preah vihear – PRU I អង្គភាពព័ត៌មាន និងប្រតិកម្មរហ័ស

រូបភាពទាក់ទិននឹងបែកចង្កោម

Press OCM — Sun, 01 Jan 2017 03:14:53 +0000

រូបភាពទាក់ទិននឹងបែកចង្កោម , cluster munition

1 of 22

សេចក្តីរាយការណ៍ របស់ Human Rights Watch ស្តីពី Libya

Press OCM — Sun, 01 Jan 2017 03:13:02 +0000

ប្រភព៖ BBC ចុះថ្ងៃទី ១៦ ខែ មេសា ឆ្នាំ ២០១១

គួរឲ្យរន្ធត់ដែល Libya កំពុងប្រើប្រាស់គ្រាប់បែកចង្គោម ជាពិសេសក្នុងតំបន់មានប្រជាជនរស់នៅ។ អាវុធនោះ មានហានិភ័យយ៉ាងខ្លាំងដល់ជនស៊ីវិលទាំងក្នុងពេល វាយប្រហារគឺសារជាតិបង្កគ្រោះថ្នាក់មិនរើសមុខរបស់វា និងនៅពេលក្រោយការវាយប្រហារដោយសារតែ គ្រាប់បែកតូចៗមិនទាន់ផ្ទុះដែលនៅមានគ្រោះថ្នាក់នៅឡើយ។

លោក Steve Goose ជានាយកផ្នែកអាវុធរបស់អង្គការ Human Rights Watch (New York) និយាយថា កងកម្លាំងរដ្ឋាភិបាលស្មោះត្រង់នឹងមេដឹកនាំ Libyaលោក Muammar Gaddafi បាន បាញ់គ្រាប់បែកចង្កោមចូលក្នុងតំបន់មាន ផ្ទះប្រជាពលរដ្ឋក្នុងក្រុងភាគខាងលិច គឺទីក្រុង Misrata ដោយបណ្តាលឲ្យមានហានិភ័យយ៉ាងខ្លាំងដល់ជនស៊ីវិល។

Human Rights Watch បានសង្កេតឃើញថា យ៉ាងតិចណាស់មានគ្រាប់បែកចង្កោមចំនួន ៣ បានផ្ទុះនៅសង្កាត់ el-Shawahda ក្នុងក្រុង Misrata នៅយប់ថ្ងៃ ១៤ ខែមេសា ឆ្នាំ ២០១១។

អ្នកស្រាវជ្រាវបានពិនិត្យមើលសំណល់គ្រាប់បែកចង្កោមតូចៗ ហើយបានជួបសម្ភាសន៍សាក្សីដែល បានដឹងពីការវាយប្រហារគ្រាប់បែកចង្កោម នៅទី តាំងពីរកន្លែងទៀត។

ផ្អែកតាម Human Rights Watch ដែលពិនិត្យមើលគ្រាប់បែកតូច ដែលគ្រាប់នោះបានរកឃើញ ដោយអ្នកសារព័ត៌មានមកពី The New York Times ថាគ្រាប់បែកចង្កោមនោះគឺជាប្រភេទបាញ់ ចេញពីកាំភ្លើងត្បាល់ MAT-120 120 មីល្លីម៉ែត្រ ផលិតនៅអេស្ប៉ាញ ដែលផ្ទុះនៅលំហរួចបាចកូនគ្រាប់ ២១ គ្រាប់លើតំបន់ដ៏ធំមួយ។ វាផ្ទុះពេលដែលវាប៉ះជាមួយវត្ថុមួយទៀត ដោយកូនគ្រាប់ និមួយៗផ្ទុះបែកចេញជាបំណែកតូចៗក្នុងល្បឿនលឿន ដើម្បីវាយប្រហារលើមនុស្ស ហើយ បញ្ចេញកំទេចដែកតូចៗដើម្បីទំលុះចូលក្នុងរថពាលដែក។

