សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដឹកនាំគណៈប្រតិភូជាន់ខ្ពស់កម្ពុជា អញ្ជើញដល់ ព្រលានយន្តហោះអន្តរជាតិ Wuxu ទីក្រុងណាននីង នៃខេត្តក្វាងស៊ី សាធារណរដ្ឋប្រជាមានិតចិន ប្រកបដោយសុវត្ថិភាព នាវេលាថ្ងៃត្រង់ថ្ងៃទី១០ ខែកញ្ញា ឆ្នាំ២០១៨ ដើម្បីចូលរួមពិព័រណ៌ពាណិជ្ជកម្ម អាស៊ាន-ចិន លើកទី១៥។
អញ្ជើញទទួលស្វាគមន៍សម្តេចតេជោនាយករដ្ឋមន្ត្រី និងគណៈប្រតិភូ នៅព្រលានយន្តហោះ មានវត្តមាន ឯកឧត្តម ឡាន ទៀនលី (Lan Tianli) ប្រធានគណៈកម្មាធិការសន្និសីទពិគ្រោះយោបល់នយោបាយប្រជាជនចិនតំបន់ស្វយ័តជនជាតិ ក្វាងស៊ី ឯកឧត្តម Xiong Bo ឯកអគ្គរដ្ឋទូតចិន ប្រចាំកម្ពុជា និងមន្ត្រីស្ថានទូតកម្ពុជា ប្រចាំប្រទេសចិនជាច្រើនរូប។
