នៅល្ងាចថ្ងៃទី ២៣ ខែមេសា ឆ្នាំ ២០២៤ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ រៀបចំព្រះរាជពិធីលៀងសាយភោជន៍ជូនជាកិត្តិយស ជូន ឯកឧត្ដម ថងលុន ស៊ីសុលីត (THONGLOUN SISOULITH) ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ និងគណ:ប្រតិភូ ក្នុងព្រះបរមរាជវាំង ក្នុងឱកាសដែល ឯកឧត្តមប្រធានរដ្ឋ មកបំពេញទស្សនកិច្ចផ្លូវរដ្ឋ នៅព្រះរាជាណាចក្រកម្ពុជា ។