សម្តេចនាយករដ្ឋមន្រ្តី ហ៊ុន សែន អញ្ជើញទទួលទានអាហារការងារជាមួយតំណាងក្រុមហ៊ុន GE Global Growth និងអញ្ជើញជាសាក្សី ពិធីចុះហត្ថលេខា

79

ក្នុងឱកាស នៃការស្នាក់អាស្រ័យ​បំពេញទស្សន​កិច្ចការងារ នៅបុរីញ៉ូវយ៉ក សហរដ្ឋមន្រ្តី នៅ​ព្រឹក​ថ្ងៃទី២៨ កញ្ញា ម៉ោងនៅ​​បុរីញ៉ូវយ៉ក សហរដ្ឋអាមេរិក សម្តេចអគ្គមហា​សេនាបតីតេ​ជោ ហ៊ុន សែន នាយករដ្ឋមន្រ្តី នៃព្រះរាជា​ណា​ចក្រកម្ពុជា បានអញ្ជើញ​ទទួលទា​ន​អាហារ​ការងារ ជា​មួយប្រតិភូតំណាង ក្រុមហ៊ុន GE Global Growth។

ក្នុងពិធីទទួលទា​ន​អាហារការងារពេល​ព្រឹក សម្តេចតេជោ នាយករដ្ឋមន្រ្តី​មានប្រសាសន៍​សំដែង នូវការវាយ​តម្លៃខ្ពស់ និងកោតសរសើរ​ចំ​ពោះថ្នាក់ដឹកនាំ​ក្រុមហ៊ុន GE Global Growth ដែល​តែង​តែ​ធ្វើកិច្ច​សហប្រតិ​បត្តិការល្អជាមួយ និងរាជ​រដ្ឋាភិបាល ប្រទេស និងប្រជាជន​កម្ពុជា លើបញ្ហា​សុខភាព​របស់ប្រជាជន។ សម្តេចតេជោ និងតំណាង​ក្រុមហ៊ុន GE Global Growth ក៏បានធ្វើ​ការពិ​ភាក្សាគ្នាយ៉ាងយក​ចិត្តទុកដាក់ទៅលើ ការបន្តកិច្ច​ខិតខំប្រឹង​ប្រែងរួមគ្នា ក្នុងការពង្រឹងនិងពង្រីកកិ​ច្ច​សហប្រតិបត្តិការ​លើការគាំ​ពារសុខ​មាភាពសង្គម នៅកម្ពុជា។

បន្ទាប់ពីបានចំណាយពេល នៃការពិភាក្សា ក្នុងពិធីទទួល​ទានអាហារ ពេលព្រឹកនោះដែរ សម្តេចតេជោ នាយករដ្ឋមន្រ្តីបាន​អញ្ជើញ​ធ្វើជា​សាក្សី នៃពិធីចុះហត្ថលេខា​​​ ស្តីពីការវៈ​កាត់ប្រកប​ដោយសុវត្តិភាព ឆ្នាំ២០២០ រវាងកម្ពុជា និងមូលនិធិ GE ដែល​ចុះហត្ថ​​លេ​ខារវាង ឯកឧត្តម អ៊ុច បូរិទ្ធ រដ្ឋលេខាធិការ​ក្រសួងការបរទេស និងសហប្រតិ​បត្តិការ​អន្តរជាតិ ជាមួយនិង​តំណាង​ក្រុមហ៊ុន GE Global Growth។ អនុស្សារណៈ​ នៃពិធីចុះហត្ថលេខានេះ GE និងបង្កើន​ការ​ជួយ​ដល់ប្រទេស​កម្ពុជា ពិសេស​លើកា​របណ្តុះបណ្តាល និងការ​កសាង​សមត្ថភាព​ធនធា​ន​មនុស្ស លើបច្ចេកទេស នៃការវៈ​កាត់ប្រកប​ដោយ​សុវត្តិ​ភាព​នោះ។