ព្រះករុណា ព្រះមហាក្សត្រ និងព្រះមហាក្សត្រី ស្តេចយាងវិលត្រឡប់មកដល់មាតុភូមិវិញដោយសុវត្ថិភាព បន្ទាប់ពីបានយាងទៅព្រះរាជពិនិត្យព្រះរាជសុខភាព និងព្យាបាលព្រះរោគ នៅទីក្រុងប៉េកាំង

Photo: Facebook Page of Samdech Kralahom Sar Kheng

1 of 6

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេចក្តីសេរីភាព សេចក្តីថ្លៃថ្នូរ និងសុភមង្គល ស្តេចយាងវិលត្រឡប់មកដល់មាតុប្រទេសវិញដោយសុវត្ថិភាព នារសៀលថ្ងៃទី០៩ ខែតុលា ឆ្នាំ២០១៨ បន្ទាប់ពីបាន យាងទៅព្រះរាជពិនិត្យ និងព្យាបាលព្រះរោគ នៅទីក្រុងប៉េកាំង ប្រទេសចិន កន្លងមក ។

យាង និងអញ្ជើញទទួលព្រះរាជដំណើរយាងមកដល់មាតុប្រទេស នៅឯព្រលានយន្តហោះអន្តរជាតិភ្នំពេញ មានវត្តមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេច ក្រឡាហោម ស ខេង នាយករដ្ឋមន្រ្តីស្តីទី ព្រមទាំងព្រះញ្ញាតិវង្សានុវង្ស និងថ្នាក់ដឹកនាំកំពូលៗជាច្រើនរូបទៀត ។