#PRU #cambodia – PRU I អង្គភាពព័ត៌មាន និងប្រតិកម្មរហ័ស

សន្និសីទសារព័ត៌មានស្តីពី«ករណីប្រមាថព្រះមហាក្សត្រ»

Sam Ros — Thu, 19 Sep 2019 10:07:23 +0000

អង្គភាពអ្នកនាំពាក្យរាជរដ្ឋាភិបាលរៀបចំសន្និសីទសារព័ត៌មានស្តីពី«ករណីប្រមាថព្រះមហាក្សត្រ»

ឯកឧត្តមកិត្តិនីតិកោសលបណ្ឌិតឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ទទួលជួបសម្តែងការគួរសមជាមួយឯកអគ្គរាជទូតម៉ាឡេស៊ីប្រចាំកម្ពុជា

Sam Ros — Wed, 12 Jun 2019 10:19:27 +0000

នៅទីស្តីការគណៈរដ្ឋមន្ត្រី ព្រឹកថ្ងៃទី១២ ខែមិថុនា ឆ្នាំ២០១៩នេះ ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលជួបសម្តែងការគួរសមជាមួយ ឯកឧត្តម Eldeen Husaini BIN MOHD HASHIM ឯកអគ្គរាជទូតនៃប្រទេសម៉ាឡេស៊ី ប្រចាំព្រះរាជាណាចក្រកម្ពុជា។

ក្នុងជំនួបនោះ ឯកឧត្តម Eldeen Husaini BIN MOHD HASHIM បានជម្រាបជូនឯកឧត្តមកិត្តិនីតិកោសលបណ្ឌិត ឧបនាយករដ្ឋមន្ត្រីប្រចាំការ ថា ឯកឧត្តម ពិតជាមានកិត្តិយសណាស់ដែលបានមកបំពេញបេសកកម្មនៅក្នុងប្រទេសកម្ពុជា ដើម្បីលើកកម្ពស់កិច្ចទំនាក់ទំនងទ្វេភាគីរវាងប្រទេសទាំងពីរ កម្ពុជា‑ ម៉ាឡេស៊ី រួមទាំងទំនាក់ទំនងរវាងប្រជាជន និងប្រជាជនឱ្យកាន់តែប្រសើរឡើង។ ឯកឧត្តមសន្យាថា នឹងបង្កើនកិច្ចសហប្រតិបត្តិការឱ្យកាន់តែមានភាពរឹងមាំបន្ថែមទៀត ជាមួយនឹងថ្នាក់ដឹកនាំ និងបណ្តាក្រសួង ស្ថាប័ននានានៃរាជរដ្ឋាភិបាលកម្ពុជា រួមទាំងវិស័យឯកជនជាដើម។

ជាការឆ្លើយតប ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានសម្តែងនូវការអបអសាទរ និងស្វាគមន៍ឯកឧត្តម Eldeen Husaini BIN MOHD HASHIM ឯកអគ្គរាជទូតម៉ាឡេស៊ីដែលទើបនឹងទទួលបានការតែងតាំងជាឯកអគ្គរាជទូតម៉ាឡេស៊ីប្រចាំព្រះរាជាណាចក្រកម្ពុជា។ កម្ពុជា និងម៉ាឡេស៊ី គឺជាប្រទេសដែលមានទំនាក់ទំនងចំណងការទូតល្អនឹងគ្នាតាំងពីយូរលុងណាស់មកហើយ គឺតាំងពីអំឡុងឆ្នាំ១៩៥៧មកម៉្លេះ ប្រទេសទាំងពីរមិនធ្លាប់មានភាពសៅហ្មងអ្វីនឹងគ្នាទេ គឺមានតែទំនាក់ទំនងល្អប្រសើរ រហូតដល់បច្ចុប្បន្ន ហើយសង្ឃឹមថា ឯកឧត្តមឯកអគ្គរាជទូតនឹងមានភាពងាយស្រួលក្នុងការបំពេញការងាររបស់ខ្លួន នៅព្រះរាជាណាចក្រកម្ពុជា ។

ឯកឧត្តមឧបនាយករដ្ឋមន្ត្រីបានបន្ថែមថា តាំងពីការបោះឆ្នោតនៅកម្ពុជាឆ្នាំ១៩៩៣មក ប្រទេសម៉ាឡេស៊ី ក៏ចាប់ផ្តើមបន្តទំនាក់ទំនងការទូតឡើងវិញ ហើយក៏បាននាំមកនូវអ្នកវិនិយោគគិនជាច្រើននៅកម្ពុជាតាំងពីអំឡុងឆ្នាំ២០០០មក និងនៅឆ្នាំ២០០៧ ទុនវិយោគផ្ទាល់ (FDI)របស់ប្រទេសម៉ាឡេស៊ីនៅកម្ពុជា បានជាប់ចំណាត់ថ្នាក់លេខ១ដែលមានទំហំទឹកប្រាក់រហូតដល់៦០០លានដុល្លារអាម៉េរិក។

