សម្តេច​តេជោ ហ៊ុន សែន អញ្ជើញ​ជួប​​កម្មករ​ជាង១ម៉ឺននាក់​នៅ​រោងចក្រ តំបន់ទួល​ពង្រ ខណ្ឌពោធិ៍សែនជ័យ

នៅព្រឹកថ្ងៃពុធ ៣កើត ខែបុស្ស ឆ្នាំរកា ព.ស២៥៦១ ត្រូវនឹងថ្ងៃទី២០ ខែធ្នូ ឆ្នាំ២០១៧ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួប​សួរសុខ​ទុក្ខកូនក្មួយកម្មករ-កម្មការនី និងនិយោជិត ចំនួន ១៦,១១៨នាក់ មកពីរោងចក្រចំនួន១៤ នៅតំបន់​ទួល​ពង្រ ខណ្ឌពោធិ៍សែន​ជ័យ រាជធានីភ្នំពេញ។ គោលបំណងសំខាន់ នៃការអញ្ជើញ​ចុះជួប​សំណេះ​សំណាល​ប្រចាំ​សប្តាហ៍នេះ គឺដើម្បីស្វែង​យល់ពី​សុខទុក្ខ​របស់​បងប្អូន​កូនក្មួយ​កម្មករ-កម្មការនីដោយផ្ទាល់ និងដើម្បី​ដោះ​ស្រាយបញ្ហា​ប្រឈម​នានា។

នៅថ្ងៃនេះដែរ សម្តេចតេជោ ហ៊ុន សែន សប្បាយរីករាយជា​ខ្លាំង ដែលបានអញ្ជើញមក​ជួបជុំ​ជាមួយ​បងប្អូន កូន​ក្មួយ​កម្មករ-កម្មការនី ក្នុងការចុះជួប​សំណេះសំណាល​នាពេលនេះ ដើម្បីស្វែងយល់ពីសុខទុក្ខរបស់កម្មករ​ និងដើម្បីដោះស្រាយ​បញ្ហាប្រឈមនានាមួយចំនួន​របស់កម្មករ និងជំរុញនូវគោល​នយោបាយ​អភិវឌ្ឍន៍វិស័យ​ឧស្សាហកម្ម (២០១៥-២០២៥) ឲ្យកាន់តែមា​នប្រសិទ្ធភាពខ្ពស់ដើម្បី​ពង្រឹង​សេដ្ឋកិច្ចជាតិ និងលើកកម្ពស់​ជីវភាព​រស់​នៅរបស់​ពលរដ្ឋ​អោយ​កាន់​តែល្អប្រសើរ។

សម្តេចតេជោ ហ៊ុន សែន បានស្នើរសុំថៅកែ​រោងចក្រ​អនុញ្ញាតិអោយ កម្មករ-កម្មការនីទាំងអស់​ទទួល​បានការឈប់សំ​រាកមួយ​ថ្ងៃក្រោយ​ពីចប់​កម្មវិធី​សំណេះ​សំណាលនេះ។ សម្តេចតេជោ ហ៊ុន សែន ក៏បានអរគុណចំពោះ​ក្រសួង​ការងារ និងបណ្តុះ​បណ្តាលវិជ្ជាជីវៈ តំណាងម្ចាស់ក្រុ​មហ៊ុន រោងចក្រ សហគ្រា និងកូន​ក្មួយកម្មករ-កម្មការនី​ ទាំងអស់ដែល បានគោរព​ស្រលាញ់សម្តេច។ សម្តេចតេជោ ហ៊ុន សែន នាយករដ្ឋមន្ត្រី ក៏បានថ្លែងអំណរគុណដ​ល់បណ្តា​រោងចក្រ សហគ្រានានា ដែល​​មិនរើសអើង​ដល់បងប្អូ​នជនពិការ និងអ្នក​ដែលមាន​ផ្ទុក​មេរោគ​អេដសន៍ ឱ្យ​ចូល​បម្រើ​ការងារ​ផងដែរ។

