ប្រទេសចិនផ្ដល់ជំនួយឥតសំណងចំនួន ៤ពាន់លានយ័ន និងបន្តនាំអង្ករចូលពីប្រទេសកម្ពុជា ចំនួន៤០ម៉ឺនតោន

49

ភ្នំពេញ ថ្ងៃទី២២​ខែមករា ឆ្នាំ២០១៩ -ក្នុងជំនួបពិភាក្សាកាងារ និងសម្ដែងការគួរសមរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នៅរសៀលថ្ងៃចន្ទ ១រោច ខែបុស្ស  ឆ្នាំច ​សំរឹទ្ធិស័ក ព.ស ២៥៦២ ត្រូវនឹងថ្ងៃទី២១ ខែមករា ឆ្នាំ២០១៩ ក្នុ​ងដំ​ណើរទស្សនកិច្ចផ្លូវ ការរយៈពេលបីថ្ងៃទៅកាន់សាធារណរដ្ឋប្រជាមានិតចិននោះ ឯក​ឧត្ត​ម​ប្រធានាធិបតីចិន ស៊ី ជីនពីង មានប្រសាសន៍ថា នៅក្នុងឆ្នាំ២០១៩នេះ ចិននឹង​បន្ត​នាំ​ចូល​អង្ករចំនួន ៤០ម៉ឺនតោន ពីប្រ​ទេសកម្ពុជា និងខិតខំជំរុញទំហំពាណិជ្ជកម្មនៃ​ប្រទេសទាំ​ង​ពីរឱ្យ​កើនដល់ ១០ពាន់លាន ដុល្លារអាម៉េរិកនៅឆ្នាំ២០២៣ នឹងបន្តលើកទឹកចិត្តដល់អ្នកវិនិយោគចិនទៅ​វិនិយោគនៅកម្ពុជា ហើយជា​មួយគ្នានេះ ប្រទេសចិននឹងផ្តល់ជំនួយឥតសំណងចំនួន ៤​ពា​ន់​​លានយ័ន សម្រាប់ រយៈពេល ៣ឆ្នាំ ពីឆ្នាំ២០១៩ ដល់ឆ្នាំ២០២១។ នេះបើយោងតាមការឱ្យ​ដឹង​របស់អ្នកយកព័ត៌ មានរបស់ទូរទ្សន៍ជាតិកម្ពុជា (TVK)។

ក្នុងជំនួបពិភាក្សាគ្នានោះ ឯកឧត្តមប្រធានាធិបតីចិន ស៊ី ជីនពីង បានមាន​ប្រសាសន៍​ចាត់​ទុក​ទស្សនកិច្ចវផ្លូវការរបស់សម្តេចតេជោមកកាន់ប្រទេសចិននៅពេលនេះ គឺពិតជា​មាន​តម្លៃ​បំផុត​សម្រាប់ទំនាក់ទំនង នៃប្រទេសទាំងពីរកាន់តែ​ខ្ពស់ត្រដែតថែមទៀត។ ឯកឧត្តម​ប្រ​ធា​នាធិបតីក៏បានគូសបញ្ជាក់ពីខួប៦០ឆ្នាំ នៃទំនាក់ទំនងការ​ទូតប្រទេសទាំងពីរ។ ឯកឧត្ត​ម​ប​ន្ត​ថា ឯកឧត្តមផ្ទាល់ជាមួយព្រះករុណា ព្រះមហាក្សត្រនៃព្រះ​រា​ជាណា​ចក្រកម្ពុជា និងសម្តេច​ព្រះ​​វររាជមាតាជាតិខ្មែរ បានយាង និងអញ្ជើញចូលរួមក្នុងកម្មវិធី ប្រពៃណីក្នុងប្រទេសចិន។  ឯ​ក​​ឧត្តមមានប្រសាសន៍បញ្ជាក់បន្ថែមថា គំនិតផ្តួចផ្តើមខ្សែក្រវាត់​មួយ ផ្លូវមួយ និងបន្តពង្រឹង​និង​ពង្រីកកិច្ចសហប្រតិបត្តិការជាមួយបណ្តាប្រទេស ក្នុងក្របខ័ណ្ឌ ខ្សែក្រវាត់មួយ ផ្លូវមួយ ក្នុ​ង​​នោះភាគីទាំងសងខាងនឹងបន្តយកចិត្តទុកដាក់ ក្នុងការពង្រីកកិច្ចសហ​ប្រតិបត្តិការក្នុង​កម្រិ​ត​​តំបន់ និងអន្តរជាតិ។