ឯកឧត្តមឧបនាយករដ្ឋមន្ត្រីប្រចាំការ ប៊ិន ឈិន ក៏បានឯកភាពផងដែរជាមួយឯកឧត្តមអគ្គរាជទូតម៉ាឡេស៊ីថ្មី ដែលមានគោលបំណងពង្រឹងកិច្ចសហប្រតិបត្តិការឱ្យកាន់តែមានការរីកចម្រើនថែមទៀត ជាពិសេសលើវិស័យវិនិយោគ ការផ្លាស់ប្តូរទស្សនកិច្ច ដកបទពិសោធការងាររវាងមន្ត្រីរដ្ឋាភិបាលនៃប្រទេសទាំងពីរ ក៏ដូចជាគោលបំណងដែលនឹងបង្កើនទំនាក់ទំនងរវាងរដ្ឋសភា ព្រឹទ្ធសភានៃប្រទេសទាំងពីរឱ្យកាន់តែរីកចម្រើនឡើងថែមទៀត។

ឯឧត្តមអគ្គរាជទូតម៉ាឡេស៊ីថ្មី ក៏បានជម្រាបឯកឧត្តមឧបនាយករដ្ឋមន្ត្រីផងដែរ អំពីដំណើរទស្សនកិច្ចផ្លូវការរបស់ឯកឧត្តមបណ្ឌិត Tun Dr Mahathir Mohamad (មហាធា មហាម៉ាត់ ) នាយករដ្ឋមន្ត្រីប្រទេសម៉ាឡេស៊ី នៅខែកញ្ញាខាងមុខ ដែលថ្នាក់ដឹកនាំនៃប្រទេសទាំងពីរ កម្ពុជា‑ម៉ាឡេស៊ី នឹងមានជំនួបពិភាក្សាទ្វេភាគី ដើម្បីជំរុញទំនាក់ទំនងបន្ថែមទៀត ក៏ដូចជាជំរុញកិច្ចព្រមព្រៀងពាណិជ្ជកម្ម និងកិច្ចព្រមព្រៀងអនុស្សារណៈយោគយល់គ្នាមួយចំនួនផង។

ឯកឧត្តមកិត្តិនីតិកោសលបណ្ឌិត ឧបនាយករដ្ឋមន្ត្រីប្រចាំការ ប៊ិន ឈិន ក៏បានជូនពរ ឯកអគ្គរាជទូតម៉ាឡេស៊ីថ្មី សូមទទួលបានជោគជ័យលើការបំពេញភារកិច្ចរបស់ខ្លួននៅក្នុងប្រទេសកម្ពុជាផងដែរ៕

អត្ថបទ៖ អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី

ឯកឧត្តមឧបនាយករដ្ឋមន្ត្រី ប៊ិន ឈិន អញ្ជើញជាអធិបតី ក្នុងពិធីបូកសរុបលទ្ធផលការងារប្រចាំឆ្នាំ២០១៨ និងលើកទិសដៅ សម្រាប់អនុវត្តបន្តឆ្នាំ២០១៩ របស់ក្រុមប្រឹក្សាអ្នកច្បាប់

Sam Ros — Mon, 25 Feb 2019 11:05:07 +0000

នៅទីស្តីការគណៈរដ្ឋមន្ត្រី នាល្ងាចថ្ងៃទី២២ ខែកុម្ភៈ ឆ្នាំ២០១៩ លោកកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានក្រុមប្រឹក្សាអ្នកច្បាប់ បានអញ្ជើញជាអធិបតីដ៏ខ្ពង់ខ្ពស់ ក្នុងពិធីបូកសរុបលទ្ធផលការងារប្រចាំឆ្នាំ២០១៨ និងលើកទិសដៅសម្រាប់អនុវត្តបន្តឆ្នាំ២០១៩ របស់ក្រុមប្រឹក្សាអ្នកច្បាប់។

កម្ពុជាកំពុងកែសម្រួលព្រលានយន្តហោះអន្តរជាតិ ត្រៀមទទួលកិច្ចប្រជុំអន្តរជាតិធំៗចំនួនពីរនាពេលខាងមុខ

