សម្ដេចតេជោនាយករដ្ឋមន្ត្រី នឹងគូសបញ្ជាក់ពីបទពិសោធន៍ និងយុទ្ធសាស្ត្ររបស់កម្ពុជា ក្នុងការនាំមកនូវកំណើសេដ្ឋកិច្ច នៅអង្គការពាណិជ្ជកម្មពិភពលោក

ភ្នំពេញ ថ្ងៃទី០២ ខែកក្កដា ឆ្នាំ២០១៩ -ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នឹងគូស​បញ្ជា​ក់ពីបទពិសោធន៍ កិច្ចប្រឹងប្រែង និងយុទ្ធសាស្ត្ររបស់កម្ពុជាក្នុងការជម្នះឧបសគ្គនានា និងនាំ មកនូវ​កំណើន​សេដ្ឋកិច្ចគួរឱ្យកោតសរសើរដល់ប្រទេសកម្ពុជា ក្នុងកិច្ចប្រជុំ «ត្រួតពិនិត្យឡើង វិញជា​ស​​កល​លើជំនួយសម្រាប់ពាណិជ្ជកម្ម ឆ្នាំ២០១៩» នៅអង្គការពាណិជ្ជកម្មពិភពលោក​(WTO)​។

សម្ដេចតេជោ ហ៊ុន សែន បានដឹកនាំគណៈប្រតិភូជាន់ខ្ពស់ ចាកចេញពីកម្ពុជាហើយ​តាម​ជើងយន្តហោះពិសេស នាព្រឹកថ្ងៃអង្គារ ១កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០២ ខែកក្កដា ឆ្នាំ២០១៩នេះ ទៅចូលរួមកិច្ចប្រជុំ «ត្រួត​ពិ​និ​ត្យ​ឡើង​វិញជា​ស​កល​លើជំនួយសម្រាប់ពាណិជ្ជកម្ម ឆ្នាំ២០១៩» ដែលប្រព្រឹត្តទៅពីថ្ងៃទី0៣ ដ​ល់​​ថ្ងៃ​ទី0៥ ខែកក្កដា ឆ្នាំ២០១៩ នៅអង្គការពាណិជ្ជកម្មពិភពលោក ទីក្រុងហ្សឺណែវ ប្រទេស​ស៊្វី​ស​ ដែលជាការតប តាមការអញ្ជើញរបស់ ឯកឧត្ដម រ៉ូបឺតូ អាហ្សេវេដូ អគ្គនាយកអង្គការ​ពាណិ​ជ្ជក​ម្មពិភពលោក​(WTO)​។

អញ្ជើញជូនដំណើរគណៈប្រតិភូជាន់ខ្ពស់ នៅព្រលានយន្ត​ហោះ​​​​អន្តរជា​តិ​​ភ្នំពេញ មាន វត្តមាន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រ​សួ​ង​​មហា​ផ្ទៃ​ សម្ដេចពិជ័យ សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និ​ង​​ឥស្សរ​ជន​ជា​ន់​​ខ្ពស់ជា ច្រើនរូបទៀត។

ឯកឧត្ដម ស្រ៊ី ថាមរុង្គ រដ្ឋមន្ត្រីប្រតិភូអមនាយករដ្ឋមន្ត្រីបានប្រាប់​អ្នកយកព័ត៌មាននៅ​ព្រ​​លានយន្តហោះអន្តរជាតិភ្នំពេញថា អមដំណើរសម្ដេចតេជោ មានវត្តមាន ឯកឧត្ដមឧប នាយករដ្ឋមន្ត្រី អូន ព័ន្ធមុនីរ័ត្ន រដ្ឋ​មន្ត្រីក្រសួងសេដ្ឋកិច្ចនិងហិរញ្ញវត្ថុ ឯកឧត្ដម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និង​ឥ​ស្សរជនជាន់ខ្ពស់មួយចំនួនទៀតរបស់រាជរដ្ឋាភិបាល។ កិច្ច ប្រជុំ «ត្រួត​ពិ​និ​ត្យ​ឡើង​វិញជា​ស​ក​ល​​លើជំនួយសម្រាប់ពាណិជ្ជកម្ម ឆ្នាំ២០១៩» ក្រោមមូលបទ «គាំទ្រពិពិធកម្ម និងការលើក​ម្ព​ស់​សេដ្ឋកិច្ច សម្រាប់ការអភិវឌ្ឍប្រកបដោយចីរភាពនិងបរិយា ប័ន្ន តាមរយៈជំនួយសម្រាប់​ពា​ណិ​​​ជ្ជកម្ម» មានគោលបំណងពិនិត្យមើលពីរបៀបដែលជា ជំនួយពាណិជ្ជកម្ម អាចទ្រទ្រង់​ប្រ​ក​ប​​​ដោយប្រសិទ្ធភាពដល់ការធ្វើពិពិធកម្មសេដ្ឋកិច្ច។ អាស្រ័យដោយសមិទ្ធផលដ៏ធំធេងរបស់​កម្ពុ​ជា ក្នុងការធ្វើពិពិធកម្មសេដ្ឋកិច្ច និងជោគជ័យ​ក្នុង​ការ​កាត់បន្ថយភាពក្រីក្រ ក្នុងរយៈពេល​ប៉ុ​ន្មានទស្សវត្សកន្លមកនេះ សម្ដេចតេជោនា​យករដ្ឋ​ម​ន្ត្រី​ ត្រូវបានអញ្ជើញថ្លែងសុន្ទរកថាគន្លឹះ​នៅ​​ក្នុង​ពិធីបើក​កិច្ចប្រជុំ ដែលក្នុងឱកាសនោះ សម្ដេច​តេ​ជោនាយករដ្ឋមន្ត្រី នឹងគូស​បញ្ជា​ក់ពី​ប​​ទ​ពិសោធន៍ កិច្ចប្រឹងប្រែង និងយុទ្ធសាស្ត្រកម្ពុជាក្នុ​ង​ការ​​ជម្នះឧបសគ្គនានា និងនាំមកនូវ​កំ​ណើ​​ន​សេដ្ឋកិច្ចគួរឱ្យកោតសរសើរដល់ប្រទេសកម្ពុជា។ ទន្ទឹមនិងនេះដែរ សម្ដេចតេជោ​នា​យ​ក​​​រដ្ឋមន្ត្រី នឹងប្រកាសជាផ្លូវការនូវយុទ្ធសាស្ត្រស​មាហរ​ណ​​កម្មពាណិជ្ជកម្មកម្ពុជាឆ្នាំ២០១៩-២​០​​៣០ ព្រមទាំងអញ្ជើញថ្លែងសុន្ទ​រកថានៅក្នុងកម្មវិធី ​ស​ង្គ​​ម​ដែល​រៀបចំឡើងដោយ WTO ផ​ង​​ដែ​រ។

