ព្រះករុណា ព្រះមហាក្សត្រ យាងមកដល់មាតុប្រទេសវិញដោយសុវត្ថិភាព បន្ទាប់ពីយាងចូលរួមក្នុងព្រះរាជពិធីរាជាភិសេកគ្រងរាជសម្បត្តិព្រះចៅអធិរាជថ្មី នៃប្រទេសជប៉ុន

12

ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចយាងមកដល់មាតុប្រទេសវិញដោយសុវត្ថិភាព នាល្ងាចថ្ងៃទី២៤ ខែតុលា ឆ្នាំ២០១៩ បន្ទាប់ពីបានយាងចូលរួមក្នុងព្រះរាជពិធីរាជាភិសេកគ្រងរាជសម្បត្តិ របស់ព្រះចៅអធិរាជថ្មី នៃប្រទេសជប៉ុន ។

យាង និងអញ្ជើញទទួលព្រះរាជដំណើរព្រះអង្គ នៅឯព្រលានយន្តហោះអន្តរជាតិភ្នំពេញ មានវត្តមានសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងមន្ត្រីអ្នកមុខអ្នកការ ព្រះរាជវង្សានុវង្សជាច្រើនរូបទៀត និងឯកអគ្គរាជទូតជប៉ុន ប្រចាំនៅកម្ពុជា ។

រូបថត៖ កុក គី