Sam Ros — Wed, 13 Feb 2019 03:22:36 +0000

កាលពីរសៀលថ្ងៃទី១២ ខែកុម្ភៈ ឆ្នាំ២០១៩ នៅទីស្តីការគណៈរដ្ឋមន្ត្រី មានរៀបចំកិច្ចប្រជុំគណៈកម្មការតាមដាន និងត្រួតពិនិត្យការសាងសង់អាកាសយានដ្ឋានអន្តរជាតិទាំងអស់នៅកម្ពុជា ជាមួយនឹងក្រុមហ៊ុនសម្បទានបារាំង SCA ក្រោមអធិបតីភាពឯកឧត្តម តឹករ៉េត សំរេច រដ្ឋលេខាធិការទីស្តីការគណៈរដ្ឋមន្ត្រី និងជាប្រធានគណៈកម្មការ ដោយមានវត្តមានចូលរួមពីឯកឧត្តមបណ្ឌិតសភាចារ្យ ហ៊ីង ថូរ៉ាស៊ី រដ្ឋលេខាធិការប្រចាំការទីស្តីការគណៈរដ្ឋមន្ត្រី ឯកឧត្តម ងី តាយី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ឯកឧត្តម សរ សុវណ្ណ រដ្ឋលេខាធិការក្រសួងរៀបចំដែនដី នគររូបនីយកម្ម និងសំណង់ ឯកឧត្តម សុខុម ភគវន្តមុនី រដ្ឋលេខាធិការក្រសួងសាធារណៈការ និងដឹកជញ្ជូន ឯកឧត្តម ជា អូន រដ្ឋលេខាធិការដ្ឋានអាកាសចរណ៍ស៊ីវិល និងឯកឧត្តម លោកជំទាវ លោក លោកស្រី តំណាងក្រសួងស្ថាប័នពាក់ព័ន្ធមួយចំនួនទៀតផងដែរ។

កិច្ចប្រជុំនេះផ្តោតលើប្រធានបទសំខាន់ៗចំនួន៣។ ទីមួយ យោងតាមអនុសាសន៍ណែនាំដ៏ខ្ពង់ខ្ពស់របស់សម្តេច

អគ្គមហាសេនាបតីតេជោនាយករដ្ឋមន្ត្រី ក្រុមហ៊ុន SCA បាននិងកំពុងរៀបចំចំណតយន្តហោះថ្មីមួយកន្លែង នៅព្រលានយន្តហោះអន្តរជាតិភ្នំពេញ អោយរួចរាល់ក្នុងខែមិថុនា ឆ្នាំ២០១៩ ដែលនឹងអាចទទួលអោយយន្តហោះប្រភេទ Code C (Airbus 320, Airbus 321) ចំនួន១២គ្រឿងចតបាន ដើម្បីត្រៀមលក្ខណ:សម្រាប់ទទួលយន្តហោះថ្នាក់ដឹកនាំនានាដែលអញ្ជើញមកចូលរួមកិច្ចប្រជុំអាស៊ី-អឺរ៉ុប នៅឆ្នាំ២០២០ ខាងមុខនេះ។ ទន្ទឹមនឹងនេះដែរ

ក្រុមហ៊ុន SCA បាននិងកំពុងពង្រីកបន្ថែមផ្លូវរត់យន្តហោះ ពី២៥០០ម ទៅ៣៣០០ម នៅព្រលានយន្តហោះអន្តរជាតិខេត្តព្រះសីហនុ អោយបានរួចរាល់ទាន់ពេលសម្រាប់ទទួលយន្តហោះថ្នាក់ដឹកនាំនានាដែលអញ្ជើញមកចូលរួមកិច្ចប្រជុំកំពូលអាស៊ាននៅកម្ពុជា នៅចុងឆ្នាំ២០២២ ខាងមុខនេះ និងដើម្បីអោយយន្តហោះខ្នាតធំប្រភេទ Code E ដូចជា Boeing 777 អាចចុះចតបានផងដែរ ក្នុងគោលដៅបង្កើភ្ញៀវទេសចរមកកាន់កម្ពុជា។ សូមបញ្ជាក់ថា គម្រោងទាំងពីរនេះត្រូវបានយកមកជជែកពិភាក្សាអំពីផែនការថវិការបស់ក្រុមហ៊ុន SCA សម្រាប់ឆ្នាំ២០១៩នេះ សម្រាប់ព្រលានយន្តហោះអន្តរជាតិទាំង៣នៅកម្ពុជាបច្ចុប្បន្ន៖ ភ្នំពេញ សៀមរាប និងព្រះសីហនុ។