ការប្រើប្រាស់អាវុធនេះនៅ Libya ក្នុងក្រុង Misrata គឺជាការប្រើលើកទី ២ ហើយ ចាប់តាំង ពីអនុសញ្ញាស្តីពីគ្រាប់បែកចង្កោមបានចូលជាធរមាន ថ្ងៃទី ១ សីហា ឆ្នាំ ២០១០។ នៅដើមខែនេះថ្ងៃទី ៦ មេសា ២០១១ អង្គការសម្ព័ន្ធគ្រាប់បែកចង្កោម(CMC) បាននិយាយថា ប្រទេសថៃបាន ប្រើគ្រាប់បែកចង្កោម ក្នុងទឹកដីប្រទេសកម្ពុជា ក្នុងពេលមានជម្លោះព្រំដែនមួយក្នុងខែ កុម្ភៈ ឆ្នាំ ២០១១៕

រដ្ឋាភិបាលចក្រភពអង់គ្លេស ថ្កោលទោសថៃ ប្រើប្រាស់សព្វាវុធ គ្រាប់បែក ចង្កោម

Press OCM — Sun, 01 Jan 2017 03:04:36 +0000

ប្រភពៈ សារព័ត៌មាន Asian Correspondent.com ចុះថ្ងៃទី ១៣ ខែ មេសា ឆ្នាំ ២០១១

កាលពីសប្ដាហ៍មុន អង្គការដែលមានគេគោរពដ៏ខ្ពង់ខ្ពស់ឈ្មោះថា អង្គការចម្រុះស្ដីពី សព្វាវុធ គ្រាប់បែកចង្កោម (CMC) បានប្រកាសថា ពួកគេឥឡូវនេះមានភស្ដុតាងល្មមគ្រប់គ្រាន់ ដើម្បីបញ្ជាក់ថា កងទ័ពថៃបានប្រើប្រាស់គ្រាប់បែកចង្កោមប្រឆាំងកម្ពុជា អំឡុងពេលការបាញ់គ្នា ទៅវិញទៅមក កាលពីខែកុម្ភៈ ឆ្នាំ ២០១១ ។

អង្គការ CMC បានសន្និដ្ឋានថា «នេះជាលើកដំបូងនៃការប្រើគ្រាប់បែកចង្កោម ដែលមិន មាន ការប្រើណាមួយនៅក្នុងពិភពលោក ចាប់តាំងពីអនុសញ្ញាស្ដីពីសព្វាវុធគ្រាប់បែកចង្កោមចូល ជាធរមាន នៅឆ្នាំ ២០០៨ ហើយបានក្លាយទៅជាការអនុវត្តច្បាប់ជាអន្តរជាតិ ។ ប្រទេសថៃដែល បាននាំមុខគេក្នុង ការហាមប្រាមជាសកលស្ដីពីគ្រាប់មីនប្រឆាំងមនុស្ស ហើយមិនដឹងខ្លួនថា ខ្លួន (ថៃ) បានប្រើប្រាស់ សព្វាវុធដែលគេហាមឃាត់ដែលសម្លាប់មនុស្សមិនរើសមុខ និងបង្ករបួស ស្នាមដល់ជនស៊ីវិលនៅក្នុង របៀបប្រហាក់ប្រហែលគ្នានេះ» ។

ចាប់តាំងពីពេលនោះមកមានទទ្ប្ហីករណ៍ជាច្រើន ភាគច្រើនចេញមកពីរដ្ឋាភិបាលថៃដឹក នាំដោយនាយករដ្ឋមន្ត្រី Abhisit និងអ្នកគាំទ្ររបស់ពួកគេពិភាក្សាទៅលើអត្ថន័យនៃភាសាថា តើ គ្រាប់បែកចង្កោមដែលបានប្រើប្រាស់នោះអាចត្រូវបានគេឲ្យឈ្មោះថា ជាគ្រាប់បែកចង្កោម ឬ អត់។ រឿងនេះអាចត្រូវបានគេបដិសេធដោយងាយ ដែលជាការបិទបាំងដោយចេតនាគិតទុកជាមុន។