ឯកឧត្ដមរដ្ឋមន្ត្រីប្រតិភូអមនាយករដ្ឋមន្ត្រីបាន​ឱ្យ​ដឹង​ទៀតថា ក្រៅពីកិច្ចប្រជុំខាងលើ ស​ម្ដេ​ចតេជោនាយករដ្ឋមន្ត្រី នឹងអញ្ជើញថ្លែងសុន្ទរកថា​នៅ​ក្នុងកិច្ចប្រជុំជាទៀងទាត់​លើកទី  ​៤​១ នៃ​ក្រុមប្រឹក្សាសិទ្ធិមនុស្សអង្គការសហប្រជាជាតិ ដែ​ល​​នឹងផ្ដល់សារដ៏សំខាន់ និងច្បាស់​លា​ស់​មួ​យ ឆ្លុះបញ្ចាំងពីការប្ដេជ្ញាចិត្តដ៏មោះមុតរបស់​រាជរ​ដ្ឋា​​ភិបាលកម្ពុជា ក្នុងការគោរព​សិទ្ធិ​មនុ​ស្ស​ និ​ងលទ្ធិប្រជាធិបតេយ្យនៅកម្ពុជា។ ក្នុងឱកាសស្នាក់នៅទីក្រុងហ្សឺណែវ សម្ដេចតេ ជោនាយក​រដ្ឋ​មន្ត្រី នឹងមានជំនួបទ្វេភាគីដោយឡែកពីគ្នាជាមួយ ឯកឧត្ដម វិល ស្គីនណារី រដ្ឋមន្ត្រីសហ​ប្រ​តិ​បត្តិការអភិវឌ្ឍ និងពាណិជ្ជកម្មអន្តរជាតិ នៃប្រទេសហ្វាំងឡង់ លោក រតនាការ អាឌីការី នា​យ​​ក​ប្រតិបត្តិនៃក្របខ័ណ្ឌពង្រឹងសមាហរណកម្មពាណិជ្ជកម្ម WTO លោកជំទាវ មីសែល បាឆេ​ឡេត ឧត្ដមស្នងការទទួលបន្ទុកសិទ្ធិមនុស្សអង្គការសហប្រជាជាតិ ព្រមទាំង ថ្នាក់ដឹកនាំ​ផ្សេង​ៗ​​ទៀត។ ជាមួយគ្នានេះដែរសម្ដេចតេជោនាយក​រដ្ឋ​មន្ត្រី នឹងទទួល ជួបសម្ដែង ការគួរពីតំណាង​ក្រុ​មហ៊ុនអឺរ៉ុបមួយចំនួន និងឆ្លៀតឱកាសទទួលជួបសំណេះ សំណាល​ជាមួយសមាជិក​សហគ​ម​ន៍ខ្មែរដែលរស់នៅប្រទេសស៊្វីស និងប្រទេសអឺរ៉ុបផ្សេង ទៀត។

គណៈប្រតិភូជាន់ខ្ពស់នៃរាជរដ្ឋាភិបាល គ្រោងនឹងធ្វើមាតុភូមិនិវត្តន៍មកកាន់កម្ពុជាវិញ នៅ​ថ្ងៃទី០៦ ខែកក្កដា ឆ្នាំ២០១៩ ខាងមុខនេះ៕

ដោយ ជឹម ណារី

ពត៌មានទាក់ទង

ពត៌មានផ្សេងៗ