'/%3E%3C/svg%3E){kind=small}
'/%3E%3C/svg%3E){kind=small}
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ ក្នុងកិច្ចប្រជុំប្រចាំឆមាស របស់ឧត្ដមក្រុមប្រឹក្សាពិគ្រោះ និងផ្ដល់យោបល់ នាព្រឹកថ្ងៃព្រហស្បតិ៍ ៩រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៨ ខែកុម្ភៈ ឆ្នាំ២០១៩នេះ នៅវិមានសន្តិភាពដែលកិច្ចប្រជុំក៏មានការចូលរួមពីតំណាង គណបក្សនយោបាយចំនួន១៦ និង ឥស្សរជនជាន់ខ្ពស់ក្នុងជួររាជរដ្ឋាភិបាលជាច្រើនរូបទៀតផងដែរ។
បើតាមឯកឧត្ដម ឈឹម ផលវរុណ ប្រធានលេខាធិការដ្ឋាននៃឧត្តមក្រុមប្រឹក្សាពិគ្រោះនិងផ្តល់យោបល់បានឱ្យដឹងថា កិច្ចប្រជុំឧត្តមក្រុមប្រឹក្សាពិគ្រោះនិងផ្ដល់យោបល់នៅក្នុងរបៀបវារៈសម្រាប់កិច្ចប្រជុំថ្ងៃទី២៨ ខែកុម្ភៈ ឆ្នាំ២០១៩នេះមានរបៀបវារ៖ ទី១-ពាក់ព័ន្ធទៅនឹងទស្សនវិស័យនៃការប្រមូលធាតុចូលជាក់ស្តែងនៃការងាររបស់ឧត្ដមក្រុមប្រឹក្សាពិគ្រោះ និងផ្តល់យោបល់ នៅក្នុងរយ:ពេល១ឆមាសកន្លងមក ។ ទី២-ការផ្តល់មតិ និងសំណូមពរពាក់ព័ន្ធទៅនឹងបញ្ហាដែលអនុវត្តន៍ ៦ខែកន្លងមកហើយជាពិសេសទៅលើបញ្ហាជាក់ស្ដែងការវាយតម្លៃទៅលើចំណុចវិជ្ជមាន ចំណុចអវិជ្ជមាន ក៏ដូចជាការរកឃើញនូវតម្រុយ ភាពអសកម្មអំពើពុក រលួយ ការរំលោភអំណាចពីសំណាក់គណៈប្រតិភូគណបក្សនីមួយៗ ដែលគាត់នឹងលើកឡើង។ ទី៣-បញ្ហាជ្សេងៗ និងទី៤-សម្តេចតេជោ ហ៊ុន សែន នឹងបង្ហាញអំពីទស្សនវិស័យនៃប្រសិទ្ធ ភាពការងារតទៅមុខឆ្លុះបញ្ចាំងទៅនឹងអ្វីដែលបានអនុវត្តន៍ ៦ខែកន្លងមក និងទស្សនវិស័យនៃ ប្រសិទ្ធភាពការងារសម្រាប់រយៈពេល ៦ខែ ឬមួយឆ្នាំទៅមុខទៀត ។ ដោយឡែកតាមសេចក្ដី ប្រកាសព័ត៌មានរបស់ការិយាល័យអ្នកនាំពាក្យរបស់រាជរដ្ឋាភិបាលបានឱ្យដឹងថា ក្របខ័ណ្ឌ ក្រុមប្រឹក្សាពិគ្រោះ និងផ្ដល់យោបល់ គឺប្រមូលទិន្នន័យ អង្គហេតុ អង្គសេចក្ដី តម្រុយ និងភស្តុ តាងដ៏សកម្ម ដែលជាធាតុចូល ជូនដល់ប្រមុខរាជរដ្ឋាភិបាល ក្នុងកិច្ចដោះស្រាយ និងកសាង ពង្រឹងសង្គមជាតិឱ្យកាន់តែប្រសើរឡើងបន្ថែមទៀត ទាំងគុណភាព និងប្រសិទ្ធភាព ប្រកប ដោយកិត្តិយស និងមោទនភាពសម្រាប់ខ្មែរយើងទាំងអស់គ្នា។ «ឧត្ដមក្រុមប្រឹក្សា និងពិគ្រោះ យោបល់» នេះគឺជាគំនិតផ្ដួចផ្ដើមផ្ទាល់របស់សម្ដេចតេជោនាយករដ្ឋមន្ត្រី ក្នុងគោលបំណង លើកស្ទួយនយោបាយ ប្រជាធិបតេយ្យសេរីពហុបក្ស ក្នុងកិច្ចប្រមូល៖ ធាតុចូល ទស្សនៈ ពហុ គំនិត ជាប្រយោជន៍ដល់ការស្ថាបនាជាតិ ដោយមានការចូលរួមពីគណបក្សនយោបាយគ្មាន អាសនៈក្នុងរដ្ឋសភា និងដោយបានចូលរួមយ៉ាងសកម្ម ក្នុងការបោះឆ្នោតសកល ជ្រើសតាំង តំណារាស្ត្រ នីតិកាលទី៦ នៃរដ្ឋសភា។ ការផ្ដួចផ្ដើមគំនិតទស្សនទាននយោបាយមិនមានការ រើសអើងនេះ ជាប្រវត្តិសាស្ត្រគ្មានពីររបស់សម្ដេចតេជោនាយករដ្ឋមន្ត្រី ក្នុងកិច្ចបង្កើតបាន ឧត្ដមក្រុមប្រឹក្សាពិគ្រោះ និងផ្ដល់យោបល់នេះ គឺជាហេតុផលនយោបាយមួយ នៃការលើក តម្កើងក្របខ័ណ្ឌ ប្រជាធិបតេយ្យ សេរីពហុបក្ស ជាមួយតម្លៃលេចធ្លោ របស់កម្ពុជាសុទ្ធសាទ ដោយធានា និងរក្សាបាននូវរាល់សំឡេង និងនិន្នាការនយោបាយគ្រប់ភាគី ក្នុងកិច្ចចូលរួម កសាង ការពារឯករាជ្យ និងអធិបតេយ្យជាតិប្រាសចាកការជ្រៀតជ្រែកពីបរទេសជិតឆ្ងាយណាមួយ។
សេចក្ដីប្រកាសព័ត៌មានបានឱ្យដឹងទៀតថា ឧត្ដមក្រុមប្រឹក្សាពិគ្រោះ និងផ្ដល់យោបល់ នេះ បានធ្វើការកោះប្រជុំតាមរយៈប្រតិភូប្ដូរវេនចំនួន១១លើកកន្លងមកហើយ។ កិច្ចប្រជុំ ពិភាក្សានេះ គឺបានលើកឡើងជាច្រើនចំណុច ក្នុងភាពរស់រវើក និងផុសផុល ប្រកបដោយថាមពល ភ្ជាប់ជាមួយនឹងការរិះគន់ក្នុងន័យស្ថាបនា ដោយក្ដីគោរព និងយោគយល់គ្នាប្រកបដោយវប្បធម៌សន្ទនាបែបប្រជាធិបតេយ្យនិយម ស្ថិតក្នុង «វប្បធម៌សន្ទនា» ដែលបានបង្កើតឡើងដោយសម្ដេចតេជោនាយករដ្ឋមន្ត្រី។ គ្រប់ប្រតិភូគណបក្ស ដែលតំណាងចេញពី១៦ គណបក្សនយោបាយ បានលើកឡើងនូវជំហរនយោបាយរបស់ខ្លួននីមួយៗ គឺ ឈរលើជំហរ ឯកភាព សាមគ្គីភាព កិច្ចស្ថាបនាប្រជាជាតិ ក្នុងស្មារតីខ្មែរតែមួយ ដោយបង្កើតបានវប្បធម៌ប្រជាធិបតេយ្យ ក្នុងកិច្ចគោរពលទ្ធផលនៃការបោះឆ្នោតសកល ដែលជាតំណាងឆន្ទៈភាគច្រើន លើសលុបរបស់ប្រជាពលរដ្ឋ ជាមួយនឹងការទទួលស្គាល់ភាពជាក់ស្ដែង នៃការដឹកនាំប្រកបដោយប្រសិទ្ធភាព និងថាមពលអង់អាចរបស់សម្ដេចតេជោនាយករដ្ឋមន្ត្រី។នៅក្នុងក្របខ័ណ្ឌ នេះ ទើបប្រតិភូគណបក្សនីមួយៗ បានសម្រេចចិត្តចូលរួមកិច្ចសហការ ក្នុងទិសដៅរួមគ្នា កសាងការពារប្រទេសជាតិ សន្តិភាព និងស្ថិរភាពនយោបាយ ដែលជាតម្លៃដ៏មហាសាល របស់កម្ពុជា។
គួរបញ្ជាក់ដែរថា ឧត្តមក្រុមប្រឹក្សាពិគ្រោះនិងផ្តល់យោបល់ត្រូវបានបង្កើតឡើងនៅក្នុងខែ កញ្ញា ឆ្នាំ២០១៨តាមគំនិតផ្តួចផ្តើមរបស់សម្តេចតេជោ ហ៊ុន សែន ក្រោយពេល ការបោះឆ្នោតជាតិអាណត្តិទី៦ ។ ឧត្តមក្រុមប្រឹក្សាពិគ្រោះ និងផ្តល់យោបល់ មានសមាសភាពមកពីគណបក្សយោបាយចំនួន១៦ ក្នុងចំណោមគណបក្សនយោបាយចំនួន ២០ ដែលបានចូលរួមការបោះឆ្នោតជាតិ ៕
ដោយជឹម ណារី