ទី២. ចំពោះការគ្រប់គ្រងទូទៅនៅព្រលានអន្តរជាតិភ្នំពេញ ដែលកន្លងមកមានការរិះគន់ពីថ្នាក់ដឹកនាំរដ្ឋាភិបាល និងប្រជាពលរដ្ឋមួយចំនួន ពាក់ព័ន្ធនឹងប្រព័ន្ធបង់ប្រាក់សម្រាប់ចំណតយានជំនិះនៅក្នុងព្រលាន។

ចំពោះករណីនេះ ក្រុមហ៊ុនបានពន្យល់ថា ដោយយោងលើកំណើននៃអ្នកប្រើប្រាស់ចំណត នៅក្នុងអាកាសយានដ្ឋានអន្តរជាតិភ្នំពេញ ក្រុមហ៊ុនសម្រេចដាក់ឱ្យប្រើប្រាស់ប្រព័ន្ធបង់ថ្លៃចំណតថ្មីនេះ ដើម្បី បញ្ជៀសការកកស្ទះនៅក្នុងអាកាសយាដ្ឋាន និងផ្តល់សេវាកាន់តែប្រសើរជាងមុនដល់អ្នកប្រើប្រាស់។ ក្នុង ករណីនេះ ក្រុមហ៊ុនបានផ្សព្វផ្សាយពីរបៀបប្រើប្រាស់ប្រព័ន្ធបង់ថ្លៃចំណតថ្មីនេះរួចរាល់ហើយ និងដាក់ឱ្យប្រើប្រាស់កាតសម្រាប់ទូទាត់ថ្លៃចំណតដើម្បីសម្រួលដល់ការបង់ថ្លៃចំណតថ្មីនេះផងដែរ។ គណ:កម្មការ និងក្រុមហ៊ុនបានឯកភាពគ្នាអោយក្រុមហ៊ុនបង្កើនការផ្សព្វផ្សាយព័ត៌មានអោយបានទូលំទូលាយ ជូនសាធារណ:ជនជ្រាប និងធ្វើអោយប្រព័ន្ធបង់ប្រាក់មានលក្ខណ:កាន់តែងាយស្រួល និងប្រសើរឡើង ដើម្បីសម្រួលដល់ការចេញចូលរបស់សាធារណ:ជន។

ទី៣ គណ:កម្មការនឹងចុះទៅពិនិត្យខ្លោងទ្វារច្រកចូល VIP របស់ព្រលានយន្តហោះអន្តរជាតិភ្នំពេញបច្ចុប្បន្នដែលបានសាងសង់រួចរាល់ និងរៀបចំកម្មវិធីសម្រាប់ការប្រគល់-ទទួលខ្លោងទ្វារនេះ ជាមួយភាគីពាក់ព័ន្ធ នាពេលឆាប់ៗខាងមុខនេះ៕

ជំនួបរវាងឯកឧត្តមកិត្តិនីតិកោសលបណ្ឌិត ប៊ិន ឈិន ជាមួយឯកឧត្តមឯកអគ្គរដ្ឋទូតចិនប្រចាំកម្ពុជា

Sam Ros — Thu, 31 Jan 2019 08:14:31 +0000

ឯកឧត្តមកិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី បានអនុញ្ញាតឱ្យ ឯកឧត្តមឯកអគ្គរដ្ឋទូត វ៉ាង វិនធាន (Wang Wentian) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា

ជំនួបរវាងឯកឧត្តមកិត្តិនីតិកោសលបណ្ឌិត ប៊ិន ឈិន ជាមួយឯកឧត្តមឯកអគ្គរដ្ឋទូតចិនប្រចាំកម្ពុជា

Press OCM — Wed, 30 Jan 2019 11:21:41 +0000

ឯកឧត្តម ឯក ថា អ្នកនាំពាក្យទីស្តីការគណៈរដ្ឋមន្រ្តី បានមានប្រសាសន៍ប្រាប់អ្នកយកព័ត៌មានក្រោយពីជំនួបនោះថា ឯកអគ្គរដ្ឋទូតចិន បានមានប្រសាសន៍ថា ប្រទេសកម្ពុជា និងចិន មានទំនាក់ទំនងគ្នាល្អណាស់តាមបែបប្រពៃណី ក៏ដូចជាការទូត។ ប្រជាជនប្រទេសទាំងពីរមានទំនុកចិត្តគ្នាល្អណាស់ ព្រមទាំងមានកិច្ចសហប្រតិបត្តិការជាក់ស្ដែងលើគ្រប់វិស័យ ថែមទាំងមានការរីកចម្រើនដ៏ខ្លាំងទៀតផង។

