នៅរសៀលថ្ងៃទី ៦ ខែសីហា ឆ្នាំ២០១៧ នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមជាមួយគណៈប្រតិភូអមដំណើរ មន្ត្រីរាជការគ្រប់លំដាប់ថ្នាក់ និងប្រជាពលរដ្ឋជាច្រើននាក់ បានអញ្ជើញអុជធូបរំលឹកគុណបុព្វបុរសខ្មែរនៅប្រាសាទជ្រៃ ប្រាសាទអាស្រមឥសី ប្រាសាទសំបូរ ប្រាសាទតោ និងសែនក្រុងពាលីនៅប្រាសាទនាគព័ន្ធ ដែលជាផ្នែកមួយនៃពិធីបួងសួងរំលឹកគុណដល់បុព្វបុរសខ្មែរ និងអបអរសាទរ”តំបន់ប្រាសាទសំបូរព្រៃគុក” ជាសម្បត្តិបេតិកភណ្ឌពិភពលោក ដែលនឹងប្រារព្ធធ្វើឡើងនៅថ្ងៃទី ៧ ខែសីហា ឆ្នាំ២០១៧ នៅខាងមុខប្រាសាទនាគព័ន្ធ។