នៅក្នុងពេលប៉ុន្មានថ្ងៃកន្លងមកនេះ ខ្ញុំបាននិយាយទៅកាន់អ្នកជំនាញគ្រឿងផ្ទុះនៅកម្ពុជាដែលបានកំពុងធ្វើការអស់រយៈពេលជាច្រើនឆ្នាំជាមួយអង្គការ CMAC ក្នុងការបោសសំអាតសព្វាវុធគ្រាប់បែកចង្កោម និងគ្រាប់មីននៅកម្ពុជា ហើយភ្នាក់ងាររបស់គាត់បានបញ្ជាក់យ៉ាងច្បាស់ដោយ គ្មាន មន្ទិលសង្ស័យថា គ្រឿងឧបករណ៍ដែលកងទ័ពថៃប្រើប្រាស់នោះគឺប្រាកដជាគ្រាប់បែកចង្កោម។

ពួកគេក៏បាននិយាយផងដែរថា របាយការណ៍ និងរូបថតបន្ថែមទៀត ដែលទាក់ទងទៅនឹង សព្វាវុធទាំងនេះនឹងលេចចេញឡើងនៅក្នុងប៉ុន្មានថ្ងៃបន្ទាប់នេះ ។

ហើយឥឡូវនេះ ដោយសារតែរឿងនេះត្រូវបានគេផ្សាយទូទាំងពិភពលោក ធ្វើឲ្យសម្ពាធអន្តរជាតិកាន់តែក្តៅឡើងទៅលើរបបគ្រប់គ្រងប្រទេសថៃ ។ កាលពីម្សិលមិញក្រោយពីការថ្កោល ទោស របស់រដ្ឋាភិបាលនៃប្រទេសន័រវែស ភ្លាមនោះក្រសួងការបរទេសចក្រភពអង់គ្លេសបាន ចេញសេចក្ដី ប្រកាសព័ត៌មានថ្កោលទោសការប្រើសព្វាវុធគ្រាប់បែកចង្កោម ហើយលើកឡើងនូវ កង្វល់ជាមួយ ប្រទេសថៃ ។

ក្រសួងការបរទេសចក្រភពអង់គ្លេសនិយាយនៅក្នុងសេចក្ដីថ្លែងការណ៍ថា «យើងបានដឹង អំពីការចោទប្រកាន់នាពេលថ្មីៗនេះ នៃការប្រើប្រាស់គ្រាប់បែកចង្កោមដោយកងទ័ពថៃ ហើយយើង បានលើកយកបញ្ហានេះជាមួយអាជ្ញាធរថៃ ។ សព្វាវុធគ្រាប់បែកចង្កោមប្រហែលជាត្រូវបាន គេប្រើ ប្រាស់ដែលជាកង្វល់ដ៏ធ្ងន់ធ្ងរសម្រាប់ចក្រភពអង់គ្លេស ។ យើងថ្កោលទោសដ៏ខ្លាំងបំផុត ចំពោះការ ប្រើប្រាស់សព្វាវុធគ្រាប់បែកចង្កោម ដែលបណ្ដាលឲ្យមានការឈឺចាប់ដែលមិនអាច ទទួលយកបាន ចំពោះប្រជាជនស៊ីវិល» ។

ជាការដឹងគុណចំពោះរបាយការណ៍ដែលបានលើកឡើងជាភស្ដុតាងសម្រាប់ឧទាហរណ៍ នេះ ស្ដីពីការមិនគោរពជាក់ស្ដែងរបស់កងទ័ពថៃចំពោះសុវត្ថិភាពជនស៊ីវិល ឥឡូវហួសពីការ ត្រួតត្រារបស់ ពួកគេ ។

វាហាក់ដូចជាថា ការធ្វើអន្តរតូបនីយកម្មនៃបញ្ហាផ្ទៃក្នុងរបស់ថៃអាចឈានទៅឆ្ងាយ ហើយជា ផលវិហាកធ្វើឲ្យខូចខាតទាំងកងទ័ពថៃ និងនាយករដ្ឋមន្ត្រី Abhisit ៕