ឯកឧត្តមបន្តថា បច្ចុប្បន្ននេះបើទោះបីជា​ទំនាក់​ទំនង​អន្តរជាតិ ​មាន​ការ​ប្រែប្រួលក៏ពិត មែន ប៉ុន្តែទំនាក់ទំនងរវាងចិន និងកម្ពុជា គឺពិតជាបានផ្តល់នូវអត្ថប្រយោ​ជន៍​​ជាច្រើនពីគ្នាទៅ វិញទៅមក។ តាមរយៈ​នេះចិននឹងបន្តបង្កើនកិច្ចសហប្រតិបត្តិការ ជាមួយ​កម្ពុ​ជា ពិសេសការ ចូលរួមចំណែកដល់ការអភិវឌ្ឍប្រទេសកម្ពុជាឱ្យកាន់តែរឹងមាំទ្វេឡើង​ថែម​ទៀ​ត។ ឯកឧត្តម ប្រធានាធិបតីមានប្រសាសន៍សង្កត់ធ្ងន់ថា កម្ពុជានឹងទទួលបាននូវភាពជោគជ័យ​ថែមទៀត ក្នុងរយៈពេល៦០ឆ្នាំទៅមុខ។ ក្នុងនាមជាប្រទេសជិតខាងល្អ ចិនសូម​គាំទ្រ​ចំ​ពោះ​សម្តេច តេជោ និងគណបក្សប្រជាជនកម្ពុជា ដែលទទួលបានជ័យជម្នះភ្លូកទឹកភ្លូកដី ពី​ការ​​បោះ​ឆ្នោត សកលកាលពីខែកក្កដា ឆ្នាំ២០១៨កន្លងទៅ។

ជាការឆ្លើយតប សម្តេចតេជោនាយករដ្ឋមន្រ្តីមានប្រសាសន៍ថា សម្តេចពិតជាមានការរីក​រា​យក្នុងការមកបំពេញទស្សនកិច្ចផ្លូវការសាជាថ្មីម្តងទៀតក្នុងប្រទេសចិន។ សម្តេចក៏​បានថ្លែ​ង​ នូវអំណរគុណជូនចំពោះរដ្ឋាភិបាល និងប្រជាជនចិន ដែលកន្លងមកតែងតែទទួលនូវព្រះរាជ បដិសណ្ឋារកិច្ចចំពោះព្រះវត្តមានព្រះមហាក្សត្រ និងសម្តេចព្រះវររាជមាតាជាតិខ្មែរ ស្តេចយា​ង មកកាន់ប្រទេសចិន ក្នុងការពិនិត្យព្រះរាជសុខភាព និងសម្តេចយាងបំពេញព្រះរាជ​ទស្សន​កិច្ច​ផ្លូ​វ​រ​ដ្ឋ​។ សម្តេចតេជោក៏បានលើកពីបញ្ហាមួយចំនួន ស្តីពីទំនាក់ទំនងនៃប្រទេសទាំងពីរ ក្នុងនោះ ​ សម្តេចតេជោបានជម្រាបជូនឯកឧត្តមប្រធានាធិបតី អំពីសភាពការណ៍ក្នុង ប្រទេសកម្ពុជា ពិ​សេ​សសភាពការណ៍ក្រោយការបោះឆ្នោតសកល កម្មវិធីកំណែទម្រង់នានា របស់រាជរដ្ឋាភិបាល និងការ​ទប់​ស្កាត់ពីការលូកដៃចូលកិច្ចការផ្ទៃក្នុងរបស់កម្ពុជា។ សម្តេច តេជោក៏បានគូសបញ្ជាក់​ពីការ​បង្កើត​ឧត្តមក្រុម​ប្រឹក្សាពិគ្រោះយោបល់ ដែល មានគណបក្ស នយោបាយចូលរួមចំនួន១៩​គ​ណ​​បក្ស។

