សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា រាជរដ្ឋាភិបាលសូមធានាជូននូវអ្វីដែលប្រជាពលរដ្ឋចង់បានទាំង ៤ចំណុច៖
ទី១-អធិបតេយ្យភាព
ទី២-ការពារទឹកដី
ទី៣-ការអភវិឌ្ឍនៅតំបន់ឦសាន និងទូទាំងប្រទេស
ទី៤-ការថែរក្សាស្ថិរភាព សន្តិភាព និងជំរុញសេដ្ឋកិច្ចរបស់យើង
សម្តេចធិបតី ហ៊ុន ម៉ាណែត បានថ្លែងបន្តថា រាជរដ្ឋាភិបាលខំប្រឹងធ្វើយ៉ាងណាដើម្បីឱ្យប្រជាពលរដ្ឋនៅគ្រប់កន្លែងទាំងអស់មានចីរភាពនៃស្ថិរភាពសង្គម ដើម្បីរស់នៅបានសេចក្តីសុខកុំឱ្យបែកបាក់គ្នា កុំឱ្យឈ្លោះគ្នា។
សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសដែលសម្តេចអញ្ជើញជាអធិបតី «សំណេះសំណាលជាមួយអាចារ្យ អាចារិនីទូទាំងប្រទេសលើកទី៩ ចំនួន១០០០ នាក់» នៅព្រឹកថ្ងៃទី១៥ ខែសីហា ឆ្នាំ២០២៤៕
