អង្គភាពព័ត៌មាន និងប្រតិកម្មរហ័ស នឹងផ្សព្វផ្សាយជាសាធារណៈនូវសៀវភៅស ស្តីពីស្ថានការណ៍នយោបាយនៅកម្ពុជា ក្រោយពេលបរាជ័យនៃចលនាបដិវត្តន៍ពណ៌

Sam Ros — Tue, 13 Feb 2018 02:18:36 +0000

នៅក្នុងសប្តាហ៍នេះ អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី ដែលមាន បេសកកម្មក្នុងការកាពារកិត្យានុភាពរបស់រារដ្ធាភិបាលកម្ពុជា ការអប់រំ និងពន្យល់សាធារណមតិ នឹងធ្វើការផ្សព្វផ្សាយនូវសៀវភៅស កម្រាស់១៣២ទំព័រ ស្តីពី ស្ថានការណ៍នយោបាយនៅកម្ពុជា « ការពង្រឹងនីតិរដ្ឋនិងដំណើរការលទ្ធិប្រជាធិបតេយ្យ» ។

សៀវភៅសនេះ ត្រូវបាន រៀបចំតាក់តែងខ្លឹមសារ និងបោះពុម្ព លើកទីមួយចំនួន ៧មឺនក្បាល (៧០.០០០)ដើម្បីធ្វើការផ្សព្វផ្សាយជាសាធារណៈ បន្ទាប់ពីចលនាបដិវត្តន៍ពណ៌ដែលដឹកនាំអនុវត្តដោយអតីត បក្សប្រឆាំងបង្កភាពចលាចល វឹកវរសង្គមនាពេលកន្លងមក ត្រូវបានរាជរដ្ឋាភិបាលបំផ្លាញចោល តាមរយៈវិធានការផ្លូវច្បាប់ដ៏តឹងរឹង។
ការទប់ស្កាត់ចលនាបដិវត្តន៍ពណ៌តាមរយៈការរំលាយអង្គការចាត់តាំងនយោបាយ ដោយវិធានការច្បាប់ ត្រូវបានពន្យល់បកស្រាយនៅក្នុងសៀវភៅសនេះយ៉ាងច្បាស់ថា គឺជាការធ្វើឡើងដើម្បីធានានូវសុខសន្តិភាព ស្ថិរភាពនយោបាយ សណ្តាប់ធ្នាប់សង្គម និងការអភិវឌ្ឍ។ ក្រៅពីនេះ ក៏មានការរំលេចផងដែរនូវការទទួលខុសត្រូវខ្ពស់របស់រាជរដ្ឋាភិបាល ក្នុងការប្តេជ្ញាចិត្តបន្តដឹកនាំប្រទេសជាតិស្របតាមរដ្ឋធម្មនុញ្ញ ដោយគោរពតាមគោលការណ៍នីតិរដ្ឋ លទ្ធិប្រជាធិបតេយ្យ សេរីពហុបក្ស និងការគោរពសិទ្ធិមនុស្ស។ សៀវភៅសនេះ ក៍បានបញ្ជាក់ផងដែរថា បដិវត្តន៍ពណ៌មិនមែនជាការការពារ និងលើកកម្ពស់លទ្ធិប្រជាធិបតេយ្យ និងសិទ្ធិមនុស្សដូចក្រុម ប្រឆាំងយកមកធ្វើអាជីវកម្មនយោបាយនោះទេ តែ គឺជាចលនាគាស់រំលើងរបបដឹកនាំដែលមិនយល់ព្រមដើរតាមគោលនយោបាយបង្គាប់បញ្ជារបស់មហាអំណាច និងសម្ព័ន្ធមិត្ត បំរើផលប្រយោជន៍មនោគមវិជ្ជា ឥទ្ធិពលនយោបាយ និងភូមិសាស្ត្រនយោបាយរបស់ខ្លួនតែប៉ុណ្ណោះ។
ប៉ុន្តែ ចលនាបដិវត្តន៍ពណ៌ត្រូវបានបរាជ័យយ៉ាងធ្ងន់ធ្ងរនៅកម្ពុជា ទោះបីជាមានការបណ្តុះបណ្តាលកម្លាំង ជួយរៀបចំកម្មវិធីនយោបាយ និងយុទ្ធសាស្ត្រ និងការផ្តល់មធ្យោបាយហិរញ្ញវត្ថុពីមហាអំណាច និងសម្ព័ន្ធមិត្តសម្រាប់ផ្តួលរំលំរដ្ឋអំណាចស្របច្បាប់ ដោយមានតួអង្គចូលរួមធ្វើសកម្មភាព ជាអង្គការមិនមែនរដ្ឋាភិបាល និងស្ថានទូតបរទេសមួយចំនួនជាទីបង្អែកក៏ដោយ។