សម្តេចតេជោ ហ៊ុន សែន បានមានប្រសាសន៍ថា ដោយសារតែ រដូវនេះជា រដូវធ្លាក់ខ្យល់ត្រជាក់ បានអោយប្រជាពលរដ្ឋ​មានការប្រុង​ប្រយ័ត្នថែទាំសុខភាព​ជាពិសេសត្រៀមអា​វរងារ​សម្រាប់ការពារ ភាពត្រជាក់​នេះ ហើយ​ឪពុក ម្តាយតាមទីជនបទ​ សូមមើលថែកូន និង ឪពុកម្តាយ​ចាស់ៗ ក្នុងរដូវរងារ នេះហើយថ្មីៗ នេះរាជរដ្ឋាភិបាល​ក៏បាន​បញ្ជូនអាវ​រងារជា​ច្រើនដល់បង​ប្អូនកងទ័ពផងដែរ។

សម្តេតេជោ ហ៊ុន សែន បានបង្ហាញពីគោល​នយោបាយ និងទិសដៅជាក់​លាក់ នៃគោល​នយោបាយ ឧស្សាហកម្ម ២០១៥-២០២៥ ដើម្បី​ជម្រុញ​កំ​ណើត​សេដ្ឋកិច្ចអោយកាន់​តែរីក​ចម្រើន ​ទន្ទឹមនឹងនេះ​សម្តេចតេជោ ក៏មិនភ្លេច​អភិវឌ្ឍន៍វិស័យកសិកម្ម ដែរដោយត្រូវ​ប្រែក្លាយ​វិស័យ ក​សិកម្ម​ឱ្យក្លាយ​ទៅជា​កសិឧ​ស្សាហកម្ម ជា​មួយគ្នានោះ​វិស័យទេសចរណ៍ ក៏យើងមិន​អាច​ចោលដែរ ពីព្រោះវាជាផ្នែ​កមួយជំ​រុញ​កំណើន​ដល់សេដ្ឋកិច្ច​ជាតិផងដែរ ជាក់ស្តែង​ក្នុងឆ្នាំ​២០១៧ នេះមានភ្ញៀវ ទេសចរណ៍​អន្តរជាតិ​ប្រមាណ ៥លាន ៥សែននាក់ ហើយនៅឆ្នាំ ២០១៨ ខាងមុខនឹងកើ​នឡើងដល់ ៥លាន ៦សែននាក់។

សម្តេចតេជោ ហ៊ុន សែន ក៏បានបញ្ជាក់ផងដែរថា សម្តេចនឹងបន្ត​ដឹកនាំប្រទេស​ជាតិ​មិនតិច​ជាង ១០ ឆ្នាំទៀត ដើម្បីការពារ​សន្តិភាព ការពារ​រោងចក្រ ការពារផល​ប្រយោជន៍​បងប្អូន​ កូនក្មួយកម្មករ និង​សូម​អោយបងប្អូន​កូនក្មួយ​កម្មករ​បន្តគាំទ្រ និងបោះឆ្នោតជូន​គណបក្សប្រជាជន​កម្ពុជាជា​បន្តទៀត។ សម្តេចតេជោ ហ៊ុន សែន បានអំពាវនាវ​សុំអោយ​កម្មករ និងប្រជាពល​រដ្ឋកម្ពុជា​ទាំងអស់ ចូលរួមថែក្សា សន្តិភាព និងការអភិវឌ្ឍដើម្បីអោយ​ប្រទេសជាតិ​កាន់តែរីក​ចម្រើន។ បើគ្មានសន្តិភាព​គឺមិនមាន​ការ​អភិវឌ្ឍនោះ​ទេ ហើយការអភិវឌ្ឍ ក៏​មិនអាច​ខ្វះបាននូវស​ន្តិភាពនោះដែរ។

ទន្ទឹមនឹងនោះ​ សម្តេចតេជោ ហ៊ុន សែន នាយករដ្ឋមន្ត្រី បានផ្តល់​នូវ​អនុសាសន៍​សំខាន់ៗ ៥ចំណុច ដល់និយោជក និងនិយោជិត ដើម្បីធ្វើការ​រួមគ្នា​ធានា​ដល់ល័ក្ខខ័ណ្ឌ​ការងារល្អ និងប្រាក់​ចំណូល​ល្អ:
ទី១)​ ត្រូវរួមគ្នាថែ​រក្សាសន្តិភាពស្ថេរភាព និងសុវត្ថិភាព​សណ្តាប់​ធ្នាប់​សង្គម​អោយ​បាន​ល្អ។

