សម្តេចតេជោ ហ៊ុន សែន ស្នើឱ្យសមត្ថកិច្ច និងស្ថាប័នតុលាការ ឃាត់ខ្លួននិងមិនត្រូវបន្ធូរបន្ថយទោសតាមផ្លូវច្បាប់ចំពោះអ្នកដែលនិយាយថា មានការកាត់ខេត្ដ៤ឱ្យប្រទេសដទៃ

ក្នុងឱកាសអញ្ជើញថ្លែងសារពិសេសទាក់ទិនទៅនឹងក្របខ័ណ្ឌកិច្ចសហប្រតិបត្តិការអភិវឌ្ឍន៍ តំបន់ត្រីកោណ កម្ពុជា-ឡាវ-វៀតណាម នៅរសៀលថ្ងៃទី២៣ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានស្នើឱ្យសមត្ថកិច្ច និងស្ថាប័នតុលាការ ឃាត់ខ្លួននិងមិនត្រូវបន្ធូរបន្ថយទោសតាមផ្លូវច្បាប់ចំពោះអ្នកដែលនិយាយថា មានការកាត់ខេត្ដ៤ឱ្យប្រទេសដទៃ ព្រោះបុគ្គលទាំងនោះ គឺជាមនុស្សនាំរឿងនិងប្រឌិតបំភ្លៃការពិត។

សម្តេចតេជោ ហ៊ុន សែន ក៏បានស្នើដល់ស្ថាប័នតុលាការ កាត់ទោសជាអតិបរមាចំពោះបុគ្គលដែលបានញុះញង់បំភ្លៃការពិត ហើយនិងស្នើសុំកុំដាក់បុគ្គលទាំងនោះទៅក្នុងបញ្ជីដែលត្រូវលើកលែងទោសជាដាច់ខាត៕