ឯកឧត្តមកិត្តិនីតិកោសលបណ្ឌិត ប៊ិន ឈិន បានមានប្រសាសន៍ថា ប្រទេសទាំងពីរមានប្រពៃណីទំនាក់ទំនងជាមួយគ្នាយូរលង់ណាស់មកហើយតាំងពីសម័យអង្គរ ក្រោយមកទៀតព្រះករុណា ព្រះបាទសម្តេច ព្រះនរោត្តម សីហនុ “ព្រះបរមរតនកោដ្ឋ” បានកសាងទំនាក់ទំនងការទូតដ៏រឹងមាំជាមួយនឹងថ្នាក់ដឹកនាំចិន ហើយរហូតមកដល់ពេលបច្ចុប្បន្ននេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានបន្តទំនាក់ទំនងការទូតដ៏ល្អប្រពៃនេះ ដែលប្រទេសទាំងពីរទើបតែបានប្រារព្ធខួបទំនាក់ទំនងការទូតលើកទី៦០របស់ខ្លួន។ ឯកឧត្តម ប៊ិន ឈិន ក៏បានជម្រាបជូនឯកឧត្តមឯកអគ្គរដ្ឋទូតចិនថា សាធារណរដ្ឋប្រជាមានិតចិន បាននិងកំពុងជួយជាក់ស្ដែងសម្រាប់ការអភិវឌ្ឍន៍នៅកម្ពុជា ផ្នែកហេដ្ឋានរចនាសម្ព័ន្ធរឹង ក៏ដូចជាវិស័យផ្សេងៗទៀត ដោយសារតែមានកិច្ចសហប្រតិបត្តិការល្អ របស់ថ្នាក់ដឹកនាំនៃប្រទេសទាំងពីរនេះ។

ជាការឆ្លើយតបឯកអគ្គរដ្ឋទូតចិន បានវាយតម្លៃខ្ពស់ទៅលើទំនាក់ទំនងជាប្រពៃណី និងការទូតដ៏ល្អ របស់ប្រទេសទាំងពីរ បន្សល់ទុកដោយព្រះបរមរតនកោដ្ឋ និងថ្នាក់ដឹកនាំចិនមុនៗ ដែលជានិម្មិតរូបដ៏រឹងមាំនៃប្រទេសទាំងពីរហើយសម្តេចតេជោនាយករដ្ឋមន្រ្តី ជាមិត្តដែកថែបរបស់ចិន បានបន្តទំនាក់ទំនងនិងកិច្ចសហប្រតិបត្តិការ ដ៏ល្អនេះដើម្បីការអភិវឌ្ឍន៍ និងផលប្រយោជន៍របស់ប្រជាជន និងប្រទេសទាំងពីរ។

បើទោះបីទើបតែចាប់ផ្តើមការងារក្នុងរយៈពេល ២ខែតែប៉ុណ្ណោះ ក៏ប៉ុន្តែឯកអគ្គរដ្ឋទូតចិន មានការពេញចិត្ត និងបានចូលរួមនៅក្នុងកម្មវិធីសំខាន់ៗដូចជាខួបលើកទី៦០ នៃទំនាក់ទំនងការទូតកម្ពុជា-ចិន ការចូលរួមសម្ពោធវិមានឈ្នះ ឈ្នះ ក៏ដូចជាចូលរួមខួបលើកទី២០ នៃការបង្កើតកងទ័ពជើងគោក នៃកងយោពលខេមរភូមិន្ទ និងកិច្ចប្រជុំផ្សេងៗទៀត។

ឯកអគ្គរដ្ឋទូតចិន ក៏បានមានប្រសាសន៍ផងដែរថា ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន ប្រទេសកម្ពុជា នឹងមានការរីកចម្រើនកាន់តែខ្លាំងនាពេលអនាគត ព្រមទាំងមានការគាំទ្រពីប្រជាជនកម្ពុជាកាន់តែមានសន្ទុះខ្លាំងបន្ថែមទៀត។ កំណើនសេដ្ឋកិច្ចកម្ពុជាមាន៧% ដែលជាកំណើនដ៏លេចធ្លោមួយ នៅក្នុងពិភពលោក។ ឯកអគ្គរដ្ឋទូតចិន ក៏បានលើកសសើរកម្ពុជា ដែលបានរៀបចំកិច្ចប្រជុំធំៗទទួលបានជោគជ័យ ដូចជា វេទិកាសភាអាស៊ី-ប៉ាស៊ីហ្វិក លើកទី២៧ និងកិច្ចប្រជុំ នៃការបើកប្រកាសក្រុមប្រឹក្សាវប្បធម៌អាស៊ីជាផ្លូវការ នៅខេត្តសៀមរាបនាពេលថ្មីៗកន្លងទៅនេះ៕

អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បើកវគ្គបណ្តុះបណ្តាល ចំណេះដឹងជាមូលដ្ឋាន វិជ្ជាជីវៈមន្ត្រីអ្នកនាំពាក្យស្ថាប័នរដ្ឋ

Sam Ros — Wed, 02 May 2018 10:23:31 +0000

អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បើកវគ្គបណ្តុះបណ្តាល ចំណេះដឹងជាមូលដ្ឋាន វិជ្ជាជីវៈមន្ត្រីអ្នកនាំពាក្យស្ថាប័នរដ្ឋ

ឯកឧត្តម ប៊ិន ឈិន ឧបនាយករដ្ឋមន្រ្តីប្រចាំការ រដ្ឋមន្រ្តីស្តីទីទទួលបន្ទុកទីស្តីការគណៈរដ្ឋមន្រ្តី អញ្ជើញសម្ពោធដាក់ឱ្យប្រើប្រាស់ជាផ្លូវការសារមន្ទីរធម្មជាតិសកលសម្តេចតេជោ ហ៊ុន សែន ព្រះវិហារ

Sam Ros — Tue, 20 Mar 2018 08:02:55 +0000

ឯកឧត្តមឧបនាយករដ្ឋមន្រ្តីប្រចាំការ ប៊ិន ឈិន រដ្ឋមន្រ្តីស្តីទីទទួលបន្ទុកទីស្តីការគណៈរដ្ឋមន្រ្តី តំណាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា

ជំនួបទ្វេភាគីរវាងនាយករដ្ឋមន្រ្តី កម្ពុជា-អូស្រ្តាលី បង្ហាញឱ្យឃើញនូវកិច្ចសហប្រតិបត្តិការកាន់តែល្អប្រសើរនៃទំនាក់ទំនងប្រទេសទាំង២

Sam Ros — Fri, 16 Mar 2018 08:06:59 +0000

នៅមុនកិច្ចប្រជុំពិសេសអាស៊ាន-អូស្ត្រាលី ក៏មានជំនួបទ្វេរភាគីផ្លូវការរវាងសម្តេចតេជោ ហ៊ុន សែន ជាមួយឯកឧត្តម ម៉ាល់កុម ធឺនប៊ុល (Malcolm Turnbull ) នាយករដ្ឋមន្ត្រី នៃប្រទេសអូស្ត្រាលី។ ឯកឧត្តមនាយករដ្ឋមន្ត្រីអូស្ត្រាលីបានស្វាគមន៍សម្តេចតេជោ ដែលបានអញ្ជើញមកចូលរួមកិច្ចប្រជុំកំពូលពិសេសអាស៊ាន-អូស្ត្រាលី នេះ។ នេះបើតាមការគូសបញ្ជាក់របស់ឯកឧត្តម កៅ គឹមហួន រដ្ឋមន្រ្តីប្រតិភូអមនាយករដ្ឋមន្រ្តី នៅថ្ងៃទី១៦ ខែមិនា ឆ្នាំ២០១៨ បន្ទាប់ពីជំនួបបានបញ្ចប់។

ឯកឧត្តមនាយករដ្ឋមន្ត្រី នៃប្រទេសអូស្ត្រាលីបានគូសបញ្ជាក់ប្រាប់សម្តេចតេជោថា ឯកឧត្តមពិតជាស្វាគមន៍នូវវត្តមានរបស់សម្តេចមកកាន់ប្រទេសអូស្ត្រាលីដើម្បីចូលរួមកិច្ចប្រជុំកំពូលពិសេសអាស៊ាន-អូស្ត្រាលីហើយ ប្រទេសអូស្ត្រាលីមានឆន្ទៈក្នុងការបន្តការគាំទ្រដល់ការអភិវឌ្ឍន៍នៅប្រទេសកម្ពុជា។ ឯកឧត្តមបានបញ្ជាក់ថា ប្រទេសអូស្ត្រាលី នឹងផ្តល់ជំនួយ ដើម្បីអភិវឌ្ឍប្រទេសកម្ពុជា ក្នុងទឹកប្រាក់ប្រមាណ ៨៧លានដុល្លាអូស្ត្រាលី សម្រាប់ឆ្នាំនេះ(២០១៨)។

