សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណះប្រតិភូជាន់ខ្ពស់ រាជរដ្ឋាភិបាលកម្ពុជា បានអញ្ជើញទៅដល់អាកាសយានដ្ឋានអន្តរជាតិ នីណយអាគីណូ Ninoy Aquino ទីក្រុងម៉ានីល សាធារណរដ្ឋហ្វីលីពីន ប្រកបដោយសុវត្តិភាព កាលពីវេលាម៉ោង១៣និង៥០នាទីរសៀលថ្ងៃទី២៨មេសា ម៉ោងនៅទីក្រុងម៉ានីល ត្រូវនឹងម៉ោង១២និង៥០នាទី ម៉ោងនៅព្រះរាជាណាចក្រកម្ពុជា ដើម្បីចូលរួមកិច្ចប្រជុំកំពូលអាស៊ានលើកទី៣០ និងកិច្ចប្រជុំពាក់ព័ន្ធ នៅទីក្រុងម៉ានីល សាធារណរដ្ឋហ្វីលីពីន ដែលនឹងប្រារព្វធ្វើឡើងថ្ងៃទី២៩មេសា ស្អែកនេះ។
