សម្តេចតេជោ ហ៊ុន សែន អញ្ជើញមកដល់អាកាសយានដ្ឋានអន្តរជាតិ វូស៊ូ (WuXu) ទីក្រុងណាននីង នៃខេត្តក្វាងស៊ី

75

 ភ្នំពេញ ថ្ងៃទី១០ ខែកញ្ញា ឆ្នាំ២០១៨ — បន្ទាប់ពីបានអញ្ជើញដឹកនាំគណៈប្រតិភូជាន់ខ្ពស់ចាកចេញពីកម្ពុជា នាព្រឹកថ្ងៃទី១០ ខែ​កញ្ញា ឆ្នាំ២០១៨នោះ នាវេលាម៉ោងប្រមាណជា១២ និង១០នាទី ថ្ងៃទី១០ ខែ​ក​ញ្ញា ឆ្នាំ​២០​១៨​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណា​ចក្រ​​កម្ពុជា បាន​អញ្ជើញដឹកនាំគណៈប្រតិភូជាន់ខ្ពស់ មកដល់ទីក្រុងណាននីង នៃខេត្តក្វាងស៊ី សាធារ​ណ​រដ្ឋ​ប្រជា​មានិតចិន ប្រកបដោយសុវត្ថិភាព ដើម្បីចូលរួមបើកពិព័រណ៍ចិនអាស៊ាន​លើ​​កទី១៥ ដែ​ល​កម្ពុជា ធ្វើ​ជាប្រទេសកិត្តិយស។

តាមបណ្ដាញទំនាក់ទំនងសង្គមហ្វេសប៊ុករបស់សម្ដេចតេជោបានសរសេរថា ការអញ្ជើ​ញ​​ទៅ​ដល់អាកាសយានដ្ឋានអន្តរជាតិវូស៊ូ (WuXu) នៃទីក្រុងណាននីង សម្តេចតេជោនាយក​រដ្ឋមន្ត្រី ត្រូវបានទទួលការស្វាគមន៍យ៉ាងកក់ក្តៅ​ និងស្និទ្ឋស្នាលបំផុតពីមន្រ្តីជាន់ខ្ពស់ចិន​ជា​ច្រើ​ន ដែលក្នុងនោះ​មាន លោក ឡាន ទៀនលី (Lan Tianli) ប្រធានគណៈកម្មាធិការសន្និសីទ​ពិ​គ្រោះយោបល់នយោបាយប្រជាជនចិនតំបន់ស្វយ័តជនជាតិក្វាងស៊ី និងមន្ត្រីស្ថានទូតនៃ​ក​ម្ពុ​ជា​ជាច្រើនរូបទៀតផង។ នៅរសៀលថ្ងៃនេះ សម្តេចតេជោ ហ៊ុន សែន មានកម្មវិធីជួបជា​មួ​យ​ក្រុ​មហ៊ុនវិនិយោគចិន និងជួបជាមួយនិស្សិតកម្ពុជាជាង២០០ នាក់ដែលកំពុងសិក្សា​នៅប្រ​ទេ​សចិន៕