ឯកឧត្តមកិតិ្តនីតិកោសលបណ្ឌិត ប៊ិន ឈិន អញ្ជើញប្រារព្វមិទ្ទិញរំលឹកខួបទី៤១ ទិវាជ័យជំនះ ៧មករា ១៩៧៩-៧មករា ២០២០ នៅខេត្តតាកែវ

109

​ ​​​   ​មិទ្ទិញរំលឹកខួបទី៤១ នៃទិវាជ័យជំនះ ៧ មករា (៧មករា១៩៧៩-៧មករា ២០២០) បានប្រារព្វធ្វើ នៅព្រឹក​ថ្ងៃ​ទី៧ ខែមករា ឆ្នាំ២០២០ ក្រោមអធិបតីភាព ឯកឧត្តម​កិតិ្តនីតិកោសលបណ្ឌិត ប៊ិន ឈិន  ឧបនាយករដ្ឋមន្រ្តីប្រចំាការ រដ្ឋមន្រ្តីទទួលបន្ទុក​ទីស្តី​​ការ​គណៈរដ្ឋមន្រ្តី និងជាប្រធានក្រុមការងារថ្នាក់ជាតិចុះមូលដ្ឋានខេត្តតាកែវ។ ​ ​ ​មិទ្ទិញអបអរសាទរខួប​អនុ​​​ស្សា​​វរីយ៍លើកទី៤១នៃទិវាជ័យជំនៈ ​៧មករា១៩៧៩-​៧មករា ២០២០នេះ បានប្រព្រឹត្តិទៅដោយមានការចូលរួមពីសំណាក់ ឯកឧត្តម លោកជំទាវ អស់លោក លោកស្រី មន្ត្រីអ្នកការ អ្នកការ​​​​​​​   កងកម្លាំងប្រដាប់អាវុធ អាជ្ញាធរដែនដី លោកគ្រូអ្នកគ្រូ សិស្សា​នុ​សិស្ស និង​ប្រជាពលរដ្ឋសរុបប្រមាណជិត១ម៉ឺននាក់។                                                                                                                                     មានប្រសាសន៍ក្នុងអង្គមិទ្ទិញ ឯកឧត្តមឧបនាយករដ្ឋមន្ត្រីប្រចាំការ ប៊ិន ឈិន បានអានសន្ទរកថា របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានគណបក្សប្រជាជនកម្ពុជា ថ្លែងក្នុងពិធី​មិទ្ទិញ​រំលឹក​ខួបទី៤១ នៃទិវា​ជ័យជំនះ ៧មករា (៧មករា ១៩៧៩-៧មករា ២០២០)  ដោយបានគូសបញ្ជាក់ថា ថ្ងៃនេះ ជាថ្ងៃគម្រប់ខួបទី៤១ នៃទិវាជ័យជំនះ ៧ មករា ឆ្នាំ១៩៧៩ ជាប្រវត្តិសាស្ត្រ ដែលបានផ្តួលរំលំរបបប្រល័យពូជសាសន៍របស់បន ប៉ុល ពត សង្គ្រោះជាតិ និងប្រជាជន​កម្ពុជា​ឲ្យមានជីវិតរស់រានឡើងវិញ រួចផុតពីការសម្លាប់រង្គាលនៃរបបដ៏សាហាវយង់ឃ្នងបំផុតនេះបានទាន់ពេលវេលា និងបានបញ្ចប់នូវសក​រាជ​ដ៏ខ្មៅងងឹតបំផុតនៃប្រទេសកម្ពុជា ហើយបើកឡើងនូវសករាជថ្មី គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ ជាមួយគ្នានេះ នៅក្នុងថ្ងៃជាប្រវត្តិសាស្ត្រនេះដែរ ប្រជាជនកម្ពុជាយើងនៅគ្រប់ទិសទី ទាំងនៅក្នុងប្រទេស ទាំងនៅក្រៅប្រទេស កំពុងអបអរសាទរយ៉ាងក្លៀវក្លានូវខួបអនុស្សាវរីយ៍នៃទិវាជ័យជន្នះជាប្រវត្តិសាស្ត្រនេះ ក្នុងស្មារតីចងចាំជានិច្ច​នូវគុណូបការៈ​ដ៏ឧត្តុង្គ​ឧត្តមរបស់កម្មាភិបាល យុទ្ធជន យុទ្ធនារី អ្នកស្នេហាជាតិដ៏ច្រើនឥតគណនា ដែលបានប្រយុទ្ធធ្វើពលីកម្ម​យ៉ាង​អង់​អាច ដើម្បីរំដោះ​ប្រជាជនកម្ពុជាពីរបបប្រល័យពូជសាសន៍ និងការពារការរស់ឡើងវិញរបស់ប្រជាជន។ សន្ទរកថារបស់​សម្តេច​តេជោ បានបញ្ជាក់ថា ក្នុងឱកាសដ៏ថ្លៃថ្លានេះ យើងក៏សូមសម្តែងនូវការគោរពដឹងគុណដ៏ជ្រាលជ្រៅ ចំពោះបណ្តាប្រទេស​ជាមិត្ត​ជិតឆ្ងាយ និងប្រជាជន​ស្នេហាសន្តិភាព និងយុត្តិធម៌លើពិភពលោក ដែលបានជួយឧបត្ថម្ភគាំទ្រចំពោះបុព្វហេតុដ៏ថ្លៃថ្លាបំផុតនេះ។ នៅក្នុងឱកាសនេះ ឯកឧត្តម​កិតិ្តនីតិកោសលបណ្ឌិត ប៊ិន ឈិន   បាន​អាន​សន្ទរកថារបស់សម្តេចតេជោ ដោយ​បាន​បញ្ជាក់បន្តថា បច្ចុប្បន្ន ប្រជាជាតិយើង​កំពុងរស់នៅយ៉ាង​សុខដុមរមនា​ក្រោម​ពន្លឺនៃសន្តិភាព និងការអភិវឌ្ឍក្តី ក៏យើងទាំងអស់គ្នានៅតែចងចាំជានិច្ច​នូវអតីតកាល​ដ៏ឈឹ​ចាប់ និង​ខ្មៅ​ងងឹត​បំផុតរបស់ជាតិយើង ដែលបណ្តាលមកពីភ្លើងសង្គ្រាម និងអំពើប្រល័យពូជសាសន៍ដ៏សាហាវយង់ឃ្នងបំផុត។ បន្ទាប់ពីសង្គ្រាម៥ឆ្នាំ កម្ពុជាបានបន្តធ្លាក់ចូលក្នុងគ្រោះមហន្តរាយប្រល័យពូជសាសន៍ថែមទៀត ដែលបង្ករឡើងដោយពួកឃាតករ ប៉ុល ពត ធ្វើឲ្យមាតុ​ភូមិ​កម្ពុជា ត្រូវបំផ្លិចបំផ្លាញខ្ទេចខ្ទីដល់ចំណុចសូន្យ។ ប្រជាជនកម្ពុជា ជាង៣លាននាក់ត្រូវបានសម្លាប់​រង្គាលយ៉ាងព្រៃផ្សៃបំផុត ឯអ្នកនៅរស់ក៏រង់ចាំតែពេលត្រូវគេយកទៅសម្លាប់ប៉ុណ្ណោះ។ ពិតប្រាកដណាស់ បើគ្មានរដ្ឋប្រហារថ្ងៃទី១៨ មីនា ឆ្នាំ១៩៧០ ក៏គ្មាន​របបប្រល័យពូជសាសន៍ដែរ ហើយនិរន្តរភាពជាតិ ក៏មិនត្រូវកាត់ផ្តាច់ ប្រជាជនកម្ពុជា​នឹងបានបន្ត​រស់ក្នុង​សន្តិ​ភាព