សម្តេចតេជោ ហ៊ុន សែន អញ្ជើញដាក់កម្រងផ្កានៅស្តូបរំលឹកវិញ្ញាណក្ខន្ធ មហាវិរបុរសឥណ្ឌា មហាត្មះគន្ធី

បន្ទាប់មក​សម្តេចអគ្គ​មហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រក​ម្ពុជា អញ្ជើញ​​ដាក់​កម្រងផ្កានៅស្តូប​រំលឹកវិញ្ញាណក្ខន្ធ មហាវិរបុរស​ឥណ្ឌា មហាត្មះគន្ធី ដើម្បីជាកិច្ចគោរព​ដឹងគុណ​យ៉ាងជ្រាលជ្រៅ រកអ្វីមកប្រៀបផ្ទឹម​មិន​បានចំពោះ​គុណូបការៈ និង​មហាព​លីកម្ម ដែលម​ហាត្មៈគន្ធី បានពុះពារនូវរា​ល់ការ​លំបាក់​គ្រប់​បែប យ៉ាង​ ហ៊ាន​ប្តូរ​ជាជីវិត ក្នុងការ​ទាមទារ​សិទ្ធសេរីភាព និងការជិះជាន់​សង្កត់​សង្កើន ពីសំណាក់​វណ្ណៈសក្តិភូមិ​មូល​ធន មក​លើប្រជាជន​ឥណ្ឌា​ស្លូតត្រង់ នាព្រឹកថ្ងៃទី២៧ ខែមករា ឆ្នាំ២០១៨ នៅទីក្រុងញ៉ូវដែលី ប្រទេសឥណ្ឌា។

នៅក្នុងពិ​ធីតាម​បែប​សាសនា​​នោះដែរ សម្តេចតេជោ នាយករដ្ឋមន្រ្តី​​បានដាក់​បាច់ផ្កាលើ​ស្តូប​តម្កល់​សព​មហាត្មៈគន្លី និង​បានឧទ្ទិស​វិញ្ញាណក្ខន្ធ​មហាត្មះគន្លី បន្តស្ថិតនៅ​ជានិម្មិតរូប នៃសេចក្តីថ្លៃថ្នូរ​សម្រាប់ប្រ​ជាជាតិទាំងអស់ ដែលរស់នៅលើភព​ផែនដី នៃយើងទាំ​ង​អស់គ្នា។ នៅក្នុងពិធីគោរពវិញ្ញាណក្ខន្ធនៅ​ស្តូបអនុស្សាវរីយ៍ នោះដែរ សម្តេចតេ​ជោនាយករដ្ឋមន្រ្តី​បានអ​ញ្ជើញ​ចុះហត្ថលេខា​លើសៀវ​ភៅ គោរពវិញ្ញាណក្ខន្ធ​មហា​ត្មៈគន្ធី នៅរក្សា ​នៅក្នុងបណ្ណាល័យនៃវិមានស្តូបតម្កល់សពមហាត្មះគន្ធី។ ជាមួយគ្នានោះ​សម្តេចតេជោនាយករដ្ឋមន្រ្តីបាន​ទទួលនូវ សៀវភៅឯកសារ​មួយចំនួនពីសារៈមន្ទីរ ស្តីពីប្រវត្តិ​របស់មហាត្មៈគន្ធី រូបសំណាក់មហាត្មៈគន្ធី។ សម្តេចតេជោនាយក រដ្ឋមន្រ្តីមាន​ប្រសាសន៍ថា នៅកម្ពុជា​មានការ​កសាងនូវរូបមហាត្មៈគន្ធី នៅក្បែររមណីយដ្ឋានវត្តភ្នំ ហើយកម្ពុជា​គ្រោង និងរៀប​ចំនូវ​ជីវប្រវត្តិនិង​សកម្មភាព​របស់​មហាត្មៈគន្ធី នៅក្នុង​កម្មវិធីសិក្សា​របស់​ក្រសួង​អប់រំ យុវជន និងកីឡា នៅ​ពេលខាងមុខ។

ពត៌មានទាក់ទង

ពត៌មានផ្សេងៗ