វេទិកាបើកចំហស្តីពី​ក្តីស្រមៃរបស់អាស៊ាន ប្រារព្ធធ្វើនៅវិទ្យាស្ថានបច្ចេកវិទ្យាកម្ពុជា

វេទិកាបើកចំហស្តីពី​ក្តីស្រមៃរបស់អាស៊ាន ដែលជាផ្នែកមួយនៃវេទិកាសេដ្ឋកិច្ចពិភពលោកស្តីពីអាស៊ានឆ្នាំ២០១៧ នៅកម្ពុជា ​ត្រូវបានប្រារព្ធធ្វើឡើងនារសៀលថ្ងៃទី១០ ខែឧសភា ឆ្នាំ២០១៧នេះ នៅវិទ្យាស្ថានបច្ចេកវិទ្យាកម្ពុជា ដោយមានការចូលរួមពីសំណាក់ក្រុមធុរកិច្ចជាតិ និងអន្តរជាតិ ព្រមទាំងយុវជនកម្ពុជា ប្រមាណ២.០០០នាក់។

អញ្ជើញជាវាគ្មិនក្នុងពិធីនោះ មានលោក Anthony F. Fernandes ប្រធាននាយកប្រតិបត្តិក្រុមហ៊ុន Air Asia ប្រទេសម៉ាឡេស៊ី និងជាអតីតមេដឹកនាំវ័យក្មេងសកល ឯកឧត្តមបណ្ឌិត កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី លោកស្រី Wai Wai Nu ជាស្ថាបនិក និងជានាយកបណ្តាញស្ត្រីសន្តិភាពរបស់ប្រទេសមីយ៉ាន់ម៉ា និងលោក William Tanuwijaya សហស្ថាបនិក និងជានាយកប្រតិបត្តិ Tokopedia របស់ប្រទេសឥណ្ឌូនេស៊ី និងជាមេដឹកនាំវ័យក្មេងសកល។​ ចំណែកលោក Phillipp Rosler សមាជិកក្រុមប្រឹក្សាភិបាលវេទិកាសេដ្ឋកិច្ចពិភពលោក ជាអ្នកណែនាំ​ ហើយ​លោក Jamil Edmond Anderlini អ្នកនិពន្ធអាស៊ី សារព័ត៌មានផ្នែកហិរញ្ញវត្ថុនៃតំបន់រដ្ឋបាលពិសេសហុងកុង ជាអ្នកសម្របសម្រួលកម្មវិធី។

ពត៌មានទាក់ទង

ពត៌មានផ្សេងៗ