ឯកឧត្តមនាយករដ្ឋមន្ត្រីអូស្ត្រាលី ក៏បានគាំទ្រនូវគោលជំហររបស់សម្តេចតេជោនាយករដ្ឋមន្ត្រី ក៏ដូចជាគោលជំហររបស់រាជរដ្ឋាភិបាលកម្ពុជា ពាក់ព័ន្ធនឹងការប្រឆាំង ទៅនិងការដាក់ទណ្ឌកម្មកូរ៉េខាងជើងកន្លងមកនេះ ដែលនេះ ជាការងារដែលមានលក្ខណៈជាសកល មានការចូលរួមពីគ្រប់បណ្តាប្រទេស ជាពិសេសប្រទេសចិនបានដើរតួនាទីសំខាន់ក្នុងបញ្ហានេះ។ ឯកឧត្តម នាយករដ្ឋមន្ត្រីអូស្ត្រាលី ចង់ឃើញការវិនិយោគពីអូស្រ្តាលីទៅកម្ពុជា កាន់តែច្រើនជាងពេលបច្ចុប្បន្ននេះ។ នៅក្នុងជំនួបនេះនាយករដ្ឋមន្ត្រីអូស្រ្តាលីបានលើកឡើងថា អាស៊ានជាតំបន់មួយដែលមានលក្ខណៈទន់ភ្លន់ និងមានការរីកចម្រើន។ ឯកឧត្តមចង់ឃើញអូស្ត្រាលី និងអាស៊ាន មានទំនាក់ទំនងគ្នាកាន់តែជិតស្និទ លើកិច្ចសហប្រតិបត្តិការ និងភាពជាដៃគូរយុទ្ធសាស្ត្ររវាងអាស៊ាន-អូស្ត្រាលី ដែលមានសារសំខាន់ណាស់សម្រាប់សន្តិភាព និងស្ថេរភាពក្នុងតំបន់។

ជាការឆ្លើយតប សម្តេចតេជោនាយករដ្ឋមន្ត្រី ក៏បានថ្លែងអំណរគុណដល់ឯកឧត្តមនាយករដ្ឋមន្ត្រីអូស្រ្តាលី ដែលបានអញ្ជើញសម្តេចផ្ទាល់ រួមជាមួយគណប្រតិភូរកម្ពុជា។ សម្តេចក៏បានថ្លែងអំណរគុណដល់ប្រទេសអូស្រ្តាលី ដែលបានផ្តល់ជំនួយដល់កម្ពុជាក្នុងទឹកប្រាក់ ៨៧លានដុល្លាអូស្រ្តាលី។ សម្តេចក៏បានអរគុណអូស្ត្រាលី ដែលបានគាំទ្រជំហរកម្ពុជាពាក់ព័ន្ធនឹងរឿងកូរ៉េខាងជើង។ កន្លងមកកូរ៉េខាងជើងចង់ប្រើប្រាស់ប្រទេសកម្ពុជា ដោយបានបញ្ជូនថ្នាក់ដឹកនាំ ក៏ដូចជាមន្ត្រីការបរទេសកូរ៉េខាងជើងមកទស្សនកិច្ចនៅកម្ពុជា។ ប៉ុន្តែសំណើររបស់កូរ៉េខាងជើងត្រូវបានបដិសេធដោយរាជរដ្ឋាភិបាលប្រទេសកម្ពុជា សម្តេចមិនចង់ឃើញទស្សនៈកិច្ចមកកម្ពុជាដើម្បីបញ្ចប់ភាពឯកោររបស់កូរ៉េខាងជើងនោះទេ។

សម្តេចក៏បានថ្លែងអំណរគុណដល់អូស្ត្រាលីដែលបញ្ជូនអ្នកសង្កេតការណ៍២៦នាក់មកកម្ពុជា កាលពីឆ្នាំទៅ ដើម្បចូលរួមអង្កេតការបោះឆ្នោតក្រុមប្រឹក្សាឃុំ-សង្កាត់។ ក្នុងនោះសម្តេចក៏បានស្វាគមន៍អ្នកសង្កេតការណ៍ ពីអូស្ត្រាលីសម្រាប់ការបោះឆ្នោតខែ៧ខាងមុខនេះនៅកម្ពុជា។ សម្តេចក៏បានលើកពីការរួមចំណែករបស់ប្រទេសអូស្រ្តាលីនៅកម្ពុជា ជាពិសេស អ្វីដែលអូស្រ្តាលីបានបន្សល់គឺការស្រាវជ្រាវអំពីស្រូវអង្ករ ដែលធ្វើឱ្យកម្ពុជាធ្លាប់ជាប់ជាអង្ករលេខ១ទូទាំងពិភពលោក ក្នុងរយៈពេល៣ឆ្នាំជាប់គ្នា។ សម្តេចក៏បានថ្លែងអំណរគុណដល់អូស្រា្តលី ជាពិសេសគឺរដ្ឋាភិបាលអូស្រា្តលី ដែលកន្លងមកតែងបានផ្តល់ជំនួយក្នុងការដោះមីន និងយុទ្ធភ័ណ្ឌមិនទាន់ផ្ទុះ។ សម្តេចបានអំពាវនាវដល់អូស្រា្តលីឱ្យបន្តការគាំទ្រអាស៊ាន និងផ្តល់ជំនួយដល់មជ្ឈមណ្ឌលកំចាត់មីនអាស៊ានក្នុងតំបន់។ នៅកម្ពុជា មជ្ឈមណ្ឌលនេះបានបណ្តុះបណ្តាលនិស្សិតជាច្រើន ទាំងមកពីបណ្តាប្រទេសអាស៊ាន និងបណ្តាប្រទេសក្រៅតំបន់ ក្នុងការដកស្រង់បទពិសោធន៍ក្នុងការដោះមីន។

