សម្តេចធិបតី ហ៊ុន ម៉ាណែត ថ្លែងកោតសរសើរនិងវាយតម្លៃខ្ពស់ដល់កិច្ចខិតខំប្រឹងប្រែងរបស់គ្រូពេទ្យគ្រប់រូប និងដៃគូអភិវឌ្ឍនានា

សម្តេចធិបតី ហ៊ុន ម៉ាណែត បានថ្លែងកោតសរសើរចំពោះមន្ត្រីរាជការនៃក្រសួងសុខាភិបាល គ្រប់លំដាប់ថ្នាក់ដែលបានបំពេញភារកិច្ចរបស់ខ្លួន បម្រើសេវាសុខភាពជូនប្រជាពលរដ្ឋ ជាពិសេសបុគ្គលិកពេទ្យនៅមន្ទីរពេទ្យស្រុក នៅមណ្ឌលសុខភាព និងប៉ុស្តិ៍សុខភាព ដែលបាននិងកំពុងបម្រើសេវានៅតាមតំបន់ជនបទ។

សម្តេចធិបតីបានវាយតម្លៃខ្ពស់ចំពោះរដ្ឋបាលថ្នាក់ក្រោមជាតិ ស្ថាប័នពាក់ព័ន្ធគ្រប់លំដាប់ថ្នាក់ សហគមន៍ និងដៃគូអភិវឌ្ឍជាតិ អន្តរជាតិ និងអង្គការមិនមែនរដ្ឋាភិបាលនានា ដែលបាននិងកំពុងចូលរួមចំណែកយ៉ាងសំខាន់ដល់វឌ្ឍនភាពនៃវិស័យសុខាភិបាលនៅកម្ពុជា ជាពិសេសការខិតខំប្រឹងប្រែងរួម ក្នុងការបង្ការនិងទប់ស្កាត់ការរាតត្បាតនៃជំងឺកូវីដ-១៩ នាពេលកន្លងមក។

សម្តេចធិបតី ហ៊ុន ម៉ាណែត បានថ្លែងដូចនេះ នៅថ្ងៃទី២០ មេសា ២០២៤ ក្នុងឱកាសអញ្ជើញជាអធិបតីពិធីសម្ពោធ អគារមណ្ឌលផ្តល់សេវាវះកាត់ នៅមន្ឌីរពេទ្យបង្អែកខេត្តសៀមរាប៕