ឯកឧត្តម Rodrige Roa Duterte ប្រធានាធិបតីហ្វីលីពីន អញ្ជើញចាកចេញពីប្រទេសកម្ពុជា នារាត្រីថ្ងៃទី១១ ខែឧសភា ឆ្នាំ២០១៧ ក្រោយពីបានចូលរួមពិធីបើកវេទិកាសេដ្ឋកិច្ចពិភពលោក ស្តីពីអាស៊ាន ឆ្នាំ២០១៧ នៅកម្ពុជា។
អញ្ជើញជូនដំណើរនិវត្តន៍របស់ឯកឧត្តមប្រធានាធិបតីនៅឯព្រលានយន្តហោះអន្តរជាតិភ្នំពេញ មានវត្តមាន ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងថ្នាក់ដឹកនាំនៃរាជរដ្ឋាភិបាលកម្ពុជា ព្រមទាំង ឯកអគ្គរដ្ឋទូត ហ្វីលីពីន ប្រចាំកម្ពុជា ផងដែរ។