សេចក្តីប្រកាសព័ត៌មាន ប្រធានអង្គប្រជុំលើកទី១នៃរដ្ឋភាគីនៃអនុសញ្ញាស្តីពីសព្វាវុធគ្រាប់បែកចង្កោម មានការព្រួយបារម្ភ យ៉ាងខ្លាំងលើការប្រើប្រាស់សព្វាវុធគ្រាប់បែកចង្កោម ក្នុងពេលថ្មីៗនេះ

Press OCM — Sun, 01 Jan 2017 03:01:09 +0000

(ក្រុងវៀងច័ន្ទ ថ្ងៃទី៧ ខែមេសា ឆ្នាំ២០១១) ការប្រើប្រាស់សព្វាវុធគ្រាប់បែកចង្កោមក្នុងការប៉ះទង្គិចគ្នាថ្មីៗនេះតាមព្រំដែនថៃ និងកម្ពុជា ត្រូវបានបញ្ជាក់ច្បាស់ហើយនៅក្នុង សេចក្តី ប្រកាសព័ត៌មានមួយ ដែលធ្វើឡើងដោយអង្គការចលនាចម្រុះប្រឆាំងនឹងសព្វាវុធ គ្រាប់បែកចង្កោម CMC ។ វាជាការព្រួយបារម្ភយ៉ាងខ្លាំងនៅពេលដែលទទួលដំណឹងពីការ ប្រើប្រាស់គ្រាប់បែកចង្កោម ក្នុងពេលថ្មីៗនេះ ហើយជាពិសេសលើដីនៃតំបន់អាស៊ីអាគ្នេយ៍ ដែលត្រូវរងការប៉ះពាល់ដ៏ធ្ងន់ធ្ងរ រួចទៅហើយដោយសារសព្វាវុធដ៏គួរឲ្យខ្លាចទាំងនេះ។ ដោយសារតែឥទ្ធិពលដ៏ធំធេង និងអត្រានៃ គ្រាប់មិនទាន់ផ្ទុះដែលត្រូវបានបន្សល់ទុកខ្ពស់ គ្រាប់បែកចង្កោមបង្ករឲ្យមានការគំរាមកំហែងដល់សន្តិភាពសន្តិសុខមនុស្សជាតិ ការសម្រេច បាននូវគោលដៅអភិវឌ្ឍន៍សហសវត្សន៍ ការលុប បំបាត់ភាពក្រីក្រ ការអភិវឌ្ឍន៍សេដ្ឋកិច្ច និងសង្គម ។ ក្នុងនាមជាប្រធានអង្គប្រជុំលើកទី១នៃរដ្ឋ ភាគីនៃអនុសញ្ញាស្តីពីសព្វាវុធ គ្រាប់បែកចង្កោម ជាថ្មីម្តងទៀត ខ្ញុំសូមអំពាវនាវឲ្យមានការអនុវត្តន៍ ជាសកលទៅតាម អនុសញ្ញាស្តីពីសព្វាវុធគ្រាប់បែកចង្កោម ។

ខ្ញុំមានកិត្តិយសខ្លាំងណាស់ដែលបានធ្វើជាម្ចាស់ផ្ទះរៀបចំ និងធ្វើជាអធិបតីនៃអង្គប្រជុំ លើកទី១នៃរដ្ឋភាគីនៃអនុសញ្ញា ស្តីពីសព្វាវុធគ្រាប់បែកចង្កោមដ៏ជោគជ័យខាងលើនេះ នៅ ទីក្រុង វៀងច័ន្ទ ប្រទេសឡាវ ពីថ្ងៃទី៩ ដល់ទី១២ ខែវិច្ឆិកា ឆ្នាំ២០១០ ដោយមាន ការចូល រួមដោយ ១២១ ប្រទេស ដែលរួមមានទាំងរដ្ឋភាគី និងរដ្ឋមិនមែនភាគីនៃ អនុសញ្ញានេះ និងរួមជាមួយនឹង តំណាងមកពីអង្គការសហប្រជាជាតិ គណៈកម្មាធិការ កាកបាទក្រហម អន្តរជាតិ អង្គការចលនា ចម្រុះប្រឆាំងនឹងសព្វាវុធគ្រាប់បែកចង្កោម CMC និងអង្គការជាតិ និងអន្តរជាតិជាច្រើនទៀត^[1] ។