ទី២) រួមគ្នារក្សា​ការងារ និងបង្កើត​ការងារ​ថ្មីៗច្រើន​ថែមទៀត​ដោយ​ធ្វើការ​ពង្រីក និងបង្កើនទីផ្សារបន្ថែម។

ទី៣) រួមគ្នាបង្កើនប្រាក់ចំ​ណូលដោយ​ការបណ្តុះ​បណ្តាលចំ​ណេះដឹង​បន្ថែម​ដល់​កម្មករ។ រាជរដ្ឋាភិបាល នឹងបន្ត​តម្លើង​ប្រាក់ខែ​កម្មករ​ជារៀងរាល់​ឆ្នាំ កើន​ទាំងប្រាក់​បៀវត្សន៍​អប្បរមា និងប្រាក់​អត្ថប្រ​យោជន៍​ផ្សេងៗ។ ចំពោះ​តម្លៃទឹក ភ្លើងវិញ គឺចាប់តាំង​ពីថ្ងៃទី១ កញ្ញា ឆ្នាំ២០១៧ នេះតទៅគឺថ្លៃ​ភ្លើង​បញ្ចុះ​មកនៅត្រឹម​៤៥០៛ ក្នុង​១គីឡូវ៉ាត់​ម៉ោង (សម្រាប់​ការ​ប្រើក្រោម​៥០គីឡូវ៉ាត់ម៉ោងក្នុង១ខែ)។ ចំពោះថ្លៃទឹក​គឺថ្លៃតែ ៧០០៛ ប៉ុណ្ណោះ​ក្នុង​មួយ​ម៉ែត្រ​គូប ។ សម្តេច​តេជោ បានអំពាវនាវ​ដល់​ម្ចាស់ផ្ទះ​កុំតម្លើង​ថ្លៃឈ្នួល​ផ្ទះរយៈ​ពេល១ឆ្នាំ (២០១៨) ដើម្បីជួយកម្មករ​យើងអោយ​មានលទ្ធភាពរ​កប្រាក់​ចំណូល​បន្ថែមក្នុង​ការសម្រួល​ដល់​ជីវភាព​រស់នៅប្រចាំ​ថ្ងៃ​អោយកាន់​តែ​ប្រសើរឡើង។

