រដ្ឋបាលខេត្តបន្ទាយមានជ័យច្រានចោលការបង្ហោះផ្សាយព័ត៌មានក្លែងក្លាយ ជុំវិញករណីជនជាតិថៃស្លាប់ដោយសារជំងឺគាំងបេះដូង

យោងតាមប្រភពដដែលបានឱ្យដឹងបន្ថែមថា ចំពោះករណីនេះ មានការបញ្ជាក់របស់សមត្ថកិច្ចជំនាញសពនេះត្រូវបានប្រជាជនប្រទះឃើញ និងរាយការណ៍ជូនសមត្ថកិច្ចជំនាញដើម្បីចុះពិនិត្យ និងស្រាវជ្រាវដល់ទីតាំងបានបញ្ជាក់ថា៖ សពនេះដេកស្លាប់ នៅមុខសំយ៉ាបអគារកម្ពស់ ៥ជាន់ ដែលទុកចោល មិនមានមនុស្សរស់នៅស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ចំណែកភិនភាគសពខាងលើមានស្លៀកខោខ្លីពណ៌ខ្មៅឡាយក្រហម គ្មានពាក់អាវ ហើយក្រុមកោលសល្យវិច័យបានធ្វើការកំណត់មូលហេតុជាបឋម នៃការស្លាប់សង្ស័យដោយសារជំងឺគាំងបេះដូង។

ជាមួយគ្នានោះផងដែរ មន្ទីរសុខាភិបាលនៃរដ្ឋបាលខេត្តបន្ទាយមានជ័យ ក៏បានស្នើឱ្យគណនីហ្វេសប៊ុកខាងលើ ធ្វើការកែសម្រួលព័ត៌មាន និងលុបចោលនូវការផ្សាយព័ត៌មានមិនពិតនេះពីបណ្តាញសង្គម ដើម្បីចៀសវាងការយល់ច្រឡំពីមតិជាតិ និងអន្តរជាតិ៕