សេចក្តីប្រកាសវៀងច័ន្ទ ដែលត្រូវបានអនុម័តនៅក្នុងកិច្ចប្រជុំនោះ ចែងយ៉ាងច្បាស់ពី ការប្តេជ្ញាចិត្តរបស់រដ្ឋភាគី ប្រទេសហត្ថលេខី និងអង្គការអន្តរជាតិទាំងអស់ដែលបានចូល រួមក្នុង កិច្ចប្រជុំនោះ ដើម្បីបញ្ចប់ផលប៉ះពាល់ដែលបង្កឡើងដោយសព្វាវុធគ្រាប់បែកចង្កោម ហើយថ្កោល ទោសដល់ការប្រើប្រាស់គ្រាប់បែកចង្កោម ដែលបណ្តាលឲ្យមានផលប៉ះពាល់ ដែលមិនអាចទទួល យកបានចំពោះប្រជាជនស៊ីវិល និងទ្រព្យសម្បត្តិនានា ពីសំណាក់ អ្នកប្រើប្រាស់ណាក៏ដោយ ។

ដូច្នេះ ខ្ញុំសូមធ្វើការរំលឹកឡើងវិញពីគោលដៅរួមរបស់យើង ដែលនោះគឺពិភពលោក មួយ ដែលគ្មានសព្វាវុធគ្រាប់បែកចង្កោម និងពីកាតព្វកិច្ចផ្លូវច្បាប់របស់យើងក្នុងការជម្រុញ ការអនុវត្តន៍ អនុសញ្ញានេះ ដែលបង្កើតឲ្យមានបទដ្ឋានថ្មីមួយសម្រាប់ការប្រតិបត្តិជម្លោះ ប្រដាប់អាវុធ ហើយ ដែលគួរត្រូវទទួលយកដោយរដ្ឋទាំងអស់ ៕

^[1] ដោយត្រូវបានទទួលយកដោយ ១០៧ ប្រទេស ក្នុងទីក្រុងDublin ក្នុងឆ្នាំ២០០៨ អនុសញ្ញាស្តីពី សព្វាវុធ គ្រាប់បែកចង្កោម ត្រូវបាន ដាក់បើកទទួល ប្រទេសហត្ថលេខីនៅថ្ងៃទី៣ ខែធ្នូ ឆ្នាំ២០០៨ ក្នុងទីក្រុង Osloប្រទេសណ័រវេស ។ បច្ចុប្បន្ន ៥៦ នៃប្រទេស ហត្ថលេខីទាំង១០៨ បានផ្តល់ សច្ចាប័នលើអនុសញ្ញានេះរួចហើយ ដោយប្រទេសព័រទុយហ្គាល់ ហូឡង់ លីទុយអានី ម៉ូហ្សាម់ប៊ិច និងប៊ុលហ្គារី ជារដ្ឋភាគីចុងក្រោយ គេបំផុត ។ ថៃ និងកម្ពុជា មិនមែនជាប្រទេសហត្ថលេខីទេ ប៉ុន្តែបានចូលរួមក្នុងកិច្ចចរចារនៅទីក្រុង Dublin និងមានវត្តមាន នៅឯកិច្ចប្រជុំលើក ទី១នៃរដ្ឋភាគីនៃអនុសញ្ញានេះ ក្នុងក្រុងវៀងច័ន្ទ ។

preah vihear – PRU I អង្គភាព​ព័ត៌មាន​ និងប្រតិកម្មរហ័ស

រូបភាពទាក់ទិននឹងបែកចង្កោម

សេចក្តីរាយការណ៍ របស់ Human Rights Watch ស្តីពី Libya

រដ្ឋាភិបាលចក្រភពអង់គ្លេស ថ្កោលទោសថៃ ប្រើប្រាស់សព្វាវុធ គ្រាប់បែក ចង្កោម

preah vihear – PRU I អង្គភាពព័ត៌មាន និងប្រតិកម្មរហ័ស