ទី៤) ផ្តល់របប​គាំពារ​សន្តិសុខសង្គមដល់កម្ម​ករចាប់ពីខែ មករា ឆ្នាំ២០១៨ នេះទៅ គឺនិយោជក (ម្ចាស់ក្រុមហ៊ុន) នឹងបង់ថ្លៃរបបសន្តិសុខសង្គម ១០០% ដល់កម្មករកម្មការនី។ ពេលនោះបងប្អូនអាច នៅសល់ប្រាក់ប្រមាណពី (៨,០០០៛-១២,០០០៛ក្នុង១ខែ)។ ជាមួយគ្នានេះដែរ កម្មការនីយើងទាំងអស់ (រួមទាំងកម្មករសំណង់ សណ្ឋាគារ ដឹកជញ្ជូនបើកបរ និងកសិកម្មជាដើម…) គឺទទួលបាន​ការពិនិត្យ ព្យាបាល​ជំងឺ​នៅ​មន្ទីរពេទ្យរដ្ឋ​ដោយមិន​គិតថ្លៃតាម​រយៈមូល​និធិស​មធម៌។ សម្តេចតេជោ​បានណែនាំអោយ​ម្ចាស់​ក្រុមហ៊ុនរោងចក្ររៀប​ចំបង្កើត Clinic បន្ថែមនៅតាម​រោងចក្រ​របស់ខ្លួន​ដើម្បីជួយ​ដល់កម្មករ។ គ្រប់ស្ត្រីកម្មករិនីមានផ្ទៃពោះទាំង​អស់ត្រូវ​បាន​អនុញ្ញាតិ​អោយចេញ​មុនម៉ោង​១៥នាទីចំពោះបណ្តា​រោងចក្រណា អនុញ្ញាតិ​អោយ​កម្មករ​ចេញ​មុន​ម៉ោង​លើល​ពីកា​រកំណត់​រឹតតែ​ប្រសើរហើយ​សម្តេចតេជោ នឹងបំពាក់មេដៃជូន។ ចំពោះ​ស្រ្តី​មានផ្ទៃ​ពោះ​សំរាល​កូន​គឺ​នឹង​ទទួល​បាន​ពេល​វេលា​ឈប់​សម្រាក ពីការងារ​រយៈ​ពេល៣ ខែហើយ ហើយ​នៅទទួល​បាន​ប្រាក់ខែ ១២០% (៥០% ដោយ​ក្រុម​ហ៊ុន និង ៧០% ដោយបេឡាជាតិ)។ នៅថ្ងៃនេះ សម្តេច​តេជោ ហ៊ុន សែន នាយក​រដ្ឋមន្ត្រី បានប្រកាស​ជូន​ដំណឹង​ដល់​បងប្អូន កម្មការនី អំពី​អត្ថ​ប្រយោជន៍​មួយ​ទៀត​ដែលនឹង​ទទួល​បាន​ពីបេឡា​សង្គមគឺ: – ចំពោះស្រ្តី​សម្រាល​កូនទោះ​ក្នុងប្រព័ន្ធ​ ឬក្រៅប្រព័ន្ឋ ដែលសម្រាល​បានកូន​(១) គឺទទួលថវិកា​៤០ម៉ឺនរៀល និង​ពិនិត្យ​ផ្ទៃពោះ​ដោយ​ឥតគិតថ្លៃ។ បើសម្រាល​បាន​កូន​ភ្លោះ (២) គឺទទួល​បានថវិកា៨០ម៉ឺនរៀល។ បើសម្រាលបាន​កូន(៣) គឺទទួលបានថវិកា១លា​ន២​សែនរៀល​ហើយ​បូកប្រាក់ឧ​បត្ថម្ភចំនួន​៥លានរៀល​ទៀត​ពីសម្តេចតេជោ និងសម្តេចកិត្តិព្រឹទ្ឋបណ្ឌិត។ ថវិកានេះនឹងផ្តល់ជូនដោយបេឡា សន្តិសុខសង្គមរបស់រាជរដ្ឋាភិបាល ដែលនឹងត្រៀមថវិកា​ប្រមាណជាង​១០លានដុល្លារ ក្នុង១ឆ្នាំៗ (ទោះបីកូននោះកើតរស់ឬ ស្លាប់គឺនៅទទួលបានថវិកាគាំពារដូចគ្នា)។ កម្មករកម្មការនី​ទូទាំង​ប្រទេស នឹង​ទទួល បានសេវា​ជិះឡាន​ក្រុង​សាធារណៈ Free រយៈពេល​២ឆ្នាំ (ពីខែសីហា ២០១៧-សីហា ២០១៩)។ ចំពោះ​កីឡាករ កីឡាការិនី ទាំងអស់​ក៏ទទួល​បានកា​រជិះរថយន្ត​ក្រុងសាធារណៈ​ដោយមិនគិត​ថ្លៃផងដែរសម្រាប់រយៈពេល២ឆ្នាំហើយទទួល​បាន ការពិនិត្យថែទាំសុខភាព​ដោយឥត​គិតថ្លៃ នៅតាមមន្ទីរពេទ្យរដ្ឋ។ចំពោះ​កីឡាការ​នី ដែល​សម្រាល​កូនក៏ទទួល​បាន​អត្ថ​ប្រយោជន៍​ដូចកម្មការិនី ផងដែរ ចាប់ពីខែមករា ឆ្នាំ ២០១៨ នេះទៅ ។ នៅឆ្នាំ ២០១៩ ខាងមុខនេះ កម្មករ​ទាំងអស់​នឹងមានប្រាក់សោ​ធននិវត្តន៍ (ប្រាក់រឺត្រែត) ដែលនឹងទទួលបាន​ចំនួន៨០% នៃប្រាក់ខែ ដែលខ្លួន​ធ្លាប់បាន​ទទួល​ពេលនៅ​ធ្វើការ​ចុងក្រោយ។ ចំពោះស្រ្តីជា​មន្រ្តីរាជ​ការ​ស៊ីវិល នគរបាល កងទ័ព គឺចាប់ពីខែ មករា ឆ្នាំ ២០១៨ នេះទៅ បើសម្រាល​បានកូន ១ ត្រូវទទួលបាន ៨០០,០០០៛ បើបានកូនភ្លោះ២គឺទទួលបាន ១,៦០០,០០០៛ បើបានកូនភ្លោះ៣ គឺទទួលបាន ២,៤០០,០០០៛។ ចំពោះគ្រូបង្រៀន និងគ្រូពេទ្យជាស្រ្តី ក៏ទទួលបាន​ប្រាក់​ឧបត្ថម្ភ ដូចខាង​លើ​នេះផងដែរ។