ក្នុងជំនួបពិភាក្សានោះដែរ សម្តេចតេជោនាយករដ្ឋមន្រ្តី បានស្នើឱ្យឯក​ឧត្តម​ប្រ​ធា​នា​ធិបតីក្នុងការជំរុញអ្នកវិនិយោគចិនបន្តមកវិនិយោគ និងការអភិវឌ្ឍប្រទេសកម្ពុជា ពិសេស​ការ​បង្កើតរោងចក្រថ្មីៗ ថែមទៀត។ ពាក់ព័ន្ធទៅនឹងទំនាក់ទំនងទ្វេភាគីកម្ពុជា-ចិន ដែលជា​ទំ​នា​ក់​ទំនងមានលក្ខណៈ​ប្រពៃ​ណី ហើយអ្វីដែលសម្តេចចង់ឃើញនោះគឺក្នុងភាពជាដៃគូយុទ្ធ​សា​ស្រ្តគ្រប់ជ្រុងជ្រោយនោះ គឺបន្តថែទាំនិងរក្សាឱ្យកាន់តែរឹងមាំថែមទៀត ពិសេសគឺ​វត្តមាន​ឯ​ក ឧត្តមប្រធានាធិបតីនៅកម្ពុជា គឺ ពិតជាផ្តល់នូវសារៈសំខាន់ ក្នុងការជំរុញកិច្ចសហប្រតិ​បត្តិ​ការ​ទ្វេ​ភាគី និងក្នុងតំបន់ផងដែរ។ សម្តេចតេជោបានស្នើឱ្យបន្តយន្តការទ្វេភាគីកាន់តែរឹងមាំ។ ជា​មួ​​​យគ្នានេះសម្តេចនឹងចូលរួមក្នុងកិច្ចប្រជុំ​កំពូលស្តីពីផ្លូវមួយ ខ្សែក្រវាត់មួយ លើកទី២ នៅ​ចុង​ខែ​មេសា ឆ្នាំ២០១៩។ សម្តេចតេជោនាយករដ្ឋមន្ត្រីក៏បានស្នើថា ឆ្នាំ២០​១៩​គឺជាឆ្នាំ​នៃការផ្លា​ស់​​ប្តូរវប្បធម៌ និង​ជាឆ្នាំនៃការផ្លាស់ប្តូរទេសចរណ៍នៃប្រទេស​ទាំងពីរ។ សម្តេចតេជោក៏បាន​ស្នើ​ដល់​ឯកឧត្តមប្រធានាធិបតី គឺធ្វើយ៉ាងណាឱ្យប្រទេសទាំងពីរ​អាចមាននូវកិច្ចព្រមព្រៀង​សេដ្ឋ​កិច្ចសេរី ព្រោះដោយសារប្រទេសទាំងពីរ មានភាពជាដៃគូយុទ្ធ​សាស្រ្តគ្រប់ជ្រុងជ្រោយ រួច​មក ហើយតាំងពីឆ្នាំ២០១០ មកនោះ។

ឯកឧត្តមប្រធានាធិបតីមានប្រសាសន៍ថា ទំនាក់ទំនងរវាងចិននិងកម្ពុជា គឺពិតជាមាន​ ល​ក្ខ​​ណៈពិសេសខ្លាំងណាស់ បើប្រៀបធៀបទៅនឹងប្រទេសផ្សេងៗទៀត ពោលគឺទំនាក់ទំនង នៃប្រ​​ទេសទាំងពីរ មានលក្ខណៈសំខាន់បំផុត។ ឯកឧត្តមបន្តថា លក្ខណៈ​ពិសេស គឺទំនាក់ ទំនង​រវា​ងសម្តេចតេជោ និងគណបក្សប្រជាជនកម្ពុជា ជាមួយថ្នាក់ដឹកនាំចិន និងចាត់ទុក​បាន ឡើង​ដល់កម្រិត​​មួយដែលខ្ពស់បំផុត បើប្រៀបធៀបទៅនឹងប្រទេសផ្សេងៗទៀត។

ឯកឧត្តមបន្តថា ចិននិង​កម្ពុជា នឹងបន្តរួមគ្នាសហគមន៍ដែលជាសហគមន៍រួមគ្នា ដើម្បី រៀបចំផែនការធ្វើកិច្ច​ស​ហ​ការលើ​គ្រប់វិស័យ ទាំងវិស័យនយោបាយ សន្តិសុខ សេដ្ឋកិច្ច និង រវាងប្រជាជនិង​ប្រជា​ជ​ន​។ ឯកឧត្តម​មានប្រសាសន៍ស្វាគមន៍ ជូនចំពោះសម្តេចដែលនឹង អញ្ជើញ​ចូលរួមក្នុងកិច្ចប្រជុំ​កំ​ពូ​ល​លើក​ទី២ ស្តីពីផ្លូវមួយ ខ្សែក្រវាត់មួយ នៅប្រទេសចិនក្នុង ពេលខាងមុខ។  ក្នុងជំនួបកំ​ពូល​នោះ​ដែរ សម្តេចតេជោ និងឯកឧត្តម​ប្រធានា​ធិបតីចិន ក៏បាន ពិភាក្សាគ្នាយ៉ាងយកចិ​ត្តទុកដាក់​អំពី​ទំនាក់ទំនងទ្វេភាគី បញ្ហាតំបន់ និងអន្តរជាតិ ដែល​មាន ការយកចិត្តទុកដាក់ដូចគ្នា៕

ដោយ ជឹម ណារី