សៀវភៅសនេះ ក៏បានបង្ហាញនូវសមិទ្ធផលជាច្រើនក្នុងរយៈពេល២០ឆ្នាំចុងក្រោយដែលកម្ពុជាសម្រេចបាន ប៉ុន្តែក្រុមប្រឆាំងនៅតែមិនទទួលស្គាល់នូវសមិទ្ធផលទាំងនេះ ហើយក្រុមនេះនៅតែចោទ និងប្រឌិតរឿងបំផ្លើសការពិត ដើម្បីធ្វើឲ្យមានការយល់ច្រឡំ និងញុះញង់ បំផុសគំនិតប្រឆាំងជាមួយរាជរដ្ឋាភិបាលឥតស្រាកស្រាន្ត។ ក្រុមប្រឆាំង និងសកម្មជនរបស់ពួកគេមួយចំនួននៅតែចិញ្ចឹមមហិច្ឆតា បន្តធ្វើបដិវត្តន៍ពណ៌តទៀត តាមរូបភាពនិងទំរង់ផ្សេងៗ ដូចជាការបង្កើតចលនាឧទ្ទាមខុសច្បាប់ និងការឃោសនាទុច្ចរិតនានានៅក្នុង និងក្រៅប្រទេសជាដើម។
សៀវភៅស ស្តីពី ស្ថានការណ៍នយោបាយនៅកម្ពុជានេះផងដែរ បានគាស់រំលើងនូវឧបាយកិច្ចជាច្រើនដែលបង្កឡើងដោយក្រុមប្រឆាំង ក្នុងផែនការបំផ្លាញការបោះឆ្នោតនៅកម្ពុជា និងឈានទៅសម្រេចគោលដៅក្រោមលេសទាមទារសិទ្ធិសេរីភាព និងលទ្ធិប្រជាធិបតេយ្យ។ ប៉ុន្តែ ផែនការនោះត្រូវបរាជ័យ គឺបើទោះជាស្ថិតក្រោមតម្លៃណាក៏ដោយ ក៏រាជរដ្ឋាភិបាលប្តេជ្ញាចិត្តយ៉ាងមុតមាំឥតងាករេក្នុងការរៀបចំស្ថាប័នរដ្ឋ កសាងក្របខណ្ឌច្បាប់
អនុវត្តច្បាប់ ធានាសន្តិភាព និងស្ថិរភាពនយោបាយ និងអភិវឌ្ឍសេដ្ឋកិច្ចសង្គម ដែលជាមូលដ្ឋានគ្រឹះនៃការពង្រឹងនីតិរដ្ឋ លទ្ធិប្រជាធិបតេយ្យ និងការគោរពសិទ្ធិមនុស្សពិត
ប្ឲ្រាកដ អោយបានជាដាច់ខាត ក្នុងន័យថា « ប្រជាធិបតេយ្យដែលគ្មាននីតិរដ្ឋ គឺជាឬសគល់នៃអនាធិបតេយ្យ» ។
ដោយយល់ច្បាស់អំពីតម្លៃសន្តិភាព និងការអភិវឌ្ឍ រាជរដ្ឋាភិបាលមិនអនុញ្ញាត ឲ្យជនណាម្នាក់ ឬក្រុមណាមួយធ្វើសកម្មភាពបំផ្លាញសន្តិភាព និងសមិទ្ធផលដែលសម្រេចបានដោយលំបាក ឬការជ្រៀតជ្រែកចូលកិច្ចការផ្ទៃក្នុងពីបរទេស ដែលអាចធ្វើអោយកម្ពុជាធ្លាក់ចូលក្នុងភ្លើងសង្គ្រាមសារជាថ្មីទៀតបានឡើយ។
តាមរយៈសៀវភៅស ដែលអង្គភាពព័ត៌មាន និងប្រតិកម្មរហ័សនឹងធ្វើការផ្សព្វផ្សាយជាសាធារណៈនេះផងដែរ ក៏បានបង្ហាញនូវគោលជំហរឥតងាករេ របស់រាជរដ្ឋាភិបាលដែលមានភារកិច្ចគ្រប់គ្រងស្ថានការណ៍ក្នុងប្រទេស អនុវត្តច្បាប់ឲ្យមានប្រសិទ្ធភាព និងលើកតម្កើងតម្លៃនៃអំណាចរដ្ឋ ។
នៅក្នុងបរិបទនេះ រាជរដ្ឋាភិបាល ក៏បានអំពាវនាវដល់មជ្ឈដ្ឋានមួយចំនួនដែលបាននិងកំពុងជ្រៀតជ្រែកចូលកិច្ចការផ្ទៃក្នុងរបស់កម្ពុជា សូមឲ្យបញ្ឈប់សកម្មភាពទាំងនេះ ហើយក៏សូមស្វាគមន៍អ្នកនយោបាយ ស្ថាប័នបរទេស និងបណ្តាប្រទេសជាមិត្ត ចូលរួមគាំទ្រ និងរួមចំណែកក្នុងបុព្វហេតុកសាងមូលដ្ឋានគ្រឹះនៃការពង្រឹងនីតិរដ្ឋ លទ្ធិប្រជាធិបតេយ្យ និងការគោរពសិទ្ធិមនុស្សជាមួយប្រជាជន និងរាជរដ្ឋាភិបាលកម្ពុជាផងដែរ។
សូមអានខ្លឹមសារទាំងស្រុងដែលមាននៅក្នុងសៀវភៅសដូចខាងក្រោមនេះ៖

