នៅព្រឹកថ្ងៃទី១៧ សីហា ឆ្នាំ២០១៧ ដែលជាថ្ងៃទី២នៃការស្នាក់នៅបំពេញបេសកកម្មការងារ នៅខេត្តស្ទឹងត្រែង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជួបសំណេះសំណាលជាមួយ បងប្អូនអាជីវករផ្សារសាមគ្គីខេត្តស្ទឹងត្រែង ដែលទើបស្ថាបនាសាងសង់ហើយរួចរាល់ និងបើកឲ្យប្រជាពលរដ្ឋចូលប្រកបមុខរបរធ្វើអាជីវកម្មជាថ្មីឡើងវិញ ជាអំណោយឧបត្ថម្ភដ៏សប្បរធម៌បំផុត របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។
នៅក្នុងវត្តមានដ៏កម្រនោះ សម្តេចតេជោ នាយករដ្ឋមន្រ្តី បានចំណាយពេលប្រមាណ១ម៉ោង ក្នុងការជួបប្រាស្រ័យទាក់ទងក្នុងភាពស្និទ្ធស្នាល និងរ៉ាក់ទាក់បំផុត ជាមួយបងប្អូនអាជីវករប្រកបមុខរបរក្នុងផ្សារ។ នៅក្នុងពិធីសំណេះសំណាលគ្នានោះ សម្តេចតេជោ នាយករដ្ឋមន្រ្តី បានបង្ហាញ នូវភាពស្និតស្នាលរ៉ាក់ទាក់ជាមួយ និងបងប្អូនអាជីវករផ្សារសាមគ្គីខេត្តស្ទឹងត្រែង តាមរយៈការប្រាស្រ័យទាក់ទង សំណេះសំណាលដោយផ្ទាល់ជាមួយបងប្អូនអាជីវករទាំងនោះ ពិសេសធ្វើការសាកសួរដោយផ្ទាល់ពីការប្រកបមុខរបរ ចិញ្ចឹមជីវិតប្រចាំថ្ងៃរបស់បងប្អូនអាជីវករ បន្ទាប់ពីផ្សារសាមគ្គីខេត្តស្ទឹងត្រែងថ្មីនេះបានសាងសង់រួច និងបើកឲ្យប្រជាពលរដ្ឋប្រកបមុខរបរជាថ្មីឡើងវិញមកនោះ។
សម្តេចតេជោ នាយករដ្ឋមន្រ្តីបានភ្ជាប់នូវការទំនាក់ទំនង ដោយផ្ទាល់ជាមួយបងប្អូនអាជីវករ តាមរយៈការសាកសួរពីការប្រកបរបរទទួលទានប្រចាំថ្ងៃ ក្នុងនោះសម្តេចតេជោនាយករដ្ឋមន្រ្តី បានធ្វើការសាកសួរពីការលក់ទំនិញក្នុងផ្សារ ដែលភាគច្រើននាំចូលមកពីបរទេស និងផលិតផលក្នុងស្រុក។ រយៈពេលជាង៣៨ឆ្នាំ បន្ទាប់ពីការរស់រានមានជីវិតជាថ្មីឡើងវិញ របស់ប្រទេស និងប្រជាពលរដ្ឋកម្ពុជា ចាប់តាំងពីថ្ងៃរំដោះ៧ មករា ឆ្នាំ១៩៧៩ រហូតមកដល់បច្ចុប្បន្ននេះ កម្ពុជាបានជំនះឆ្លងកាត់នូវឧបសគ្គតូចធំជាច្រើនរាប់មិនអស់ រហូតសំរេចបាននូវស្នាដៃធំៗជាប្រវត្តិសាស្រ្ត ដែលនឹកស្មានមិនដល់ ក្នុងការការពារកសាង ស្តារនិងអភិវឌ្ឍន៍មានការរីកចំរើនលើគ្រប់វិស័យ ជាពិសេសការនាំប្រទេសកម្ពុជា ពីស្ថានភាពនៃការរស់នៅក្នុងភាពបែកបាក់ ការភ័យក្លាច សង្រ្គាមផ្ទៃក្នុងភាពឯកកោ ការហ៊ុំពទ្ធ័សេដ្ឋកិច្ច និងនយោបាយ ពីបណ្តាប្រទេសនានាលើសកលលោក ឈានឆ្ពោះចូលទៅគ្រប់វេទិកាតំបន់ អន្តរជាតិ និងពិភពលោក ខ្ពស់មុខខ្ពស់មាត់ ដោយស្មើសិទ្ធនិងស្មើភាព ដូចបានបង្ហាញឲ្យឃើញយ៉ាងប្រត្សក្ស នៅក្នុងបរិបទ នៃសាកលភាវូបនីយកម្មដ៏ទំនើម របស់ពិភពលោកក្នុងដំណាក់កាលបច្ចុប្បន្ន និងទៅអនាគត និងជាពិសេសទៅទៀតនោះ កម្ពុជាមិនគ្រាន់តែជាប្រទេសមួយ ដែលមានថាមពលរឹងមាំ ក្នុងការថែរក្សាការពារនិងកសាង នូវរាល់សមិទ្ធផលសង្គមនៅផ្ទៃក្នុងប្រទេស ប្រកបដោយនិរន្តរភាពប៉ុណ្ណោះទេ ប៉ុន្តែបានពង្រីកនូវថាមពល និងធនធានពិតប្រាកដ ក្នុងការចូលរួមចំណែកដល់ការបំរើបេសកកម្មមនុស្សធម៌ នៅក្នុងប្រតិបត្តិការរបស់អង្គការសហប្រជាជាតិ តាមរយៈប្រតិបត្តិការបោសសំអាតគ្រាប់មីន ប្រតិបត្តិការក្នុងវិស័យមនុស្សធម៌និងសុខាភិបាល នៅតាមបណ្តាប្រទេសមួយចំនួនលើពិភពលោក ដែលកំពុងហែកហួរទៅដោយសង្រ្គាម។ ជាការពិតណាស់ថា ពីមួយថ្ងៃទៅ មួយថ្ងៃព្រះរាជាណាចក្រកម្ពុជា ក្រោមការដឹកនាំប្រកបដោយកិត្តិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ជាប្រមុខ កម្ពុជាបានបោះជំហានយ៉ាង ស្វាហាប់ប្រកបដោយកិត្តិយសនិងសេចក្តីថ្លៃថ្នូរ ក្នុងការដឹកនាំជោគវាសនាអនាគតប្រទេសជាតិ មានការអភិវឌ្ឍរីកចំរើនឥតឈប់ឈរ និងប្រកបដោយនិរន្តរភាពខ្ពស់។ មាតុភូមិអង្គរដ៏បវរនៃយើង បានប្រែប្រួលមុខមាត់ថ្មីឥតឈប់ឈរ ពីមួយអណត្តិទៅមួយអណត្តិ ក្រោមការដឹកនាំប្រកបដោយកិត្តិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឆ្នើមនៃកម្ពុជា។ ឆ្លងកាត់ពីដំណាក់កាលមួយទៅកាន់ដំណាក់កាលមួយ សម្តេចតេជោនាយករដ្ឋមន្រ្តីបានបំពេញ នូវបេសកកម្មជាប្រវត្តិសាស្រ្តធំៗជាច្រើនរាប់មិនអស់ ក្នុងការបំរើជាតិ សាសនា ព្រះមហាក្សត្រ ពិសេសបានខិតខំប្រឹងប្រែងយកអស់នូវកម្លាំងកាយចិត្ត ប្រាជ្ញាស្មារតី និងការលះបង់នូវរាល់ការលំបាកគ្រប់បែបយ៉ាង ក្នុងការដឹកនាំស្តារ និងអភិវឌ្ឍន៍ប្រទេសជាតិ ឲ្យទទួលបាននូវសុខសន្តិភាពពេញលេញបរិបូរណ៍ តាមរយៈការដាក់ចេញនូវនយោបាយ ឈ្នះ ឈ្នះ ក្នុងការលុបបំបាត់នូវអង្គការចាត់ តាំងនយោបាយ និងយោធារបស់របបកម្ពុជាប្រជាធិបតេយ្យ ដែលនោះគឺជាការរួមចំណែកក្នុងតំលៃមិនអាចកាត់ថ្លៃបាន របស់ប្រជាជាតិកម្ពុជា ក្នុងការជំរុញកំណើនសេដ្ឋកិច្ច និងការកាត់បន្ថយភាពក្រីក្រ របស់ប្រជាពលរដ្ឋកម្ពុជា។ ជាការពិតណាស់ថា នៅក្នុងគោលនយោបាយជាអាទិភាពរបស់រាជរដ្ឋាភិបាល សម្តេចតេជោនាយករដ្ឋមន្រ្តី បានខិតខំពុះពារនូវរាល់ឧបសគ្គ និងការលំបាកគ្រប់បែបយ៉ាង ក្នុងការការពារ ការស្តារ និងកសាងសេដ្ឋកិច្ចដ៏ខ្ទេចខ្ទំ របស់ប្រទេសកម្ពុជា ដែលបន្សល់ទុកពីសង្រ្គាម និងរបបប្រល័យពូជសាសន៍ ពិសេសជីវភាពរស់នៅរបស់ប្រជាជនកម្ពុជា មានការរីកចំរើនយ៉ាងឆាប់រហ័ស តាមរយៈការដាក់ចេញនូវគោលនយោបាយជាតិមួយដ៏ត្រឹមត្រូវ និងការកែទម្រង់ដ៏ស៊ីជំរៅ ពិសេសជាមួយនិងទេពកោសល្យ នៃការដឹកនាំដ៏ឈ្លាសវៃ និងប៉ិនប្រសព្វតាមរយៈសិល្បៈនៃការកៀងគរ រកប្រភពថវិកា និងហិរញ្ញវត្ថុ ពីបណ្តាប្រទេសជាមិត្តភក្តិនានាលើពិភពលោក ពីដៃគូរអភិវឌ្ឍន៍របស់កម្ពុជា និងពីផ្នែកឯកជន ក្នុងការកសាងសេដ្ឋកិច្ចកម្ពុជាដ៏រឹងមាំ ឈរយ៉ាងខ្ពស់ត្រដែតក្នុងការប្រកួតប្រជែង ជាមួយនិងបណ្តាប្រទេសកម្ពុជាតំបន់ និងពិភពលោក។
សូមបញ្ជាក់ដែរថា នៅក្នុងឱកាសនៃការអញ្ជើញចូលទស្សនាផ្សារស្ទឹងត្រែងនោះដែរ សម្តេចតេជោ នាយករដ្ឋមន្រ្តីបានបង្ហាញនូវភាពស្និតស្នាល តាមរយៈការថតបង្ហោះសែលហ្វីជាមួយបងប្អូនអាជីវករ ក្នុងភាពស្និតស្នាលរ៉ាក់ទាក់បំផុត ពិសេសការបង្កបនូវស្នាមញញឹម និងការស្រឡាញ់ពេញចិត្ត រវាងថ្នាក់ដឹកនាំ និងអាជីវករ ដែលមិនអាចផ្តាច់ចេញពីគ្នាបាននោះ និងជាងនេះទៅសម្តេចតេជោនាយករដ្ឋមន្រ្តី ក៏បានបង្ហាញនូវស្នាមញញឹម ក្នុងការអញ្ជើញលក់ដូរ ជាមួយបងប្អូនអាជីវករក្នុងផ្សារស្ទឹងត្រែង ខេត្តស្ទឹងត្រែង ក្នុងភាពស្និតស្នាលរ៉ាក់ទាក់បំផុត។ ជាមួយគ្នានេះ សម្តេចតេជោ នាយករដ្ឋមន្រ្តីក៏បានដោះស្រាយនូវរាល់បញ្ហាមួយចំនួន ដែលជាសំណើរសុំពីបង ប្អូនអាជីវកម្មផ្សារស្ទឹងត្រែង ដែលទទួលរងគ្រោះដោយអគ្គិភ័យឆាប់ឆេះ កាលពីពេលកន្លងមក។
