សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា សមិទ្ធផលដែលបានកសាងឡើង និងលេចចេញជារូបរាងនៅក្នុងពិធីសម្ពោធឆ្លងព្រះបទុមចេតិយ និងសមិទ្ធផលនានានៅវត្តមណីរតនារាមនៅថ្ងៃនេះ គឺបានស្តែងឱ្យឃើញពីកម្លាំងសាមគ្គីភាព ដែលត្រូវការការចូលរួមពីគ្រប់ភាគីពាក់ព័ន្ធទាំងអស់។
សម្តេចធិបតី ហ៊ុន ម៉ាណែត បានថ្លែងដូចនេះ នៅថ្ងៃទី៣១ ខែមីនា ឆ្នាំ២០២៤ ក្នុងឱកាសដែលសម្ដេចអញ្ជើញជាអធិបតីភាព សម្ពោធឆ្លងព្រះបទុមចេតិយ និងសមិទ្ធផលនានានៅវត្តមណី រតនារាម ស្ថិតក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់។
ឆ្លៀតក្នុងឱកាសនោះ សម្តេចធិបតីបានថ្លែងអំណរអរគុណដល់សប្បុរសជនបានចូលកសាងនូវសមិទ្ធផលនានានៅក្នុងវត្ត ដែលអាចបង្ហាញពីមោទនភាពនៅទីនេះ ថាបានចាក់គ្រឹះយូរអង្វែងជាមួយប្រជនជនក្នុងក្រុងពោធិ៍សាត់ ដើម្បីអភិវឌ្ឍក្នុងវិស័យពុទ្ធសាសនាដែលជាធាតុផ្សំសំខាន់របស់ជាតិយើង៕