សម្តេចបានបញ្ជាក់ថា មជ្ឈមណ្ឌលនេះ មិនទាន់បានដំណើរការពេញលេញនៅឡើយទេ។ ដូច្នេះយើងចង់បានការគាំទ្រពីអូស្រ្តាលី និងប្រទេសដទៃទៀត។ ដំណើរការរបស់មជ្ឈមណ្ឌលនេះមិនមែនសម្រាប់តែកម្ពុជា និងអាស៊ានទេ គឺសម្រាប់បណ្តាប្រទេសផ្សេងទៀតក្នុងពិភពលោក។ ពាក់ពន័្ធទៅនឹងការបញ្ជូនទ័ពមួកខៀវក្រោមឆ័ត្រអង្គការសហប្រជាជាតិ សម្តេចបានបញ្ជាក់ថា កម្ពុជាបានបញ្ជូនទ័ពទៅកាន់ប្រទេសមួយចំនួន ដើម្បីចូលរួមថែរក្សាសន្តិភាព។

ឯកឧត្តមនាយករដ្ឋមន្ត្រីអូស្រា្តលី ថាកម្ពុជា និងអូស្រ្តាលីអាចជជែកគ្នា ថាតើ អូស្រ្តាលីអាចជួយទ័ពមួកខៀវកម្ពុជានាពេលអនាគត។

សម្តេចតេជោ នាយករដ្ឋមន្ត្រី ក៏បានគោរពអញ្ជើញនាយករដ្ឋមន្ត្រីអូស្រា្តលីមកធ្វើទស្សនកិច្ចនៅកម្ពុជា ក្នុងពេលវេលាណាមួយសមស្រប។

ពិធីប្រកាសចូលកាន់តំណែង អនុប្រធានទី១ អគ្គលេខាធិការ និងអគ្គលេខាធិការរងនៃអាជ្ញាធរកម្ពុជាគ្រប់គ្រងសកម្មភាពកំចាត់មីន

Manith Im — Tue, 09 Jan 2018 02:40:57 +0000

លោក អុឹម ម៉ានិត

1 of 26

ពិធីប្រកាសចូលកាន់តំណែង អនុប្រធានទី១ អគ្គលេខាធិការ និងអគ្គលេខាធិការរងនៃអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន ដែលប្រព្រឹត្តទៅនៅវិមានមិត្តភាពនៃទីស្តីការគណៈរដ្ឋមន្រ្តី ថ្ងែអង្គារ ៨រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៩ ខែមការា ឆ្នាំ២០១៨

#PRU #cambodia – PRU I អង្គភាព​ព័ត៌មាន​ និងប្រតិកម្មរហ័ស

សន្និសីទសារព័ត៌មានស្តីពី«ករណីប្រមាថព្រះមហាក្សត្រ»

កម្ពុជាកំពុងកែសម្រួលព្រលានយន្តហោះអន្តរជាតិ ត្រៀមទទួលកិច្ចប្រជុំអន្តរជាតិធំៗចំនួនពីរនាពេលខាងមុខ

ជំនួបរវាងឯកឧត្តមកិត្តិនីតិកោសលបណ្ឌិត ប៊ិន ឈិន ជាមួយឯកឧត្តមឯកអគ្គរដ្ឋទូតចិនប្រចាំកម្ពុជា

ជំនួបរវាងឯកឧត្តមកិត្តិនីតិកោសលបណ្ឌិត ប៊ិន ឈិន ជាមួយឯកឧត្តមឯកអគ្គរដ្ឋទូតចិនប្រចាំកម្ពុជា

#PRU #cambodia – PRU I អង្គភាពព័ត៌មាន និងប្រតិកម្មរហ័ស