សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា ការវិនិយោគការអប់រំ គឺជាការវិនិយោគលើអនាគត ពីព្រោះការចង់បានអនាគតកាន់តែល្អ កាន់តែមានឱកាសច្រើន។
សម្តេចធិបតី បានថ្លែងបន្តថា ការវិនិយោគផ្អែកលើទស្សនៈវិជ្ជមាន ដោយវិនិយោគបង្កើតផ្នត់គំនិតក្នុងភាពម្ចាស់ការ ជាការវិយោគទៅលើវិស័យអប់រំ និងការវិនិយោគទៅលើការបណ្តុះបណ្តាលពិតជាសំខាន់ មិនមែនសម្រាប់តែរាជរដ្ឋាភិបាល ដូចសហគមន៍ ដូចឳពុក ម្តាយ គ្រួសារ ដូចជាសាមីខ្លួនត្រូវខិតខំរៀនសូត្រ។ ជាឧទាហរណ៍ សិស្សនិស្សិតមកទទួលបានសញ្ញាបត្រនៅថ្ងៃនេះ សុទ្ធតែជាអ្នកប្តេជ្ញាចិត្តហើយ មិនមែនចាប់ផ្តើម ១ពាន់នាក់ ៤ឆ្នាំក្រោយមកទទួលសញ្ញាបត្រទាំង ៤ពាន់នាក់នោះទេ។ មានតែការប្តេជ្ញាចិត្តក្នុងការសិក្សា ទើបទទួលបានការបញ្ចប់ការសិក្សាជោគជ័យ។
សម្តេចធិបតី ហ៊ុន ម៉ាណែត បានថ្លែងដូចនេះ នៅថ្ងៃទី២១ ខែវិច្ឆិកា ឆ្នាំ២០២៤ ក្នុងឱកាសអញ្ជើញចែកសញ្ញាបត្រនិស្សិតសាកលវិទ្យាលយ័ភូមិន្ទភ្នំពេញ នៅសាលមហោស្រពកោះពេជ្រ ក្នុងរាជធានីភ្នំពេញ៕
