ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេច ព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ស្តេចយាងមកដល់មាតុភូមិវិញដោយសុវត្ថិភាព នារសៀលថ្ងៃទី០៧ ខែមេសា ឆ្នាំ២០១៩ បន្ទាប់ពីបានយាងទៅពិនិត្យព្រះរាជសុខភាពនៅទីក្រុងប៉េកាំង ប្រទេសចិន កាលពីថ្ងៃទី១៧ ខែមីនា ឆ្នាំ២០១៩ ។
អញ្ជើញ និងយាងទទួលព្រះរាជដំណើរវិលមកមាតុភូមិវិញ នៅឯព្រលានយន្តហោះអន្តរជាតិភ្នំពេញ មានវត្តមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងថ្នាក់ដឹកនាំរាជរដ្ឋាភិបាលជាច្រើនរូបទៀត ព្រមទាំងព្រះញ្ញាតិវង្សានុវង្ស ។
រូបថត៖ ខឹម សុវណ្ណារ៉ា
