ប្រមុខរាជរដ្ឋាភិបាល ស្នើឱ្យប្រទេសសិង្ហបុរីជួយកម្ពុជា ក្នុងការគ្រប់គ្រងច្បាប់ និងបណ្ដាញព័ត៌មាន

29

ភ្នំពេញ ថ្ងៃទី០៤ ខែមីនា ឆ្នាំ២០១៩​  — សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានស្នើឱ្យប្រទេសសិង្ហបុរីជួយដល់នគរបាលជាតិកម្ពុជា ក្នុងការគ្រប់គ្រងច្បាប់ និងបណ្ដា​ញ​ព័​ត៌​មាន។

ឯកឧត្ដម អ៊ាង សុផល្លែត ជំនួយការសម្ដេចតេជោបានថ្លែងដូច្នេះប្រាប់អ្នកយកព័ត៌មាន បន្ទាប់​ពីសម្ដេចតេជោ ហ៊ុន សែន បានអនុញ្ញាតឱ្យ Hoong Wee Teck អគ្គស្នងការនគរ​បាល​ជា​តិ​សិង្ហបុរី ចូលជួបសម្ដែងការគួរសមនារសៀលថ្ងៃទី០៤ ខែមីនា ឆ្នាំ២០១៩ នៅវិមាន​សន្តិភា​ព​។

ឯកឧត្ដម Hoong Wee Teck បានជម្រាបជូនសម្ដេចតេជោថា នេះគឺជាលើក ទីមួយហើយ ដែ​លឯកឧត្ដមបានមកកាន់ព្រះរាជាណាចក្រកម្ពុជា ហើយឯកឧត្ដមបានសង្កេត ឃើញថា ព្រះរា​ជា​​ណាចក្រកម្ពុជាមានសោភណភាពដ៏ល្អត្រកាល។ ឯកឧត្ដមបានគោរពរាយ ការណ៍​ជូន​សម្ដេ​ច​​តេជោនាយករដ្ឋមន្ត្រី អំពីកិច្ចពិភាក្សារវាងរូបឯកឧត្ដមផ្ទាល់ ជាមួយ ឯកឧត្ដមអគ្គស្នងការ​ន​គរ​​បាលជាតិកម្ពុជា នេត សាវឿន អំពីកម្មវត្ថុជាច្រើន ជាពិសេស កិច្ចសហប្រតិបត្តិការ​រវាងប្រ​ទេ​សកម្ពុជា និងសិង្ហបុរី និងកិច្ចសហប្រតិបត្តិការ ក្រោមក្របខ័ណ្ឌពហុភាគីផងដែរ។

ឯកឧត្ដម​​​មានប្រសាសន៍បានបន្ថែមថា ស្ថាប័នទាំងពីរ កម្ពុជា និងសិង្ហបុរី គឺមានទំនាក់ទំនងល្អ និង​កិច្ច​សហប្រតិបត្តិការល្អជាយូលង់ណាស់មកហើយៗ ឈរលើមូល ដ្ឋាននេះស្ថាប័ននគរបាល​ជា​តិ​​នៃប្រទេសទាំងពីរ នឹងសហការគ្នាបន្តទៀតដើម្បី ជំរុញកិច្ច សហប្រតិបត្តិការឱ្យកាន់តែ​ស៊ី​ជ​ម្រៅបន្ថែមទៀត។

ជាការឆ្លើយតប សម្ដេចតេជោនាយករដ្ឋមន្ត្រីបានថ្លែងអំណរគុណ និងមានប្រសាសន៍​ថា សិង្ហបុរីគឺមានបទពិសោធន៍ និងមានព័ត៌មានជាច្រើនពាក់ព័ន្ធ និងតំបន់ និងជុំវិញប្រទេស​ផ​ង​។ ក្នុងន័យនេះសម្ដេចតេជោបានលើកទឹកចិត្តឱ្យមានកិច្ចសហប្រតិបត្តិការ​រវាងប្រទេស​ទាំង​ពី​រ ទាំងទ្វេភាគី និងពហុភាគី ដើម្បីធ្វើយ៉ាងណាផ្លាស់ប្ដូរព័ត៌មាន និងបទពិសោធន៍​គ្នាទៅ​វិញ​ទៅ​មក។

សម្ដេចបានមានប្រសាសន៍បន្តថា ភេរវកម្ម និងឧក្រិដ្ឋកម្មផ្សេងៗ គឺរៀបចំឡើង​មាន​ប​ណ្ដា​ញ និងជាប្រព័ន្ធ ក្នុងន័យនេះគប្បីណារួមសហការគ្នា ដើម្បីទប់ស្កាត់ចៀសវាង​កុំឱ្យ​មាន​គ្រោះ​ថ្នាក់ ឬក៏ជាពិសេសអំពីសកម្មភាពរបស់ភេរវករ។ សម្ដេចបានមានប្រសាសន៍ផងដែរថា សិង្ហបុរីជាប្រទេសមួយ ដែលជាកន្លែងអប់រំ និងហ្វឹកហាត់បានល្អ ក្នុងន័យនេះសម្ដេចបានស្នើ​សុំឱ្យ​សិង្ហបុរីចែករំលែកនូវបទពិសោធន៍ទៅលើបញ្ហាបង្ហាត់បង្រៀន និងការគ្រប់គ្រងនិងច្បា​ប់​​បណ្ដាញព័ត៌មាន៕

ដោយ ជឹម ណារី