កិច្ចសម្ភាសពិសេស៖ ការបោះពុម្ភក្រដាសប្រាក់ថ្មី មិនប៉ះពាល់ដល់សេដ្ឋកិច្ចហើយក៏មិនមែនរដ្ឋខ្វះខាតការចំណាយនោះទេ

ធនាគារជាតិនៃកម្ពុជា បានបោះពុម្ពក្រដាសប្រាក់រៀលថ្មីប្រភេទពីរសែនរៀល ដើម្បីអប​អរសាទរខួប២០ឆ្នាំនៃការឡើងសោយរាជសម្បត្តិរបស់សម្តេច ព្រះបរមនាថ នរោត្តម សីហមុនី។ ប៉ុន្តែ ស្រាប់តែក្រុមមាននិន្នាការប្រឆាំងនៅក្រៅប្រទេស បានលើកឡើងថា ការបោះពុម្ភក្រដាសប្រាក់ថ្មីនេះ ដោយសាររាជរដ្ឋាភិបាលកម្ពុជាខ្វះខាតលើការ​ចំណាយ ហើយថា វានឹងធ្វើប៉ះពាល់ដល់សេដ្ឋកិច្ចទាំងមូល។

ជាភ្ញៀវពិសេសនៅក្នុងកិច្ចសម្ភាសរបស់ «កម្ពុជាថ្មី» នៅថ្ងៃនេះ អ្នកជំនាញសេដ្ឋកិច្ចនៃ​រាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានច្រាលចោលការលើកឡើង​ទាំងនេះ ដោយលោកអះអាងថា អ្នកលើកឡើង​ទាំងនេះ​ មិនយល់ពីសេដ្ឋកិច្ចឡើយ។ សម្រាប់លោកបណ្ឌិត គី សេរីវឌ្ឍន៍ មិនត្រឹមតែមិនប៉ះពាល់ដល់សេដ្ឋកិច្ចទេ តែវាថែមទាំងជួយដល់សេដ្ឋកិច្ចកម្ពុជាទៅទៀត។