កីឡាករ សុខ លឹមហេង និស្សិតឆ្នាំទី១ អាយុ១៩ឆ្នាំ នៃវិទ្យាស្ថានវ៉ាន់ដាគណនេយ្យ បានក្លាយជាជើងឯក អុកចត្រង្គ អង្គរសង្ក្រាន្ដឆ្នាំ២០១៨ បន្ទាប់ពីយកឈ្នះដោយបច្ចេកទេស លើកីឡាករ ឈាវ បូរ៉ា អតីតស្តេចអុក២ជំនាន់ ចំណែក លេខ៣ បានទៅលើកីឡាករ ធីម ឌីណា ដោយបានយកឈ្នះកីឡាករ ស៊ីវ ស៊ីន ក្នុងការប្រកួតផ្តាច់ព្រ័ត នាព្រឹកថ្ងៃទី១៦ ខែមេសា ឆ្នាំ២០១៨នេះ នៅខាងមុខបរិវេណប្រាសាទអង្គរវត្ត។
ក្នុងការប្រកួតនេះ មានការចូលរួមជាអធិបតី ពីសំណាក់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធាន គណៈកម្មាធិការជាតិអូឡាំពិកកម្ពុជា ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងឯកឧត្តម ឃឹម ប៊ុនសុង អភិបាល នៃគណៈអភិបាលខេត្តសៀមរាប។
រូបថត៖ ថាច់ ផាណារ៉ុង
