធំដោយមិនបែងចែកថា ជាគោលដៅ យោធា ឬជនស៊ីវិលនោះទេ ហើយអាវុធនោះបណ្តាលឲ្យមានការរងគ្រោះយ៉ាងធំធេងដល់ ជនស៊ីវិលទាំង ក្នុងអំឡុងពេលជម្លោះ និងក្នុងរយៈពេលយូរបន្ទាប់ពីជម្លោះ។
លោក Store “បាននិយាយថា របាយការណ៏នោះដែលបានចងក្រងដោយអង្គការ សម្ព័ន្ធគ្រាប់បែកចង្កោម (CMC) និងអង្គការជំនួយប្រជាជនន័រវែសបង្ហាញពីសារៈសំខាន់ក្នុង ការបង្កើតអនុសញ្ញាសី្តពីគ្រាប់បែកចង្កោមនោះឡើង ដែលអនុសញ្ញានោះហាមប្រាមមិនឲ្យ ប្រើអាវុធទាំង នេះ។ តម្រូវឲ្យមានការខិតខំប្រឹងប្រែងបន្តទៀត ដើម្បីជម្រុញឲ្យប្រទេសច្រើន ទៀតមកចូលរួម។ ខ្ញុំជម្រុញឲ្យប្រទេសកម្ពុជា និងថៃក្លាយជាភាគីក្នុងអនុសញ្ញានោះឲ្យ បាន កាន់តែឆាប់តាមដែល អាចធើ្វបាន ហើយសហការគ្នាការពារប្រជាជនថែមទៀតពីការស្លាប់ ឬរងរបួសដោយសារតែអាវុធទាំងនេះ។
ដោយមានការួមដៃគ្នាជាមួយអង្គការមនុស្សធម៌ផេ្សងៗ និងអង្គការសហប្រជាជាតិ ប្រទេស ន័រវែសរួមចំណែកក្នុងការបោសសំអាតគ្រាប់រំសេវមិនទាន់ផ្ទុះ និងការគាំទ្រជនរង គ្រោះបណ្តាល មកពីគ្រាប់បែកចង្កោមគ្រាប់មីន និងគ្រឿងផ្ទុះដទៃៗទៀតនៅជុំវិញ ពិភពលោក៕
