ព្រះមហាក្សត្រ និងព្រះមហាក្សត្រី យាងមកដល់មាតុប្រទេសវិញដោយសុវត្ថិភាព ក្រោយពីយាងទៅពិនិត្យព្រះរាជសុខភាពនៅប្រទេសចិន

Photo: Kok Ky

1 of 17

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តម មុនិនាថ សីហនុ ព្រះវរមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ស្តេចយាងត្រឡប់មកដល់មាតុប្រទេសដោយសុវត្ថិភាព នារសៀលថ្ងៃទី០៤ ខែតុលាឆ្នាំ២០១៧ បន្ទាប់ពីព្រះអង្គយាងទៅពិនិត្យព្រះរាជសុខភាពនៅសាធារណរដ្ឋប្រជាមានិតចិន។

យាង និងអញ្ជើញទទួលព្រះរាជដំណើរយាងត្រឡប់មកវិញ នៅឯព្រលានយន្តហោះអន្តរជាតិ ភ្នំពេញ មានព្រះរាជវត្តមាន និងវត្តមានសម្តេចអគ្គមហាពញាចក្រី ហេង សំរិន ប្រធានរដ្ឋស ភា សម្តេចវិបុលសេនាភក្តីសាយ ឈុំ ប្រធានព្រឹទ្ធសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ព្រមទាំងញាតិវង្សានុវង្ស ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និងឯកអគ្គរដ្ឋទូតចិន ប្រចាំកម្ពុជា។