ព្រះមហាក្សត្រ និងព្រះមហាក្សត្រី ព្រះរាជានុញ្ញាតឲ្យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចូលគាល់ ទូលថ្វាយពីសកម្មភាពមនុស្សធម៌កន្លងមក

99

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងជាព្រះប្រធានកិត្តិយសកាកបាទក្រហមកម្ពុជា ព្រះអង្គទាំងទ្វេសព្វព្រះរាជហឬទ័យ ព្រះរាជានុញ្ញាតឲ្យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដឹកនាំគណៈប្រតិភូ ចូលក្រាបថ្វាយបង្គំគាល់ ទូលថ្វាយពីសកម្មភាពមនុស្សធម៌របស់កាកបាទក្រហមកម្ពុជាកន្លងមក និងទិសដៅអនុវត្តបន្ត នាព្រឹកថ្ងៃទី២៨ ខែឧសភា ឆ្នាំ២០១៩ នៅព្រះបរមរាជវាំង រាជធានីភ្នំពេញ។

នៅក្នុងឱកាសទូលថ្វាយនោះដែរ សម្តេចកិត្តិព្រឹទ្ធបណ្ឌិត ក៏បានថ្វាយនូវថវិកាមួយចំនួន សម្រាប់ដង្ហែតាមព្រះរាជសកម្មភាពមនុស្សធម៌ដ៏ឧត្តុង្គឧត្តមជាប្រវត្តិសាស្រ្តរបស់ព្រះអង្គទាំងទ្វេផងដែរ។

រូបថត៖ ព្រះបរមរាជវាំង