សម្តេចធិបតី ហ៊ុន ម៉ាណែត៖ ភាពជាដៃគូរវាងរដ្ឋនិងវិស័យឯកជន គឺត្រូវរួមគ្នាគិត រួមគ្នាធ្វើ និងរួមគ្នាទទួលខុសត្រូវ

ក្នុងពិធីសម្ពោធដាក់ឱ្យប្រើប្រាស់ជាផ្លូវការ «អគារតេជោសែន» និង «បិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤របស់ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍» នៅរសៀលថ្ងៃទី២១ ខែកុម្ភៈ ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា ភាពជាដៃគូរវាងរដ្ឋ និងវិស័យឯកជន មិនត្រឹមតែរួមគ្នាគិតនោះទេ គឺថែមទាំងរួមគ្នាធ្វើ និងរួមគ្នាទទួលខុសត្រូវ។

សម្តេចធិបតី ហ៊ុន ម៉ាណែត បានគូសបញ្ជាក់ថា អ្វីដែលរាជរដ្ឋាភិបាល អាចជួយបាននោះ គឺការផ្តល់យន្តការសម្របសម្រួល និងគោលការណ៍មួយចំនួន ប៉ុន្តែវិស័យឯកជន គឺជាអ្នកគិតគូរ លើកយោបល់។

សម្តេចធិបតី ហ៊ុន ម៉ាណែត ក៏បានសង្កត់ធ្ងន់ថា ការសហការបានល្អរវាងរដ្ឋ និងវិស័យឯកជន អាចធានាបាននូវការប្រកួតប្រជែងរយៈពេលវែងផងដែរ៕