និងភាព​សម្បូរ​សប្បាយ។ សន្ទរកថាសម្តេចតេជោ នាយករដ្ឋមន្ត្រី បានគូសបញ្ជាក់ថា នៅក្នុងឆ្នាំ២០១៩ ដែលទើបតែកន្លងផុត​ទៅនេះ  សភាព​ការណ៍​ទូទៅរបស់កម្ពុជា មានការវិវត្តន៍យ៉ាងល្អដែលផ្តល់ភាពអនុគ្រោះដល់​ការសម្រេចគោលដៅរបស់​យើងក្នុងកា​រអភិវឌ្ឍ​សេដ្ឋកិច្ច សង្គម ទោះបីជាសភាពការណ៍អន្តរជាតិនៅតែបន្តប្រែប្រួលយ៉ាងស្មុគស្មាញក្តី ។ ៤១ឆ្នាំ្នកន្លងទៅនេះ គឺ៤១ឆ្នាំ នៃសាមគ្គីភាព វីរភាព និងជ័យជម្នះ។ការពុះពារផ្តូរផ្តាច់របស់យើងក្នុងរយៈពេល៤១ឆ្នាំនេះ បានកែប្រែមាតុភូមិយើងពីគំនរផេះផង់ឲ្យ​ឈានមកដល់​ដំណាក់​កាលអភិវឌ្ឍន៍ប្រកបដោយមោទនភាពបំផុត។ នៅលើកំណាត់ផ្លូវដ៏វែងនេះ គណបក្សប្រជាជនកម្ពុជា​ដែលបានដឹកនាំការ​ប្រយុទ្ធតស៊ូ​សង្គ្រោះជាតិពីរបបប្រល័យពូជសាសន៍បានឋិតនៅ រួមសុខរួមទុក្ខជានិច្ចជាមួយប្រជាជន ធ្វើជាបង្អែករបស់ប្រជាជន​នៅគ្រប់កាលៈ​ទេសៈ ទាំងក្នុងបុព្វហេតុការពារជាតិ ការពារការរស់ឡើងវិញរបស់ប្រជាជន ទាំងបុព្វហេតុសន្តិភាព និងបង្រួបបង្រួមជាតិ និងទាំង​បុព្វ​​ហេតុស្តារ កសាង និងអភិវឌ្ឍន៍សង្គមសេដ្ឋកិច្ចកម្ពុជា។ នៅក្នុងឱកាសដ៏វិសេសវិសាលនេះ ឯកឧត្តមកិតិ្តនីតិកោសលបណ្ឌិត ប៊ិន ឈិន បានគូសបញ្ជាក់ពីខ្លឹមសារសន្ទរកថា របស់សម្តេចតេជោ ហ៊ុន សែន ដែលបានថ្លែងអំណរគុណដល់បងប្អូនជនរួមជាតិ ដែលបានគាំទ្រដល់​សារ​នយោ​បាយរបស់សម្តេច គឺអរគុណសន្តិភាព ដែលសម្តេចយល់ឃើញថា មានតម្លៃមិនសាបសូន្យ មិនថាកន្លងមក ថ្ងៃនេះ និងថ្ងៃក្រោយ។ មនុស្ស​ទាំងអស់គ្នា ត្រូវការសន្តិភាព លើកលែងតែពួកភេរវករប៉ុណ្ណោះ ដែលចង់បំផ្លាញសន្តិភាព។

បន្ទាប់ពីមន្ត្រីនៃមន្ទីរវប្បធម៌ និងវិចិត្រសិល្បៈខេត្តតាកែវ  បានសូត្រកំណាព្យ ថ្ងៃ៧មករា ចារក្រាំងមាស រួចមក នៅក្នុងពិធី​ខួប​អនុស្សាវរីយ៍លើកទី៤១ នៃថ្ងៃជ័យជម្នះ៧មករា ១៩៧៩- ៧មករា ២០២០ នេះដែរ តំណាងសមាជិក សមាជិកា អង្គពិធី ក៍បានឡើងមានចំណាប់អារម្មណ៍ថា  ថ្ងៃនេះខ្ញុំរំភើបរីករាយ គ្មានអ្វីប្រៀបផ្ទឹមបានឡើយដែលបានចូលរួម ពិធីខួបអនុស្សាវរី៍លើកទី៤១នៃថ្ងៃជ័យជម្នះ៧មករា ដ៏មហោឡារឹកនេះ   ​  និងបានស្ដាប់នូវសុន្ទករថា​ប្រកប​​ដោយខ្លឹម​សារ​និងអត្ថន័យដ៏ជ្រាលជ្រៅបំផុតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃ​ព្រះរាជាណា​ចក្រ​កម្ពុជា និងជា​ប្រធាន​​គណបក្សប្រជាជនកម្ពុជា ដែលអានដោយឯកឧត្តមកិត្តិនីតិកោសលបណ្ឌិត ប៊ិន ឈិន សមាជិកអចិន្ត្រៃយ៍គណៈ​កម្មាធិការ​កណ្តាល​គណៈបក្សប្រជាជនកម្ពុជា ។ ឆ្លងកាត់រយៈពេល៤១ឆ្នាំ បន្ទាប់ពីជ័យជម្នះ៧មករា ឆ្នាំ១៩៧៩ ប្រជាជាតិមួយ​ដែល​រងការ​សម្លាប់រង្គាល​ បានងើបឈរឡើងវិញយ៉ាងរឹងប៉ឹង និងស្រស់បំព្រង ប្រកប​ដោយមោទនភាពខ្ពស់បំផុត ក្រោមកម្លាំងមហាសាមគ្គីរបស់ប្រជាជន​ជាមួយនឹងការដឹកនាំដ៏ត្រឹមត្រូវរបស់គណបក្ស​ប្រជាជន​កម្ពុជា មហាជ័យជម្នះ៧មករា ពិតជាមានអត្ថន័យ និងជាប្រវត្តិសាស្រ្ដដ៏ជ្រាលជ្រៅ ដែលបានបិទនូវទំព័រសករាជដ៏ខ្មៅងងឹតបំផុត នៃកម្ពុជា ហើយបានបើកឡើងវិញនូវទំព័រសករាជថ្មីនៃឯករាជ្យ សេរីភាព ប្រជាធិបតេយ្យ វឌ្ឍនភាពសង្គម និងបានធ្វើឲ្យរាល់តម្លៃ ទាំងខាង​សម្ភារៈ និងស្មារតីរបស់ប្រជាជាតិខ្មែរ ដែលបានកសាង ពូនជ្រុំអស់រយៈកាលរាប់ពាន់ឆ្នាំមកហើយ នៃប្រវត្តិសាស្រ្ដ របស់ខ្លួន ក្នុងនោះមានកេរដំណែល វប្បធម៌ អរិយធម៌ អង្គរដ៏រុងរឿង បានរស់ឡើងវិញ និងបន្តរីកចម្រើនឥតឈប់ឈរ។ ​​  មហាជ័យ​ជម្នះ​៧មករា គឺជាបុព្វបន្តថែសមិទ្ធផលដែលប្រជាជនកម្ពុជាសម្រេចបានដូចមានអ្វីៗទាំងអស់នៅថ្ងៃនេះ ហើយផ្អែកលើមូលដ្ឋាននេះ និងបន្តធ្វើឲ្យមានសមិទ្ធផលនានាទៅថ្ងៃមុខទៀតស្របតាមសំណូមពរ និងក្ដីសង្ឃឹមរបស់ជាតិ និងប្រជាជនយើង៕ ឯកឧត្តមកិត្តិនីតិកោសលបណ្ឌិត ​ប៊ិន ឈិន ឯកឧត្តម លោកជំទាវ ប្រធានក្រុមការងារចុះមូលដ្ឋានតាមបណ្តាស្រុក បានអញ្ជើញលែងព្រាប ​និងបង្ហោះប៉ោង ប៉ោង​ ដើម្បីអបអរសាទរទិវាជ័យជំនះ៧មករា ខួបលើកទី៤១ (៧មករា១៩៧៩-៧មករា២០២០)។