ព្រះករុណា ព្រះមហាក្សត្រ និងសម្ដេចព្រះមហាក្សត្រី ស្ដេចយាងទៅទីក្រុងប៉េកាំង ដើម្បីពិនិត្យព្រះរាជសុខភាព

38

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះ​រាជាណា​ចក្រ​កម្ពុជា និង សម្តេច​ព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុង​សេរីភាព សេចក្តីថ្លៃថ្នូរ និងសុភមង្គល ស្តេចយាង ចាកចេញពីអាកាសយានដ្ឋានអន្តរ​ជាតិ​ភ្នំពេញ នាព្រឹកថ្ងៃទី០១ ខែមេសា ឆ្នាំ២០២០ ដើម្បីយាងទៅពិនិត្យព្រះរាជ​សុខភាព នៅ​ទីក្រុងប៉េកាំង នៃសាធារណរដ្ឋប្រជាមានិតចិន។

យាង និងអញ្ជើញជូនព្រះរាជដំណើរព្រះករុណាព្រះមហាក្សត្រ និងព្រះមហាក្សត្រី នៅឯអាកាស​យានដ្ឋានអន្តរជាតិ​ភ្នំពេញ មានព្រះរាជវត្តមាន និងវត្តមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី  និងមន្ត្រីជាន់ខ្ពស់នៃ​រាជរដ្ឋាភិបាល​​កម្ពុជា ព្រមទាំងព្រះរាជវង្សានុវង្ស និង ឯកអគ្គរដ្ឋទូតចិនប្រចាំកម្ពុជា ។

រូបថត៖ កុក គី