ឯកឧត្តម យ៉ាណូស អាឌ័រ (János Áder) ប្រធានាធិបតី នៃសាធារណរដ្ឋហុងគ្រី និងលោកជំទាវ អមដំណើរដោយ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងឯកឧត្តម ថោង ខុន រដ្ឋមន្រ្តីក្រសួងទេសចរណ៍ អញ្ជើញមកដល់អាកាសយានដ្ឋានអន្តរជាតិសៀមរាប នាព្រឹកថ្ងៃទី២៩ ខែតុលា ឆ្នាំ២០១៩ ដើម្បីទស្សនាប្រាសាទបុរាណនានាក្នុងរមណីយដ្ឋានអង្គរ ខណៈឯកឧត្តម និងលោកជំទាវអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា ចាប់ពីថ្ងៃទី២៧ ដល់ថ្ងៃទី៣០ ខែតុលា ឆ្នាំ២០១៩ ។
អញ្ជើញទទួលស្វាគមន៍ ឯកឧត្តម និងលោកជំទាវ នៅឯព្រលានយន្តហោះអន្តរជាតិសៀមរាប រួមមាន ឯកឧត្តម អ៊ឹង ហឿន ប្រធានក្រុមប្រឹក្សាខេត្ត និងឯកឧត្តម ទៀ សីហា អភិបាលខេត្តសៀមរាប ព្រមទាំងមន្ត្រីរាជការជាច្រើនរូបទៀត ។
រូបថត៖ សោម ប្ញទ្ធី និង ឃុត សៅ