>>> សូមទាញយកឯកសារទាំងស្រុង… (PDF-File…)

សៀវភៅស ស្តីពីការបោះឆ្នោតសកលជ្រើសតាំងតំណាងរាស្រ្ត នីតិកាលទី៥ រដ្ឋសភានៃព្រះរាជាណាចក្រកម្ពុជា ឆ្នាំ២០១៣

Press OCM — Sat, 28 Jan 2017 04:23:36 +0000

សន្និសីទសារព័ត៌មាន ឯកឧត្ដម កែវ រ៉េមី, ផ្សព្វផ្សាយសៀវភៅសស្ដីពី ការបោះឆ្នោតសកលជ្រើសតាំងតំណាងរាស្ដ្រ នីតិកាលទី៥ រដ្ឋសភា នៃព្រះរាជាណាចក្រកម្ពុជា

Press Conference on White Paper on The 2013 General Election for the 5th Mandate of the National Assembly

សៀវភៅសស្តីពីការបោះឆ្នោតសកលជ្រើសតាំងតំណាងរាស្រ្ត នីតិកាលទី៥ រដ្ឋសភានៃព្រះរាជាណាចក្រកម្ពុជា ឆ្នាំ២០១៣

Download (PDF, 330KB)

សៀវភៅ​ស​ – PRU I អង្គភាព​ព័ត៌មាន​ និងប្រតិកម្មរហ័ស

សៀវភៅស – PRU I អង្គភាពព័ត៌មាន និងប្រតិកម្មរហ័ស