សម្តេចតេជោ ហ៊ុន សែន អនុញ្ញាតឲ្យថ្នាក់ដឹកនាំក្រុមហ៊ុន មីនៃប៊ែ មីតស៊ូមីចូលជួបសម្តែងការគួរសម និងពិភាក្សាការងារ

បន្ទាប់​មក​​ នៅ​ព្រឹក​ថ្ងៃ​​ទី៧ ខែសីហា ដដែល​សម្តេច​តេជោ នាយក​រដ្ឋមន្រ្តីបាន អនុញ្ញាត​អោយ​ក្រុមហ៊ុនទី៤​គឺក្រុមហ៊ុន មីនៃប៊ែ មីតស៊ូមី ចូលជួប​សម្តែង​ការ​គួរ​សម និងពិភាក្សា​ការងារ។

នៅក្នុងជំនួបនេះ​ខាងក្រុម​ហ៊ុន មីនៃប៊ែ មីតស៊ូមី បាន​គោរពជំរាប​សម្តេចតេជោ នាយករដ្ឋមន្រ្តីថា ក្រុមហ៊ុន​របស់លោក​​មាន​ភាព​​សប្បាយ​រីករាយ ​ដែល​បាន​សម្តេច​អ​នុញ្ញាត​​ឱ្យ​ជួប​ពិភាក្សា​ការងារ ហើយ​​បានគោរ​​ពរាយ​ការណ៏​ជូន​សម្តេច​ថា កន្លង​មកក្រុម​ហ៊ុន​របស់​លោក​បាន​​បង្កើត​រោង​ចក្រ​ចំនួន៣​នៅ​កម្ពុជា។

សម្តេច​​តេជោ​បានឆ្លើយតបថា មិនថាក្រុមហ៊ុន​តូចរឺធំទេ​គឺកម្ពុជា​ទាក់ទា​ញយកទៅ​វិនិយោគ​ទាំងអស់ ជាក់​ស្តែងដូច​ជាប្រវត្តិ​សម្តេចផ្ទាល់​គឺចាប់ផ្តើម​តាំងពីជីវិតក្មេងវត្ត​ខិតខំប្រឹង​រហូតដ​ល់បច្ចុប្បន្ន។

តំណាងក្រុ​មហ៊ុន មីនៃប៊ែ មីតស៊ូមី បាន​មានប្រសាសន៏​គាំទ្រប្រសាសន៏ស​ម្តេចតេជោ នាយករដ្ឋមន្រ្តីយ៉ាងណា​​មិញ​ដូច​ជាក្រុមហ៊ុន​ របស់លោកក៏ចា​ប់ផ្តើម​ពីតូចមកធំដែរ។ តំណាងក្រុមហ៊ុន មីនៃប៊ែ មីតស៊ូមី​បាន​ជំរាបស​ម្តេច​ថា ក្រុមហ៊ុន មីនៃប៊ែ មីតស៊ូមីមាន​រោងចក្រ៣​នៅកម្ពុជា និងបានចូល​រួមបណ្តុះបណ្តាល​បុគ្គលិក​កម្ពុជា​ផងដែរ ជាមួយ​គ្នានេះ​ក្រុមហ៊ុន មីនៃប៊ែ មីតស៊ូមីក៏បានថ្លែង​អំណរគុ​ណ​សម្តេចតេជោ​នាយក​រដ្ឋមន្រ្តី​ពាក់ព័ន្ធ​និង​វិស័យ​អគ្គិសនី ដែលបានចុះ​កិច្ចព្រម​ព្រៀង​ជាមួយEDC ក្នុងការផ្តល់អគ្គសនីគ្រ​ប់​គ្រាន់ និង​តម្លៃថោក។

ក្នុងជំនូបនេះ​សម្តេច​ក៏បាន​ស្នើអោយ​ក្រុមហ៊ុន មីនៃប៊ែ មីតស៊ូមីជួយ​បន្តបណ្តុះ​បណ្តាល​ធនធាន​មនុស្ស នៅកម្ពុជា ។

សូម​ជំរាបផងដែរថា ​ព្រះរាជា​​ណាចក្រ​កម្ពុជា និងប្រទេស​ជប៉ុន បានចុះ​ហត្ថ​លេខា​លើកិច្ច​ព្រម​ព្រៀងស្តីពី​សេរីភាវូ បនីយកម្ម ការជំរុញនិងការការពារ​វិនិយោគ នៃប្រទេសទាំងពីរ ដែលបាន​ចុះហត្ថ​លេខារវាង​សម្តេចអគ្គ​មហាសេនាបតី​តេជោ ហ៊ុន សែន នាយករដ្ឋមន្រ្តី នៃព្រះរាជាណា​ចក្រកម្ពុជា ជាមួយ​និងឯកឧត្តម ស៊ិនហ្សូ អាបេ នាយករដ្ឋ​មន្រ្តីជប៉ុន កាលពីថ្ងៃទី១៤ ខែមិថុនាឆ្នាំ២០០៧ និងបានចូលជាធរ​មាន​កាលពីថ្ងៃទី៣១ ខែកក្កដាឆ្នាំ២០០៨។ ចាប់តាំង​ពីមាន កិច្ចព្រមព្រៀងជាមួយ​គ្នារួចមក មានក្រុមហ៊ុនជប៉ុនចំ​នួន​១២៨ក្រុមហ៊ុន បានមកបណ្តាក់​ទុនវិនិយោគ​ក្នុងប្រទេស​កម្ពុជា ដែលមានទុ​នសរុបចំនួនជា ២ពាន់៧២៨លានដុល្លា ជាប់ចំណាត់ថ្នាក់ទី៩៕

ពត៌មានទាក់ទង

ពត៌មានផ្សេងៗ