សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ក្រៅពីឱកាសឲ្យមិត្តភក្កិអន្តរជាតិបានយល់ច្បាស់ពីភាពរុងរឿង និងភាពសម្បូរបែបនៃវប្បធម៍ខ្មែរ អង្គរសង្ក្រាន្តគឺជានិមិត្តរួបនៃសាមគ្គី និមិត្តរូបនៃភាតរភាព និមិត្តរូបនៃការរួបរួម និងក៏ជានិមិត្តរូបនៃគ្រួសារខ្មែរ”។ សម្តេចតេជោបានថ្លែងបែបនេះនៅក្នុងពិធីបើកព្រឹត្តិការណ៍អង្គរសង្រ្កាន្ត លើកទី៦ ឆ្នាំ២០១៨ ជាផ្លូវការនៅមុខប្រាសាទបាយ័ននាព្រឹកថ្ងៃសុក្រ ១៣រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៣ មេសា ឆ្នាំ២០១៨ ដែលពិធីនេះមានការនិមន្ត និងចូលរួមដោយព្រះសង្ឃ តំណាងរាស្រ្ត មន្រ្តីជាន់ខ្ពស់រាជរដ្ឋាភិបាល មន្ត្រីការទូត មន្រ្តីរាជការ យុវជន និងប្រជាពលរដ្ឋទាំងនៅក្នុងខេត្តសៀមរាប និងតាមបណ្តាខេត្តនានារាប់ពាន់អង្គ/នាក់ ក្រោមអធិបតីដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។