ទី៥) រាជរដ្ឋាភិបាល​បន្តយកចិត្តទុកដាក់​ផ្តល់កិច្ច​គាំពារ​ចំពោះ​កម្មករ-កម្មការិនី ដែលកំពុង​ធ្វើការ​នៅក្រៅប្រទេស​ដោយធ្វើការ​សម្រប​សម្រួល​ ជាមួយប្រទេស​ដៃគូដើម្បីផ្តល់​នូវល័ក្ខខ័ណ្ឌការងារល្អៗ ដែលមាន​ប្រាក់ខែល្អ​សមរម្យ​ដល់កម្មករ​ព្រមទាំង​ជួយ​សម្រួល​នូវបែប​បទលិខិត​បទដ្ឋានផ្លូច្បាប់នានា ដែលពាក់ព័ន្ធនឹងការងារ​របស់បង​ប្អូនកូនក្មួ​យកម្មករ។ ទន្ទឹមនឹងនេះ​ដែររាជរដ្ឋាភិបាល​នឹងបន្ត​ជជែក​ជាមួយប្រ​ទេស ផ្សេងៗដូច​ជាកូរ៉េ​ខាងត្បូង ម៉ាឡេស៊ី និងប្រទេសថៃ​ដើម្បីផ្តល់​នូវល័ក្ខ​ខ័ណ្ឌការងារ និងប្រាក់ខែល្អៗ​សម្រាប់​បងប្អូនកូន​ក្មួយ​កម្មករខ្មែរ ។

មុននឹង​បញ្ចប់ សម្តេចតេជោ ហ៊ុន សែន នាយករដ្ឋមន្រ្តី បានជូនព​របងប្អូន​កូន​ក្មួយកម្មករ-កម្មការិនី និយោជក​ទាំងអស់ ដែលបាន​ចូលរួម​ក្នុងពិធី​ជួបជុំ​ថ្ងៃនេះ។ សម្តេចតេជោ បានឧបត្ថម្ភនូវ​ប្រាក់លើក​ទឹកចិត្តមួយ​ចំនួន​ដល់កម្មករ និងបាន​ឧបត្ថម្ភថវិកា​លើកទឹកចិត្ត​ដល់កម្មការិនី​មានផ្ទៃពោះចំនួន ៤៧៨ នាក់ផងដែរ។ នៅ​ក្នុងឱកាសនេះ​ដែរ សម្តេចតេជោ ហ៊ុន សែន បានថតរូប​អនុស្សាវរីយ៍ Free Selfie, FREE ឱបនិង, FREE ថើប ដែល​បង្ហាញកា​រអាណិត​ស្រឡាញ់ និងយកចិត្តទុក​ដាក់យ៉ាង​ស្មោះស្ម័គ្រ​ចំពោះបង​ប្អូនកូន​ក្មួយ​កម្មករ-កម្មការិនី នៅក្នុង​បរិយាកាស​ស្និទ្ធស្នាល និងសប្បាយរីករាយ​ក្រៃលែង៕

ពត៌មានទាក់ទង

ពត៌មានផ្សេងៗ