ក្រោយពីទទួលបានការអនុញ្ញាតពី ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណ:រដ្ឋមន្ត្រី នៅថ្ងៃទី១៨ ខែមករា ឆ្នាំ២០២៤ នាយកដ្ឋានអាស៊ាន នៃអគ្គនាយកដ្ឋានសហប្រតិបត្តិការអន្តរជាតិ បានរៀបចំសិក្ខាសាលាការកសាងសមត្ថភាព ស្តីពី «ការលើកកម្ពស់ កំណើន និងការងារ តាមរយៈសមាហរណកម្មសហគមន៍សេដ្ឋកិច្ចអាស៊ាន៖ បញ្ហាប្រឈម កាលានុវត្តភាព និងផែនការយុទ្ធសាស្ត្រ» ក្រោមអធិបតីភាព ឯកឧត្តមសាស្ត្រាចារ្យបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស និងមានការចូលរួមពីសិក្ខាកាមជាង១០០នាក់ មកពីបណ្តាអង្គភាពចំណុះទីស្តីការគណៈរដ្ឋមន្ត្រី។
សិក្ខាសាលានេះ ធ្វើឡើងក្នុងគោលបំណងមួយចំនួនដូចជា៖ ១- បង្កើនចំណេះដឹងដល់អ្នកចូលរួម តាមរយៈការចែករំលែកនូវព័ត៌មាន និងកាលានុវត្តភាពនៃការធ្វើសមាហរណកម្មសហគមន៍សេដ្ឋកិច្ចអាស៊ាន ២- ផ្លាស់ប្តូរនូវមតិយោបល់ ឧត្តមានុវត្ត និងបទពិសោធន៍ ក៏ដូចជារិះរកយុទ្ធសាស្ត្រដើម្បីធានាថាមន្ត្រីទីស្តីការគណៈរដ្ឋមន្ត្រី និងអង្គភាពចំណុះ យល់កាន់តែច្បាស់ពីដំណើរការសមាហរណកម្មសេដ្ឋកិច្ចអាស៊ាន និង ៣- រៀបចំចងក្រងជាសៀវភៅដើម្បីរក្សាទុក និងផ្សព្វផ្សាយបន្ត៕
អត្ថបទ : នាយកដ្ឋានអាស៊ាន ទីស្តីការគណរដ្ឋមន្ត្រី
